|
所以咱ài认清恶魔ê真面目，同时ài了解咱教会或者个人信仰生活ê限时性，期待咱ê教会，虽然tī旷野，但是soah是荣耀ê教会，恶魔虽然横逆，但是上帝ê保守kap照顾koh-khah大，这是每一个基督徒siōng大ê安慰。
|
|
Koh再认bat约翰所推介ê疼ê事实，用che来建立咱ê人生，来影响社会，这是教会存在ê价值。伊ê存在m̄是只为tio̍h基督徒，mā是为所有ê人！
|
|
基督徒灵命ê继续kap成长，是基督徒生活中所bōe-sái疏忽ê事实，咱必须用严谨ê心态，去体验赦罪ê恩典；然后行tī光明中，活tī疼ê世界。因为in kap灵命有深切ê关系。
|
|
当然人ê意志力是软弱无完全ê，基督徒ài tī伊ê人格中追求那完全ê，ài把握上帝！M̄是已经得tio̍h，是向chit-ê标竿一直走，chit种期待，是基督徒励进ê意志动力。
|
 去芜存菁2011.01.02
中国古早楚国有一个人和氏，发现一块石头，伊认定是一块玉石，提去献hō͘王，但是王看轻这块石，而且叫人惩罚和氏，kā伊ê倒脚斩断，几年了后，和氏koh献玉石，另一ê王kā伊ê正脚斩断，和氏iáu坚信这是宝贝，最后这块石hō͘刻成玉玺，做成玉玺了后，秦王愿意用十五个城市来换取伊。米开朗基罗tùi粪埽堆内ê一块大理石刻出有名ê大卫像。基督徒是hō͘基督tùi死来救活ê存在！
|
|
以弗所书二章1～10节，真清楚kā咱讲：1）无基督ê人生ê悲惨ê状况；2）基督kap人生ê关系；3）Koh-khah重要ê是咱chiah-ê得救ê人生ê表现，咱ài时常存感恩ê心，完成咱ê使命——行善ê人生。
|
工显资值2010.12.19
br> 总有一工，ta̍k位基督徒lóng tio̍h khiā-tī上帝ê施恩宝座前，展示伊ê一生ê工程，面对那严肃ê一刻，人beh听上帝审判ê声音，是挡会tiâu千锤百链ê金银宝石ê工程，抑是不堪一击ê工程？Lóng tio̍h显露tī审判主chìn前，he就是工显资值ê时刻！
|
|
总讲一句：以前咱是罪ê奴仆，chit-má是上帝ê子民。「现今lín既然tùi罪得tio̍h释放，作了神ê奴仆，就有成圣ê果子，he结局to̍h是永生。因为罪ê工价是死，惟有神ê恩赐，tī咱主基督耶稣内面，是永生。」
|
|
信仰hō͘人成做新造ê人，亚波罗ê状况，to̍h是基督徒信仰生活真实ê内容，用信仰为主体，其他ê，比如学识、才能只是事奉信仰ê仆婢（工具），这chiah是伊正确ê观念。
|
|
耶稣基督交代所有ê信徒ài替福音作见证，所以：（A） 基督徒是福音ê籽。（B） 基督徒ê存在是成做荣神益人ê存在。（C） 保持美好ê面貌来见证信仰。
|
|
繁荣ê人生是人生存在ê方向kap目标，主耶稣真清楚kā咱讲繁荣人生ê真实ê内涵。期待tùi约翰福音十五章1～16节chit段圣经会有真正ê体会。
|
|
有一个日本学者访问德国，看见西柏林ê朝气，soah下结论讲：市民ê气魄kap phah拼，人民ê支持kap合作，环境ê配合。M̄管任何人才或者理想ê事业，若失去周围ê同情或者合作，to̍h无简单有成就，基督徒ê信仰生活koh-khah需要整体ê结合，建立共同心态，做伙向仝一目标去完成使命。
|
|
基督徒tī社会上beh建立良好ê生活原则，发挥做光做盐ê特质，来荣耀主。
|
群体动力2010.10.31
做一位符合上帝旨意ê基督徒，关心教会。今á日教会ê任务，beh领chhōa人到主ê面前，发挥群体动力去完成主所托付ê使命。
|
|
基督徒ê现实生活kap一般人仝款，mā会tú-tio̍h真chē困扰kap问题，必须teh信仰上建立家己，将一切交托hō͘主，因为主关心属于伊ê人民，「Siáng ē-tàng hō͘咱kap基督ê疼隔开neh…….」（罗马人书八章35节）
|
|
人生现实ê状况，有真chē问题kap困难，基督徒mā仝款，m̄-koh基督徒ài因信来坚立tī任何困境中，因为基督徒已经体验tio̍h人生ê上好ê宝。人生境遇kap困难定定kap咱生活斗阵，只有tī你人生中建立ē-tàng放心ê实体，he就是hō͘主耶稣基督tī你ê人生排第一位。
|
义重如山2010.10.10
用这来省思基督徒ê信仰生活kap耶稣基督ê关系，咱对主ê信任到什么程度？咱用jōa-chē真诚ê疼来对待chit位siōng好ê朋友？
|
疼ê原则2010.10.03
咱ài会记，爱必须ùi信心去完成伊，共同ê成长会hō͘爱koh-khah完美。改善你ê个性、价值观kap思想，用khah积极ê心态去适应你ê人生环境，一定ē-tàng收成人生理想ê目标kap结果。切记！停顿不进会将爱teh死！人生就会乌暗无希望。
|
|
只要你用信仰来建立你ê人生，无论任何境况，你lóng会超越。
|
|
乌西雅王ê事例是一面镜，用伊ê情形不断来反省咱ê生活，ài做永远ê成功者，必须ài坚持到底chiah有胜利ê冠冕。
|
|
幸福ê人生就是：1）（a）倚靠上上帝ê人（b）敬畏他，行他ê路（c）欢喜tī上帝ê圣殿。2）（a）过失得tio̍h赦免（b）有上帝恩疼（c）听上帝、肯受管教。3）（a）掠tiâu主（b）告白信仰（c）bōe因主来跋倒。4）（a）问心无愧（b）欢喜付出（c）ē-tàng tī上帝国食饭。
|
|
总讲一句，持守真道，大声讲出tùi耶稣基督ê信仰，bē-tàng因为基督来跋倒，án-ne chiah ē-tàng创造幸福ê人生。
|
|
过失得tio̍h赦免，追求一生有上帝ê恩典kap慈爱，以顺服ê心去听从上帝ê话，肯接受上帝ê管教，绝对无m̄-tio̍h！
|
|
追求人生ê福乐，是人生生活ê重点，虽然幸福ê观点kap定义，每一ê人无仝，但是对一个信仰者来讲，伊确实是建立tī kap上帝ê正确关系顶koân。
|
|
完成理想一定有真chē阻碍。尼希米ē-tàng持守：（一）对上帝绝对ê信心，（二）对人民ê爱心去行。Chit二者实在是胜利ê根本动力。
|
|
只要人ē-tàng顺从上帝，实行主ê道路，上帝ê应允kap赐福就会降tī你身上，发出kah-ná天星ê光，耶和华beh做你ê保护，你求告，耶和华必定垂听，你ê人生会kah-ná肥沃ê田园，有流不尽ê泉源，耶和华beh 提升你，承接应允之地！成做非常完美ê境况，这就是复兴。
|
|
基督徒ê信仰kap环境，有时会处tī危机kap挑战中，信仰ê状态mā会起起落落，今á日所特别需要ê，是得tio̍h有利ê灵属境况，若ē-tàng不断来进入伯特利，to̍h ē-sái hō͘咱ê属灵性命koh-khah完全进步。
|
|
咱ài学习亚伯拉罕对上帝完全ê信靠，对人类灵魂ê热爱，以及谦逊ê心，koh一pái做信仰ê省思，咱ê存在如何？tī腐化ê社会中，咱kám有发挥基督徒ê功能？或者是成做别人ê阻碍？
|
|
本会成立编辑小组，并利用上班之余ê时，将林牧师ê讲道稿整理出版，希望藉tio̍h文字ē-tàng尽量传达林牧师讲章读真义，来荣神益人。
|
|
每一pái读林宗要牧师ê讲章，我lóng会受感动。伊ê讲章，处处lóng teh见证上帝ê疼，并阐明基督徒应该有ê信仰kap生活态度。
|
|
虽然我对主ê呼召并无确切ê时间体验，但tī进入神学院ê时就存感恩ê心，抱tio̍h完全委身ê奉献心态去面对神学教育kap将来ê牧会工作。
|
