《赖永祥讲书》

 | | | 转寄

《教会史话》(1_063)甘治士「台湾纪略」

作者 赖永祥 2008.09.28

甘为霖ê着作「荷兰统治下的台湾」第一部「台湾总说」第2节「住民志」(Account of the Inhabitants, 在该书第9~25页)，是甘治士牧师着作「台湾纪略」ê英译。干治士(Georgius Candidius) 是荷兰首任驻台宣教师，1627~1631年kap 1633~1637年间tī台湾，先tòa tī新港，后来chiah般搬去赤崁(今台南)。

「台湾纪略」就是甘治士tī 1628年12月27日ùi新港发出ê报文，伊写着台湾ê自然、住民kap in ê生活方式、社会状态、结婚离婚、房屋家俱装具、埋葬方式、宗教观念等，是beh知影荷据以前，当时台湾ê状况一定爱读ê文献。

「台湾纪略」ê荷语原文件tī J.A.Grothe ê「荷兰海外宣教史料类纂」，Rechteren旅行记，C.E.S.「被忽略之台湾」等。有真chē国ê翻译文。英译见于Churchill ê「航海记全集」，John Harris ê「航海旅行记集」等。陈奇录bat kā甘为霖译本重译做中文，因为伊所记述ê大部分是台南地方新港等八社住民ê风习，所以改题做「三百年前台南地方的住民」(见「台南县志稿」，各为卷9杂志)，确实是一篇重要ê有关台湾平埔族ê早期文献。

譬如讲干治士-讲着原住民ê信仰。讲是另外一种形式ê宗教，以口授代代相传，对宇宙ê创造soah啥么拢m̄知，m̄相信世界会毁灭，m̄-koh相信灵魂不灭，人死了后伊ê灵魂会因为伊在生进前ê行为来受着报应。他们有真多应该做kap不应该做ê代志，当然有一寡是阮认为有罪而且亦是in所认为不应该做ê: 譬如讲白贼、偷拿物件kap谋杀等。也有一种咒chōa，是tī公众面头前拆草咒chōa。in信仰真多神，对in供奉牺牲，有使人美貌ê神，也有使人变做真bái ê神，也有战神。招请神明[kap奉献牺牲，是女巫，(叫做lnibs) ê职责，奉献物包括杀猪、米饭、槟榔、酒kap野猪ê头。若是tú着啥么困难，in着爱请女巫来作法，作很多奇怪ê仪式。预测天气(beh落雨iá是beh好天)是女巫ê职责。女巫koh应该除秽驱邪，因为in相信有很多邪灵恶鬼，女巫手执斧钺，大声叫着会冻kā这寡鬼灵赶入水内。tī路上四界拢设有祭坛，干治士本人mā bat走路ê时chūn不小心poa̍h倒。

原住民ê风俗有真大ê无kâng(请读该文，在此不赘)，信仰亦不同，荷兰宣教师拢khai了很大ê功夫去学习in ê语言，来传播基督ê福音。当时改信ê原住民，或者会答「教理问答」、念「祈祷文」，但是真正了解基督教真义ê有几ê？



《台湾教会公报》 1942期 主后1989年5月21日