《赖永祥讲书》

 | | | 转寄

《教会史话》(1_061)俗语字在甘字典

作者 赖永祥 2008.09.14

甘为霖编「厦门音新字典」，m̄若有正字，有同音异形字、俗字，mā有所谓高级字形m̄-koh khah少用ê)、罕用字、偏字kap怪字，各别占一行，列记读音kap解义。注音用罗马宇。正字、字首用大写；俗话音，一律小写。抬头单字，先记字头大写ê罗马字读音，koh来是列汉字，字义解说khǹg tī后壁。抬头俗语，首列语音，chiah记正字、读音，以括弧做记号，如:Lak(六liok)，再汰列解说。

正字ê音义，以「康熙字典」为准，问题无chē。惟俗语字，编者靠当时tī闽南kap台湾「十五音」字汇外，无文献thang好参考，只有听别人讲。俗语所该当ê正字，iá是口传失真soah有语无字ê是真chē。虽然是无顾辛苦去访查，soah往住为着一ê字iá是半句话，踌躇真久bōe冻决定。

林锦生kap册房经埋孙耀云有很好ê交情。伊讲孙先生牛穿chhah随便，m̄-koh伊并m̄是啥么拢m̄ bat ê人，心存私淑。孙曜云对俗语偏字ê搜集kap研究，更有奇怪ê癖好。有一日问锦生:「你是甘牧师字典ê编修员，雅俗兼备。雅者正字音义，自有康熙字典，足资依据，事工比较khah简单。俗者俗语，散漫参差，乱杂无据。虽有十五音字汇，足资借镜。m̄-koh mā是有bōe冻尽如人意者，mā是无可奈何？」伊chiah koh问讲:「亲像馅饼ê「馅」，水饺ê「饺」，恁ê字典kám有chit-ê字？又koh亲像淘井ê「淘」字，汰米ê「汰」字，你kám知影chit寡字？」顶面四ê字，虽然m̄是tiâⁿ-tiâⁿ用，soah是浅显ê俗语字。待锦生beh作笞ê时，耀云接落去koh问讲:「再如俗语Kau soa-sap之 soa-sap，伊ê正字是啥么？锦生àⁿ头tī leh思考。过一时仔chiah以「琐屑」二字来回答伊ê问题。耀云拍手笑讲:「语云:后生可畏。信哉斯言!听你ê回答，会冻知影你m̄普通人会冻比ê。甘字典有你真正是真幸运。」

锦生得着耀云ê鼓励，甚至是伊辞退编修了后mā是继续搜寻探讨俗语字，总共得参考书所无ê有53字，tī 1911年春交hō͘甘为霖。(据「七十年前之回忆」)

孙耀云，桥仔头后卫庄人，1883年由黄月德导引入信，tī 1886年1月24日由巴克礼牧师领洗，同年到册房做印刷工， 服务33年，期间升做经理，koh做到公报社ê主任。1896年至1903年任太平境教会执事，1903年至1911年任长老。退休了后转属东门教会。 　 　
《台湾教会公报》 1940期 主后1989年5月7日