《赖永祥讲书》

 | | | 转寄

《教会史话》(1_057)kap费师母学练风琴

作者 赖永祥 2008.08.17

费仁纯(Frederick R. Johnson))担任长老教中学校长，任教ê期间是1901年1月至1908年6月。夫人tī 1901年11月来台湾，随tī中学教「诗调」(主要是hō͘学生会晓吟诗)，着亲像chit-má ê音乐课程。

林锦生(1894～1980)早年就是由费师母所提拔ê。师母tī 1901年ùi太平境主日学学生内面选拔伊入去中学，1905年选伊学弹风琴。hit时太平境会堂已经有中型ê风琴，由费师母担任司琴，她beh培养本地ê琴手来交接。当时已经学会晓弹风琴ê人只有林茂生。绵生tī 1907年中学毕业，得着甘为霖牧师ê赏识协助字典ê编修，亦有费师母ê推荐。

林锦生tī「七十年前之回忆」讲着练琴ê体验云:（费师母）拿出一本厚身ê诗谱，翻出kap现在圣诗175首仝款厚（按Henry Baker作曲）ê琴谱.... 睁眼一看，纸面满布白圈黑点。几是嗜读小说之笔者，疑是昔时孙膑撤豆成兵图案ê翻版。黑点小如细粒豆鼓，白圈即形近小麦。koh有白圈带柄者，若亲像豆芽，黑点有尾者，更khah像水墘蝌蚪，面对星罗棋布，圈圈点点ê教本….暗自神伤叫苦。chit-ê时chūn，费师khiā tī正pêng。tò手指头仔指tī黑点顶面，正手ê指头仔依照tò手指头仔所指ê，一拍一拍按键子弹去，就是所谓ê指法示范。既毕，终而复始，再来一遍。第三遍，就诱导笔者正手指头仔，仝款试弹一遍。又再来一遍。示范中，并上线谱(右手)及线内上下两排黑白圈点之意义，扼要解说，以充初步启蒙。.....或谓费师母之教法，是Sparta流，是进的，chit句话确实是无乌白讲。亲像笔者练琴虽然已经有几若个月ê时间a，弹ê时若有m̄着一指，伊手中细嫩ê藤条，着会随拍落来。所以，弹琴ê时，明知影面头前是心慈意善ê师母，m̄-koh心内犹原是真惊惶，心情真歹维持平静。

依当时ê惯例，每当主日早起，中学男生女学女生，要各别整队至太平境礼拜堂，kap会众同守崇拜听道。下晡，女学师生，着爱列队至中学讲堂，kap查埔gín仔联合共守礼拜。根据林锦生ê回忆，1905年冬天开始，太平境早起礼拜ê司琴，着改由锦生tī费师母辅导之下做琴手。下晡ê司琴，太平境仍由费师母负责。中学讲堂男女生联合礼拜，则由锦生专任到毕业为止。费校长退职归家回国了后，太平境早起ê礼拜，就由锦生担任琴手，不管是寒天热天，透风落雨，iá是身体无爽快，亦竭力以赴；至1911年3月考入医学校，已bōe冻继续工作，chiah离开岗位。
　　 　 《台湾教会公报》 1935期 主后1989年4月2日