《赖永祥讲书》

 | | | 转寄

《教会史话》(1_054) 康熙教士测绘台湾地图

作者 赖永祥 2008.07.27

清圣祖tī康熙47年(1708)至56年(1717)下令叫西洋天主教士到全国测量来画地图。这是中国第一摆用khah科学ê方法来画ê地图，后来号名做「皇舆全览图」。

受命来台湾西部测量ê，有三ê法国籍ê耶稣会士，就是雷孝思(Jean-BaptisteRegis)。冯秉正(Joseph-Francois-Marie-Anne de Moyriac de Mailla)德玛诺(Romain Hinderer)，tī台湾ê时期是1714年4月18至5月20日左右(康熙53年3月5至4月7)。这应该是台湾文化史上ê一件大代志，可惜传落来ê无多，亲像连横「台湾通史」ê记载干taⁿ 16 ê字:「是年(康熙53年)命天主教神甫买刺来台测量纬度」。买刺Mailla之译，伊ê汉名是冯秉正。

有关教士来台湾测量ê详细情形，请看方豪「康熙五十三年测绘台湾地图考」(收tī「方豪六十自定稿」一文。是文列记载中文史料相互参证校正错误外，koh将当事人之一冯秉正ê一张有关长函译做中文并用仝时代ê中文记述来印证，更加可贵。冯秉正tī 1715年8月至 P. de Colonia神父ê信，其实讲着测绘者无多，m̄-koh有关台湾ê历史、地理、风俗、物产等ê描写soah是真详细。他ê法文函原记载tī「观摩奇异书札集」Lettres edifiantes et Curieuses，有德译、英译等，甘为霖ê英译tī「荷兰治下之台湾」附录。

以下就是鸿秉正函讲着当时tī台湾kám有教友的一段：「当阮离开厦门以前，有人对阮说tī台湾mā有教友。我们有去调查，tī汉人内面是绝对无ê，m̄-koh tī岛民内面 kan-na是有ê，是tī荷兰人占港口ê时传ê。我们bat chhōe着几若ê会晓讲荷兰话、会晓读荷兰册ê，他们mā会晓用荷兰字来写。阮ma7ti7他们手内chhōe着几本荷兰文圣经ê残本。他们无拜任何菩萨，任何kap菩萨有关系ê代志，他们拢会惊。他们无beh学任何ê宗教工作，也m̄念任何ê祈祷文。m̄-koh我们看出他们有熟悉一位创造天地ê主宰，一个天主包含圣父、圣子、圣神三位，他们mā讲人类ê第一ê查埔人叫做亚当，第一ê查某人厄伐(夏娃)因为无听天主ê命令，惹天主对in kap in ê子孙受气，他们必须受洗chiah会冻免除这一切ê罪恶。他们koh知影付洗经文。m̄-koh阮无法度确知in是m̄是teh付洗。充任译员ê汉人向我们证实他们ê孩子生落来了后，就用冷水倒tī伊ê身上。m̄-koh因为这寡通事是教外人，对本地话ê认识无多，阮从来拢无啥信任。阮kan-na已经试出他们并无来生赏罚ê观念，他们对hō͘ kiáⁿ儿付洗，mā kan-na无啥关心....。

　 《台湾教会公报》 1932期 主后1989年3月12日