《赖永祥讲书》

 | | | 转寄

《教会史话》(1_041 )红毛亲戚

作者 赖永祥 2008.04.27

时间是1863年11月，有二位英国人，必麒麟(W.A. Pickering)kap马雅各(James L. Maxwell，D.D.)访问了台湾府(台南)周围几ê平埔部落;荷兰人已经退出台湾有2世纪--a，m̄-koh古早以前相传荷人教化ê缘故？社民对tī「红毛亲戚」表示非常欢迎kap款待。必麒麟tī台湾府海关食头路，tī 1865年hō͘;人派去负责安平分关，1867年转任tī McPhail公司后改为Elles公司—就是1868年樟脑纠纷ê重要角色。马雅各医生是英国长老教会首任驻台宣教师，1865年6月tī府城外看西街设教会，无lōa久toh被迫局促tī打狗。

必麒麟着有Pioneering in Formosa(伦敦1898年刊，有吴明远译「，老台湾」台湾银行刊台湾研究丛刊第60种，民国48年)，就是作者tī台湾ê体验记录；总共有10章是向kap马雅各访问平埔社ê记事，现在节录一kóa记述tī下脚:

1865年ê秋天，我tī海关食头路，去访问台湾府(台南)10来哩外新港(今新市)，tī hia发现有17世纪荷籣时期所留落--来ê平埔社遗迹。新港以前是殖民者ê传教基站，现今ê乡民有一kóa是hiah-ê番民ê后代。不过chiah-ê平埔番ê穿chhah kap汉人lóng仝款，mā己经lóng bē纪in原本ê语言--a，乡长是一ê平埔族人，是一ê小官员，因为伊bat平定太平军soah来有军阶。Tī讲话ê中间，乡长答应kā我绍介hō͘ tòa tī各地ê族人，伊讲in一定会对红毛亲戚chiok欢迎--e。我计划访问，而马雅各亦表示愿意同齐去。Toh án-ne tī 11月某一日阮带使佣人kap 3名苦力离开府城。阮先tī新港过暝，乡长提供hō͘阮一名导游，第一站是岗á林，离新差不多15哩。到岗á林ê时受tio̍h头目ê欢迎。Chit位头目是tī清政府负责社务--e，是族裏siōng kài优秀ê代表人物，坦白淳朴，并无新港乡长ê hit种世故ê观念。社民自称做番，长老iáu bat一kóa祖先所讲ê语言，in真尊敬早时ê荷兰殖民者，所以对所有ê白种人lóng有好感。曰：lín是阮ê亲戚，不属于tī hiah恶质ê剃头人(指汉人)，lín到底是toh chit种人？分开chiah chē年--a，到现在当阮目花tio̍h beh死ê时chiah看tio̍h「红毛亲戚」真喜。听in 所讲ê话，尤其是老阿婆所讲--e，实在是使人感动。...tī芎蕉脚，tòa做伙ê老头目讲，chhōa来一ê「红毛亲戚」，所以阮mā受tio̍h真热情ê欢迎，社民杀猪家禽款待….到荖浓，导游真臭屁喊讲：喂，喂!大家紧出来看「红毛亲戚」，是咱真久以前ê亲戚，是真久以前ê亲戚，祖先bat讲过ê hiah-ê人!所以头目社民lóng出来热情欢迎….。

岗林教会tī 1967年第2次改建完竣，庆祝创立百周年。Tī创建ê时，会堂kap地皮是李顺义所捐献--e。根据必文会冻知马雅各kap岗林ê初次接触是ti71865年11月。
《台湾教会公报》 1916期 主后1988年11月20日