《赖永祥讲书》

 | | | 转寄

《教会史话》(1_042)祖港ê李顺义

作者 赖永祥 2008.05.04

岗林李顺义是故台湾教会公报社主笔李嘉嵩牧师(1914-1978)ê a祖。李嘉嵩「一OO年来」(1979年人光出版社)第一章「先祖先们」云:旗后有正式礼拜ê时，布道所内面lóng ē-tàng看tio̍h我ê a祖一家伙á。Tùi台南县山地崎岖岗á林到高雄旗后，以今á日ê汽车、火车kap步行，来回mā tio̍h ài 10点钟。Tī一百年前，a祖beh chhōa领一家伙á去旗后看马医生，若是听tio̍h做礼拜，就必须tī拜六天亮进前，带tio̍h一支火把出发，一直向南行足足一工一暝ê路程，tī礼拜日早起 chiah ē-tàng到旗后。tī路途中劳顿三顿无稳定，koh常常有土匪出现，过路人m̄-nā常常有hō͘抢劫ê危险，就是生命mā是仝khoán。A祖chhōa厝内ê人去旗后做礼拜ê时，in一阵 人必须ài带ê物件有食--e、武器枪械kap粉鸟等三项物件。食—e有啥米用途，无讲你mā知；武器枪械是用来提防路中来抢劫ê土匪，讲到粉鸟，就是等到一阵人平安到旗后了后，tī礼拜日早起kā伊放出--来hō͘伊飞tńg去岗á林，hō͘阮祖妈kap厝内ê人看tio̍h会冻放心，知影in已经平安到旗后--a。(che是gōa ni á感动ê故事!)….ti71867年a祖就奉献地皮kap建筑物，如今教会会址iáu是 tī仝一ê地点….。

下过「一OO年来」起头讲：听讲a祖李义顺，自从马医生tī台南开设布道所兼诊所ê时(chit本册注1856年6月15日，m̄-koh是16开设chiah-tio̍h)，就bat kap故乡岗á林同村ê病友到台南马医生hia求医…。Chit段是「听讲」--e，m̄是史实。你若是读必麒麟tio̍h Pioneering in Formosa(中译：老台湾)就知影马医生kap岗á林ê人kap土地第一摆接触是tī 1865年11月，马医生已经被迫退出台南，并徙去tī旗后。

Koh tī「一OO年来」卷头有岗á林李家简谱；记祖先源流讲：祖先相傅来自江苏省新港府，乘渔船过海漂流tī现今高雄白沙仑ê所在，转台南府居欉á林，后转新港to̍h是现在新市乡，而扩到山顶乡，到文贵公(按顺义之a祖)始入岗林(通称岗á林)开拓到taⁿ......。其实，江苏省并无设置新港府。「满车功五品衔顺义李公佳墓」是同治甲戌(13年)腊月所立者；刻有祖籍「新港」，chite5所在应该是平埔四大社之一ê新港社。Koh再读必麒麟ê册，就知必麒麟是先访问新港，得tio̍h乡长ê绍介，kap马雅各医生去访问有仝族人ê番社，第一站是岗á林，见tio̍h头目，chite5人是tī清政府负责社务--e。根据推断chit ê头目应该是李顺义，伊mā是新港社仝族ê人。李顺义传5后生、2查某kiáⁿ，长女凉娘、长子登旺、次子登发、三子登富(过三房)、四子登炎，五子登科、末女发金。(登发是嘉嵩ê阿公。)

「一OO年来」是一本台湾教会界真难得ê传教者自传，tùi阮阿祖in来谈起，包括一生ê回顾kap展望。听讲接替徐谦信牧师tī台湾神学院教「台湾教会史」ê吴文雄牧师特别要求学生tī第一个礼拜阅读chit本册。

　 《台湾教会公报》1917期 主后1988年11月27日