《赖永祥讲书》

 | | | 转寄

《教会史话》(1_ 028) 诗册kap早期信徒ê入信

作者 赖永祥 2007.11.05

「真主上帝造天地，能光能暗谁仔会，冥转为日日转冥，生成万物功劳圆；上帝慈心着敬服，保庇众人赐服禄，食穿及用皆妥当，万物齐备伊亲创；各样菩萨总无真， 不如上帝是至神，世间假佛人所刻，须知服事真无益；救世功劳无可比，世间人人不敢拟，天下四海大及细，诚心敬拜独上帝。」

Chit首诗tī咸丰4年（1854）季春鑴「养心神诗新编」，是十三首中ê第三首。注án-ne讲：Chit首是teh讲上帝有大权，ē-tàng hō͘日转夜夜转日，koh ē-tàng hō͘人衣食费用lóng充足，hō͘人siōng好是独拜上帝，bē-tàng服事偶像，作无利益来害tio̍h有益。

南部设教以后，第一位听道改信ê是高长（1840∼1912）。 高金声牧师bat用白话字写「高长伯传记」（见「南台教会史」附录），略讲：高长伯二十八岁来台寻姊谋职……（某日）因seng-lí亏本beh去卜卦问王爷，预备牲礼去烧香，途中遇tio̍h民众围聚，知影有人teh传「番á教」。伊听tio̍h ê信息就是：上帝是真正，人siōng好是拜伊；佛是假ê，拜佛会têng-tâⁿ。长伯听了后，就舍去求佛ê念头。早期 tī台湾布道ê信息是简单koh节要，唱吟一、二首「养心神诗」来帮助，高长伯chit工所听ê诗定tio̍h是「养心神诗」第三首无m̄-tio̍h。

「养心神诗」第一首是讲造化之主ē-tàng创万物tùi天kap地无一个无齐全。林赤马tī 1883年3月，年纪已经二十六岁，访问朋友郭省，beh邀伊去隔壁庄观戏。Tī伊ê桌顶有khǹg一本「养心神诗」，开卷to̍h看tio̍h其中记载：上帝创造天与地，生成万物各项能，功劳极大又极濶，一世称呼永无息……上帝的恩讲不尽，差遣耶稣救万民……。读soah沉思吟味，自言讲：我读经多部，m̄-bat记载天地万物啥人创造，心有淡薄á起疑讶。林赤马就是后日ê名牧林学恭。 梅监雾牧师( Gampbell N. Moody)，tī 1907有出刊《异邦人ê心》一书( “The Heathen Heart ：An account of the reception of the Gospel among Chinese of Formosa”。其第五章约略讲：主ê恩惠临到异邦人，平常第一ê徵候就是伊想购买一本汉字诗册。伊或者bē晓读，但伊会记落来册中一kóa符号，伊会请一位信徒或传道者，念一句来暗念一句，并请伊指点册中ê记载。一句koh再一句，一首koh再一首……伊ē-tàng记忆jōa-chē首诗？对无学问ê求道者，thang用这来测验伊信仰ê程度。诗册（如《养心神诗》）虽然bē-ōe代替圣经，但对早期信徒进入信仰生活影响之大，tùi chia ē-tàng看出。
(华语原载：《台湾教会公报》1902期主后1988年8月14日)