《赖永祥讲书》

 | | | 转寄

《教会史话》(2_102) 府城庙宇kap联境

作者 赖永祥 2009.06.21

基督教一开始是传kàu台湾府城（台南），宣教师tiāⁿ-tiāⁿ会注意寺院、斋堂、庙宇、祠堂khah chē kap香火khah兴ê所在。Kan-ta无一定知道以寺庙为主体有联境组织，会使真简单来动员民众kap壮丁来反教。

汉人通俗信仰是多神ē（Polytheism），拜ê有天神、地只、人神、职业神、家族神、地区神、或佛陀、菩萨、罗汉等外来神、甚至动植物、石头；名称真chē；级数无仝，有至尊至上ê玉皇上帝，mā有孤魂野鬼ê有应公。

府城有俗称七寺八庙。开元、法华、竹溪、弥陀、龙山、重庆、黄孽七寺kap大妈祖庙、祀典武庙（大武庙）、府学文庙、府城隍庙、风神庙、药王庙、大上帝庙（北极殿）、水仙宫等（八庙说法不一，mā有列龙王庙、马公庙等等）是规模上大ē。Khah-su kā大间细间lóng合--起来，同治年间府城寺庙超kòe一百间。

庙有公庙（譬如讲文庙、府县城隍庙、大天后宫等），有私庙，mā有境庙。境庙是住tī hia ê信徒支持ē，管khah阔ê有十条外街，khah细ê一、二条街。有ê时阵有属庙，叫做角头庙。Kàu寺庙信徒来祭祀、发愿、求平安、压煞、镇病、求医、抚冥、卜命……，koh借庆典等活动。民众saⁿ-kap来联谊，自然成做生活ê中心 鸦片战争爆发了后，巡道姚莹、总兵达洪河，因为感觉防备khah无够，tio̍h kā城内ê街á路分做72境，招集发落绅士铺民壮年2、3、4十名等，hō͘ in武器，分段帮chān守备。道光22年（1842年)`姚莹奏已经有82境。Chit-koah境真自然以寺庙为单位。咸丰3年（1853八五三年）府城成立团练总局，庙境壮丁犹原负责巡查。同治元年（1862年） 戴潮春ê事件，营兵义勇lóng来斗saⁿ-kāng，署巡道洪毓琛koh-khah进一步计画kā境连--起来加强地方治安。

所成立ê 10个联境（括弧内指境主庙）：有二十一境（大上帝庙），十八境（"县城隍庙）、八协境（大人庙）、六合境（开山王庙）、八吉境（保和宫，后来改做总赶宫）、六兴境（开山宫）、六和境（祀典武庙）、四安境（良皇宫）、三协境（风神庙）kap七合境（集福宫）。 各联境有成员，lī-chhiaⁿh规定防守城门kap境域。本文旨m̄是leh 详细siāu-kài联境制ê来龙去脉，有意思beh进一步了解ê人会使读石万寿撰「台南府城的城防」、「台南市宗教志」、「寺庙与都市发 展」等文。Chit-koah境庙，加上三郊管理ê大天后宫、水仙宫、海安宫等。M̄-nā是信仰中心。Mā是民防中心，绿营反倒转成做beh食m̄做si̍t ê单位。同治5年闽浙总督左宗棠正下令设置保甲局ê时阵，局mā大部份tī联境各段签首主庙成立；维持地方治安ê大权，完全落tī联境ê keng-kah头。

《台湾教会公报》 11995期 主后1990年5月27日