《赖永祥讲书》

 | | | 转寄

《教会史话》(2_103) 水仙宫一带是闹市

作者 赖永祥 2009.06.28

宣教师马雅各医生tú-kàu台湾府城（台南）ê时阵，tio̍h tī大西门外看西街设教kap施疗。Khah-su你有沟季府城地图。Tio̍h会使沿看西街向北过了偷食桥，tio̍h kàu水仙宫。当时金仙宫一带是府城上繁华、热闹ê地区。
天上圣母（妈祖）、水仙、风神、龙王是台民所hōng-sāi保护船chiah 渔民ê神。水仙王者，根据郁永河撰「海上纪略」，是「洋中之神。莫详姓氏。或曰：帝禹、伍佰（子胥）、三闾大夫（屈原），又逸其二……」。逸者，王勃？李自？康熙54年（1715年）泉漳诸商建水仙宫tī台湾府西定坊海口。后来贸易业务变真兴，营业性质tâu-tâu-á成立集团，号做「郊」ê组织。所谓三郊者，tio̍h是「北郊」（华北、华中贸易）、「南郊」（华南贸易）「糖郊」（经营糖进出口）。三郊tī干隆6年（1741年）tī水仙宫边室，设置「三益堂」公所，来处理一切郊务kap地方公事。三郊用赚ê钱捐--出来铺路、造桥、修庙：建造域栅、设练义勇等等，对地方ê建设、治安、救济等尽真济ê力。水仙宫一带成做商业中心，繁华是会使想tio̍h-è。港口开放以后，外国生理人lóng来台湾。设馆iah-sī货栈，无tī安平，mā-tio̍h-sī tī水仙宫一带。进出口真济、货ê运输真频繁，消费文化开始thòaⁿ开。菜摊、茶馆、烟（芙蓉、鸦片）、妓寮……林立。陈肇兴「赤嵌竹枝词」云：「水仙宫外是侬家，来往艘船惯吃茶，笑指郎口是钱树、好风吹到便开花」，tio̍h是好写照。

英语Down town kap Up town ê语言，府城人mā有下底街、顶街ê名称。城内上帝庙向东一带khah koân，叫做顶街。向西行--落去是下底街kàu城外水仙宫一带，chi̍t带tī清期是府城上繁华ê所在水仙宫起tī水船停靠ê海口，面向台江，m̄-koh因为真久以来土沙ê堆积来成做陆地，干隆29年（1746年）三郊重修ê时阵，旧ê港口已经hō͘土沙that真久，市尘杂沓，交相逼处，知府命令居民搬走，ùi祠前kàu小港，lóng总有12丈，广共3丈，「气局轩敞，庙貌庄严」云，会使知影陆地化leh进行。Kàu今á日m̄-nā水仙宫：归ê台江mā成做陆地。

三郊所用ê帆船：phah bē-kòe外国生理人ê轮船，光绪期公款日绌「贸易日少，kàu光绪31年（1895年）割hō͘日本，泉漳诸商lóng散--去，三益堂公所mā来pha-hng。日本政府mā-kā樟脑改做公卖，管制鸦片……致使外国生理人无lī-sûn thang thàn。随tio̍h台湾kap日本贸易ê进展，高雄港ê起造等等因素，水仙宫附近tio̍h-beh恢复khah-chah ê光彩，已经lú来lú近。

Tī本文上后尾，请逐家想看mái，宣教师tī府城上繁荣热闹ê水仙宫附近beh起「桥头堡」kám是khiáu ê选择。

《台湾教会公报》 1996期 主后1990年6月3日