《赖永祥讲书》

 | | | 转寄

《教会史话》(2_101) 台湾今昔

作者 赖永祥 2009.06.14

英文册内底，头一本无偏南北，kā英国长老教会kap加拿大长老教会tī台湾ê传道史，kap述通者sio-kap，可能tio̍h是明有德牧师ê「台湾今昔」（Then till now in Formosa）。

明有德牧师（Rev．Hugh Mac Millan，1892-1970年）sī加拿大安大略省布鲁士人，1924年用加拿大长老教会宣教师ê身分来台湾，ùi 1960年11月离开台湾ûi止，中间虽然有放假kap战争ê时阵tǹg来国内，前后38年内底，尽心ùi台湾宣教。Bat tī台北神学校做校长（1927-1931年）、淡水中学校做校长（1935-1936年）、马偕医院做董事kap董事长等等ê职务。伊bat推动圣经研究、基督教青年会（YMCA）事工、学生运动、传教师灵修会、长执联合会等等，lóng chioh尽心。他tiāⁿ-tiāⁿ担任圣诗部ê委员，对圣诗改订lóng chiaⁿ有贡献。

「台湾今昔」是1953年ùi英国长老教会加拿大长老教会二ê教士会共作伙出版..ê。读者应该注意tio̍h 1951年3月7-8日tī双连教会有南北合一ê总会第一届会议召开。册tio̍h应趋势来完成，所以他探讨二ê会ê根，kiōng同ê目标kap事工。全书分做六章：（一）绍介远东美丽岛，（二）革命主义运动ê第一pho（描述荷兰人ê宣数），（三）近代宣教ê开端，（四）医疗传道，（五）教会事工（六）教育事工，koh附有驻台宣教师名单kap参考书目，lóng总有102页。

1963年，明有德牧师koh giâ笔补充一章，描述10年来ê事工，宣教师名单mā添kàu 1962年。册名就改做「tī台湾ê上尾初一世纪」（First Century in Formosa），lóng总有136页，ùi台北中国主日学协会刊行。

明有德牧师另gōa一本传记着作「海外ê建造家—台湾ê吴威帘」（Builder Abroad： William Gauld of Formosa），mā chiaⁿ有介绍ê价值。这是一本细本册簿á，本文49页，1956年由英国kap加拿大长老教会tī台宣道会刊行。Khah-su讲偕睿理牧师是北部教会ê开拓者，吴威廉牧师tio̍h是北部教会ê组织者。吴威廉牧师（1861-1923年）是加拿大安大略省伦敦人，16岁ê时阵tio̍h听tio̍h偕牧师讲起台湾宣教，受tio̍h伊ê感动。1892年8月结婚，10月ang-á-bó tio̍h来台湾，做加拿大长老教会宣教师。Tī台湾做khang-khòe lóng总有31年。北部中会ê成立，tio̍h是伊辅导、申请、组织成功..ē；1904年中会成立，伊担任头一届会正（议长）。伊申请母会派女宣教师来台湾，提koân妇女教育，mā申请开办中学。伊是牧师，mā是建筑家，伊bat建造礼拜堂、学校kap病院。