《赖永祥讲书》

 | | | 转寄

《教会史话》(1_100)指向台湾府城

作者 赖永祥 2009.06.07

Tī台湾开拓传道，伊ê基站应该ài设tī toh？英国长老教会选定台湾ê府城（台南）作目标，是有充分理由ê。

同治年间台湾犹koh是属福建省。Tī省ê下kha设有「台夏兵备道」，每半年交替调驻台湾、厦门两地。伊ê任务除了任道台外，兼任按察使佼（司法）kap学政使（科学、教 育），并协同台湾总兵处理军务。Tī道台之下，有台湾知府，管辖ê台澎政务，府下有县，设知县。Tī军事系统顶面，台湾总兵管辖全台治安，tī府治另设海防同治，全台分作几ê管区，下kha chiah koh分汛塘，一层一层按呢。府城是全台ê中心，道台、知府、台湾知县（府治外廓成一县），台湾总兵，海防同知拢tī府城。

府城亦是当时全境尚大ê市镇，有士、有商、有兵勇、有无赖、有乞丐，各种行业拢会冻看着。有城垣围起来，周围着有「二千五百二十丈」，规模真大，是全台之冠。城内有衙门、考棚、鸿指园、孔庙、关帝庙、府城隍庙、赤崁楼……气派十足。府治分四大坊（东安、宁南、镇北、西定），大街小巷，通往各城门（有八门），是生利人卖物件ê通道，城廓兵驻守。大西门是涌外口安平之关，内外街市拢真繁荣，商夏连檐栉比，商民挑夫接踵，街路虽然真狭，m̄-koh5p 闹热。

安平tī府西，有一ê大潮渠通对chia来，小船竹筏积载货物tī chia来来往往。海口一带大部分是沙洲，大船bōe冻入来，若是轮船着爱停tī港口，che是伊ê缺点，m̄-koh港由条约开埠而且是府口，外国船只来往不绝，贸易额tī改隶日本以前，一直淡水比、打狗、鸡笼三口khah chē。1864年5月安平设新关。

1865年5月马雅各医生来到台湾ê时，打狗已经有真chē间洋行，天利行（MacPhail & Co.）是其中之一，由James W. MacPhail所主持。登陆3 kang了后，in用kiâⁿ e来到府城，就住tī天利行分行行东Neil MacPhail ê厝，tī大西门外北势街（今神农街）。着随出去找房屋beh租，m̄-koh tī城内拢chhōe无，最后靠海关吏马威廉（William Maxwell）ê好意，顶租大西门外看西街（今仁爱街）ê一间厝，犹koh bē bái，就决定六月16日正式设医馆开始传教a。

在此顺续提必麒麟（William A.Pickering）ê动向。必氏随马威廉来台，1863年任打狗关检查员，1865年被派驻安平分关，本来tī 1867年受聘主持天利行府城分行ê业务（Pioneering in Formosa. Chapter I.）。后来天利行改组kap怡和洋行相合（Elles & Co.），怡和洋行tī鹿港买ê樟脑去hông没收，正是1868年樟脑纠纷ê起端。

《台湾教会公报》 1985期 主后1990年3月18日