《赖永祥讲书》

 | | | 转寄

《教会史话》(1_078)陈佑禀白水溪案

作者 赖永祥 2009.01.04

甘为霖牧师tī白水溪遭难，隔tńg工早起向嘉义知县报案。署知县名陈祚。beh知影陈祚处埋本案ê态度kap经过，「教务教案档」（第三辑）内面所收ê光绪元年5月10日（1875年6月13日）总理各国事务衙门总署收福州将军文煜文称，根据福建通商局同通呈，台港夏道详报英国教士监物tī嘉义县白水溪地方被店仔口人乘夜焚烧教堂chit-ê案件，会冻参考。夏道指分巡台澎兵备道夏献纶，监物（Campbe11之译）当然是指甘为霖。

夏道台移称：「同治13年12月23日（1875年1月28日），根据署嘉义县陈祚禀，hit工辰刻有洋人监物来县面称，伊tī白水溪hit-ê所在传教，忽然间被店仔口ê人thàn eng暗ê时，来放火烧，in匆狂逃走，好加在无受伤。问起代志发生ê经过，in soah讲是beh加起教堂ê厝，有吴志高声言碍其祖坟风水，chiah会造成chit寡事端等等ê话语。当饬役勇护送hit-ê教士赴郡（指府城台南），一面亲赴查勘拏办等情。

「旋准驻台英国领事额勒格里（William Gregory ）照会……吴志高藉称有碍伊祖坟风水，thàn eng暗ê时将小礼拜堂烧掉。hit ê所在受教ê番民先有被牵牛只拍伤ê chit寡代志发生，照请严加查办。……陈祚禀复，会营勘得白水溪离店仔口十外里，教堂kap吴姓祖坟iáu koh隔一粒山，四pêng拢无厝边，hit-ê教士所住ê草寮拢已经去hông烧掉＝a，伊后壁土脚ê木料并无去hông烧掉。查询hit-ê所在受教屯番潘春等先有店仔口ê人去偷牵牛，潘春kap in某潘氏去jiok， soah拢去hông拍着伤。后来爱总理吴亦修等交出吴福、吴安、黄侍、林鸟等四名（只有4名？）到案。

「讯据供认上年12月22日 做伙去山顶chhò柴，初更ê时，tńg去教士ê草寮歇困，开火吸烟，致使he火沿路烧到hit-ê教士住ê厝，并m̄是有心beh放火kā烧＝e。m̄-koh in为何beh偷牵潘春等ê牛只，并将潘春夫妇拍着伤。根据称伊等kap潘春本来着有khioh-kak，chit摆牵潘春ê牛只是in ê报愎，kap吴志高hia ê人无关系。惟吴志高以吴福等是in ê族人，吴福等吸烟遗火沿烧到草厝，koh挟怨去偷牵潘春ê牛只，并将潘春夫妇拍着伤， bōe冻事先约束，致使代志来发生。（以下提出解决办法3条，1.吴志高所提）情愿备银150圆缴案，以赔偿hit-ê教士被烧草厝等件kap潘春等所失去牛只ê费用。2.吴福等（即吴福、吴安、黄侍、林鸟4名）失火延烧草屋并挟怨牵牛chia ê代志拢m̄是事实，应该各人处重责并枷号一个月示众；3.由县示禁阻教并取结。…．」。夏道认为县署「办理尚属平允」，咨呈请察照施行；甘为霖认为按呢kám有公平？

《台湾教会公报》 1960期 主后1989年9月24日