《赖永祥讲书》

 | | | 转寄

《教会史话》(1_076)白河白水溪ê遗迹

作者 赖永祥 2008.12.28

白水溪tī教会史上浮显出名，tī文献学上hō͘人注意，就是因为甘为霖牧师ê遭难。1955年1月29日，嘉义中会为着beh纪念甘牧师遭难80周年，恭.立一块石碑并志其概要云，「…被土豪吴墻率领伊ê党徒包围拜堂后壁放火，头前烈剑情势真危险，好家在得着圣神ê启示，用毛毡掷出去庭前，群众kè-sī牧师跌倒拢giâ刀枪beh kā tú，好家在牧帅ùi凶徒ê背后偷走出去、跤涉畸岖奔走千里到嘉义tī beh黎明ê时入县去求救che若m̄是上主ê保庇是真歹会冻脱险ê…」。

吴至高（吴墻）ê遗迹呢？1953年10月12日台南县文献委员会采访队访白河镇（旧店仔口）。tī伊ê探访记内面讲：「阮到客庄内（外角里），采访吴大老志高ê大营。…当时（道光时代）所建ê府宅今仔日犹koh tī leh，府前有半月池，坛壁张有铳眼，tī本县中是一ê真难得ê古迹。听讲当时伊有由大营至塩水港拢m̄免踏别人ê土地仝款ê好额人，到chit-má mā chiah三代一百外年niâ，m̄-koh吴大老ê伟业已经拢无留a，不但伊ê旧厝已经卖hō͘别人a，连伊ê后代mā拢chhōe无a。阮四kè走chhōe，才知影三少奶（吴大老的第三媳妇）ê子儿序小犹kohtoa3 tī这间厝ê北pêng，tī chit-ê 庭ê后尾有发现一面吴大老ê墓碑。碑高3尺6寸5分（碑面1尺8寸5分）、阔1尺8寸、厚3寸， 碑顶披肩形ê，是一座豪华ê墓碑，m̄-koh已经断做两块--a。同时发现吴大老ê王环神主等等，这是这pái ê采访内面尚大ê收获，听讲吴大老在生进前所做e5m7是啥么正经ê事业，m̄-koh因为戴万生teh反ê时chūn，救山有幼，就由清朝敕授斗六营都尉。虽然伊是一ê士豪，m̄-koh白河这个所在mā是因为伊chiah来出名，同时mā随着伊ê chiah来衰微。时势造英雄，英雄又koh造时势，chit句话，tī chia是真有道理。」

这篇采访记是吴新荣所写ê。吴新荣（1907~1967）是佳里人，父吴萱草是白鸥吟社社长。新荣ùi东京医学专门学校毕业ê（今东京医科大学），tī故乡开业「佳里医院」.，颇喜交学：台南县文献委员会成立，任委员兼编纂组长，主编「南瀛文献」，「台南县志」（官方出版，列监修、主修，另有人）更加是伊ê心血。伊过身了后张良泽为伊编辑「吴新荣全集」8卷，由远景出版社刊行。引用文，先发表tī「南瀛文献」，并且收录tī全集⑵「震瀛探访记」（第72/73页）。吴新荣亦录云「听讲吴志高beh排除甘牧师ê教会，原因是吴志高ê祖墓面向教会，是受地理师ê谗言所致ê（同书第216~217页）。
　 　
《台湾教会公报》 1968期 主后1989年9月41日