《押韵启应诗篇》

 | | | 转寄

台语押韵启应诗篇 91

作者 Tīⁿ Jî-gio̍k 2007.11.11

91

1a　Tiàm-tī Chì-koân--ê ê ún-ba̍t só͘-chāi--ê ,
　　站 在 至 高 者 的 隐 密 所 在 者，

1b　　　Hit-ê lâng beh khiā-khí tī Choân-lêng--ê ê ìm-ńg -ē .
　　　　彼 个 人 要 khiā 起 在 全 能 者 的 荫 影 下。

2a　Lūn-kàu Iâ-hô-hoa góa beh kóng--ê ,
　　论 到 耶 和 华 我 要 讲 的，

2b　　　I sī góa tô-siám ê thó͘-tē , sī góa ê soaⁿ-chē;
　　　　他是 我 逃 闪 的 土 地，是 我 的 山 寨；

2c　Sī góa ê Siōng-tè ,
　　是 我 的 上 帝，

2d　　　Góa só͘ óa-khò--ê .
　　　　我 所 倚 靠 者。

3a　In -ūi I beh kiù lí thoat-lī tng chiáu-á ê lô-bāng,
　　因 为 他 要 救 你 脱 离 抓 鸟 仔 的 罗 网，

3b　　　Kap to̍k-hāi ê un-e̍k hāi-thâng.
　　　　及 毒 害 的 瘟 疫 害 虫。

4a　I beh ēng I ê si̍t-kó͘ âⁿ lí ,
　　他 要 用 他 的 翅 股 拦 你，

4b　　　Lí beh bih tī I ê si̍t -ē bōe sí ,
　　　　你 要 匿 在 他 的 翅 下 不 死，

　　　　I ê sêng-si̍t sī tōa sòe tîn-pâi ê pó-pì . 　　　　
　　　　他的诚 实 是 大 小 盾 牌 的 保 庇。

5a　Lí m̄-bián kiaⁿ mî-kan ê kiaⁿ-hiâⁿ,
　　你 不免 惊 暝 间 的 惊 惶，

5b　　　Á sī ji̍t--sî teh pe ê chìⁿ-iáⁿ.
　　　　抑 是 日 时 在 飞 的 箭 影。

6a　Ia̍h bián kiaⁿ o͘-àm-tiong liû-hêng ê un-e̍k choa̍t-chèng,
　　亦 免 惊 黑 暗 中 流 行 的 瘟 疫 绝 症，

6b　　　Á -sī ji̍t tiong-tàu bia̍t-bô lâng ê to̍k-chèng.
　　　　抑 是 日 中 昼 灭 无 人 的 毒 症。

7a　Ū chheng-lâng lek-lo̍h-khì tī lí ê sin-piⁿ,
　　有 千 人 栗 落 去 在 你的 身 边，
　　ū bān-lâng lek-lo̍h-khì tī lí ê chiàⁿ-pêng-piⁿ,
　　有万 人 栗 落 去 在 你的 右 傍 边，

7b　　　Che ia̍h bōe óa-kūn lí .
　　　　这 亦 不 倚 近 你。

8a　Put-kò lí ōe chhin-ba̍k khòaⁿ--kìⁿ,
　　不 过 你 会 亲 目 看 见，

8b　　　Ia̍h khòaⁿ-kìⁿ pháiⁿ-lâng siū pò-èng ê sî .
　　　　亦 看 见 歹 人 受 报 应 的时。

9a　In-ūi Iâ-hô-hoa Lí sī góa tô-siám ê só͘-chāi;
　　因 为 耶 和 华 你 是 我 逃 闪 的 所 在；

9b　　　Lí bat ēng Chì-koân-ūi chòe lí khiā-khí ê só͘-chāi;
　　　　你 曾 用 至 高 位 做 你 居 起 的 所 在；

10a　Chiū chai-hāi bōe kàu tī lí ,
　　　就 灾 害 不 到 在 你，

10b　　　Un-e̍k ia̍h bōe óa-kūn lí ê pò͘-pîⁿ.
　　　　　瘟 疫 亦 不 倚 近 你的 布 棚。

11a　In -ūi I beh ūi-tio̍h lí hoan-hù I ê sù-chiá,
　　　因 为 他 要 为 着 你 吩 咐 他 的 使 者，

11b　　　Tī lí it-chhè ê lō͘ pó-hō͘ lí ê sìⁿ-miā.
　　　　　在 你 一 切 的路 保 护 你的 性 命。

12a　I beh ēng chhiú hû lí ê io ,
　　　他 要 用 手 扶 你的 腰，

12b　　　Bián-tit lí ê kha tak-tio̍h chio̍h.
　　　　　免 得 你 的 脚 触 着 石。

13a　Lí beh ta̍h sai kap to̍k-chôa,
　　　你 要 踏 狮 及 毒 蛇，

13b　　　Lap sai-á -thûn í -ki̍p tōa-bé chôa.
　　　　　蹋 狮 仔 屯 以 及 大 尾 蛇。

14a　In -ūi i chin thiàⁿ Góa,
　　　因 为 他 真 爱 我，

14b　　　Góa chiū beh kiù i bô soah.
　　　　　我 就 要 救 他 无 息。

14c　In -ūi i bat Góa ê miâ,
　　　因 为 他 识 我 的 名，

14d　　　Góa chiū beh an-tì i tī koân ê só͘-chāi, hō͘ i hó miâ-siaⁿ.
　　　　　我 就 要 安 置 他 在 高 的 所 在，使 他 好 名 声。

15a　I kiû-kiò Góa, Góa chiū beh ìn--i ;
　　　他求 叫 我， 我 就 要 应 他；

15b　　　I tī gûi-kip ê sî , Góa beh kap i khiā-khí ;
　　　　　他在 危 急 的 时，我 要 与 他 khiā 起；
　　 　　Góa beh kiù i , hō͘ i chun-kùi siū kú-khí.
　　　　　我 要 救 他，给 他尊 贵 受 举 起。

16a　Góa beh ēng tn̂g hòe-siū hō͘ i móa-chiok,
　　　我 要 用 长 岁 寿 给 他 满 足，

16b　　　Hō͘ i khòaⁿ-kìⁿ Góa ê kiù-un teh kè-sio̍k.
　　　　　给 他 看 见 我 的 救 恩 在 继 续。