《押韵启应诗篇》

 | | | 转寄

台语押韵启应诗篇 92

作者 Tīⁿ Jî-gio̍k 2007.11.18

92　　An-hioh-ji̍t ê Si-koa.

1a　Chin hó lah , kám-siā Iâ-hô-hoa,
　　真 好 啦， 感 谢 耶 和 华，

1b　　　Chhiùⁿ-koa o -ló Lí Chì-koân--ê ê miâ bô soah.
　　　　唱 歌 赞 美 你 至 高 者 的 名 无 息。

2a　Chá-khí-sî pò-iông Lí ê chû-ài ;
　　早 起 时 报 扬 你 的 慈 爱；

2b　　　Ê- hng-sî pò-iông Lí ê sìn-si̍t kàu bān sè-tāi .
　　　　瞑 昏 时 报 扬 你 的 信 实 到 万 世 代。

3a　Ēng cha̍p-tiâu-hiân ê ga̍k-khì kap sek,
　　用 十 条 弦 的 乐 器 及 瑟，

3b　　　Ēng khîm tôaⁿ chong-giâm ê siaⁿ-im o-ló kàu ke̍k.
　　　　用 琴 弹 庄 严 的 声 音 赞美 至 极。

4a　In -ūi Iâ-hô-hoa Lí ēng Lí ê só͘-kiâⁿ hō͘ góa hoaⁿ-hí ;
　　因 为 耶 和 华 你 用 你 的 所 行 使 我 欢 喜；

4b　　　Góa beh in-ūi Lí ê chhiú só͘ chòe--ê lâi khoài-lo̍k bô pí .
　　　　我 要 因 为 你 的 手 所 做 的 来 快 乐 无 比。

5a　Iâ-hô-hoa, Lí ê só͘-chòe cháiⁿ-iūⁿ hiah tōa !
　　耶 和 华，你 的 所 做 怎 样 许 大！

5b　　　Lí ê sim-sū ke̍k-kî chhim-khoah.
　　　　你 的 心 事 极 其 深 阔。

6a　Bû-ti ê lâng bōe hiáu-tit pó sī bô kè ,
　　无 知 的 人 不 晓 得 宝 是 无 价，

6b　　　Gû-chhún ê lâng ia̍h bōe bêng-pe̍k chit-ê .
　　　　愚 蠢 的 人 亦 不 明 白 此 个。

7a　Pháiⁿ-lâng hoat-siⁿ chhin-chhiūⁿ chháu chiām-sî ,
　　歹 人 发 生 亲 像 草 暂 时，

7b　　　It- chhè chòe-pháiⁿ ê lâng bō͘-sēng ê sî ,
　　　　一 切 做 歹 的 人 茂 盛 的时，
　　　　chiàⁿ-sī in beh bia̍t-bô kàu éng-oán ê sî .
　　　　正 是 伊 要 灭 无 到 永 远 的时。

8　　CHÓNG-SĪ IÂ-HÔ-HOA LÍ SĪ CHÌ-KÔAⁿ--Ê , TI̍T-KÀU ÉNG-ÓAⁿ.
　　　总 是 耶 和 华 你 是 至 高 者，直 到 永 远。

9a　Iâ-hô-hoa ah , Lí ê tùi-te̍k teh kiau-so,
　　耶 和 华 啊，你 的 对 敌 在 教 唆，
　　Lí khòaⁿ, Lí ê tùi-te̍k tek-khak bia̍t-bô;
　　你 看 ， 你 的 对 敌 的 确 灭 无；

9b　　　It- chhè chòe-pháiⁿ ê lâng ia̍h beh sì-sòaⁿ siau bô.
　　　　一 切 做 歹 的 人 亦 要 四 散 消 无。

10a　Chóng-sī Lí hō͘ góa ê kak kia̍h koân,
　　　总 是 你 使 我 的 角 举 高，
　　 chhin-chhiūⁿ iá -gû ê kak hiah koân,
　　　 亲 像 野 牛 的 角 许 高，

10b　　　Góa siū sin ê iû boah siū kéng-soán.
　　　　　我 受 新 的油 抹 受 拣 选。

11a　Góa chhin-ba̍k khòaⁿ-kìⁿ góa ê tùi-te̍k tú-tio̍h pò-èng kái-koat;
　　　我 亲 眼 看 见 我 的 对 敌 遇 着 报 应 解 决；

11b　　　Góa chhin-hī thiaⁿ-kìⁿ
　　　　　我 亲 耳 听 见
　　　　hiah-ê khí-lâi kong-kek góa ê pháiⁿ-lâng siū hêng-hoa̍t.
　　　　　那 些 起 来 攻 击 我 的 歹 人 受 刑 罚。

12a　Gī-lâng beh heng-ōng chhin-chhiūⁿ chó-chhiū;
　　　义 人 要 兴 旺 亲 像 枣 树；

12b　　　Beh tióng-tōa chhin-chhiūⁿ Lī-pa-lùn ê pek-hiuⁿ-chhiū.
　　　　　要 长 大 亲 像 黎 巴 嫩 的 柏 香 树 。

13a　Kìⁿ-nā chai tī Iâ-hô-hoa ê chhù ê chhiū-chai,
　　　凡 若 栽 在 耶 和 华 的 厝 的 树 栽，

13b　　　Beh heng-ōng tī lán ê Siōng-tè ê īⁿ -lāi .
　　　　　要 兴 旺 在 咱 的 上 帝 的 院 内。

14a　In nî-lāu ê sî iû-goân beh kiat ké-chí chin ko-kùi,
　　　伊 年 老 的 时 犹 原 要 结 果 子 真 高 贵，

14b　　　In ê chiap móa-móa, sek chhiⁿ-chhùi;
　　　　　伊 的 汁 满 满， 色 青 翠；

15a　Thang hián-bêng Iâ-hô-hoa sī chèng-gī ,
　　　通 显 明 耶 和 华 是 正 义，

15b　　　I sī góa ê chio̍h-pôaⁿ tōe-ki , I lóng bô put-gī .
　　　　　他是 我 的 石 磐 地 基，他拢 无 不 义。