《押韵启应诗篇》

 | | | 转寄

台语押韵启应诗篇 89b

作者 Tīⁿ Jî-gio̍k 2007.10.28

89　　Í-su-la̍h-lâng Í-thàm kà-sī ê si .

25a　Góa beh hō͘ i ê chhiú chhun kàu hái ;
　　　我 要 使 他 的 手 伸 到 海；

25b　　　Chiàⁿ-chhiú chhun kàu chiah-ê hô ê kau-kài.
　　　　　正 手 伸 到 诸 些 河 的 交 界。

26a　I beh chheng-ho͘ Góa kóng, Lí sī góa ê pē,
　　　他要 称 呼 我 讲， 你 是 我 的 父，

26b　　　Sī góa ê Siōng-tè , sī kiù góa ê chio̍h-pôaⁿ ê soaⁿ-chē.
　　　　　是 我 的 上 帝，是 救 我 的 石 磐 之 山 寨。

27a　Góa ia̍h beh siat-li̍p i chòe tōa-kiáⁿ,
　　　我 亦 要 设 立 他 做 大 子，

27b　　　Chòe sè-chiūⁿ tē -it-koân ê kun-ông ê miâ.
　　　　　做 世 上 第 一 高 的 君 王 的 名。

28a　Góa beh ūi-tio̍h i pó-chûn Góa ê chû-ài kàu éng-oán;
　　　我 要 为 着 他 保 存 我 的 慈 爱 到 永 远；

28b　　　Góa kap i só͘ li̍p ê iok, tek-khak bô ōaⁿ-khoán.
　　　　　我 与 他 所 立 的 约，的 确 无 换 款 。

29a　Góa ia̍h beh pó-chûn i ê hō͘-è kàu tāi-tāi;
　　　我 亦 要 保 存 他的 后 裔 到 代 代；

29b　　　Hō͘ i ê pó-chō chhin-chhiūⁿ thiⁿ ê kú éng-chāi.
　　　　　使 他的 宝 座 亲 像 天 的 久 永 在。

30a　Siat-sú i ê kiáⁿ-sun pàng-sak Góa ê lu̍t-hoat;
　　　设 使 他 的 子 孙 放 舍 我 的 律 法；

30b　　　　Bô kiâⁿ Góa ê hoat-tō͘ lâi tô-thoat;
　　　　　无 行 我 的 法 度 来 逃 脱 ；

31a　Pōe-biū Góa ê lu̍t-lē ,
　　　悖 谬 我 的 律 例，

31b　　　Bô siú Góa ê kài-bēng--ê ;
　　　　　无 守 我 的 诫 命 的；

32a　Góa chiū beh ēng koái-á chek-hoa̍t in ê kè-sit ;
　　　我 就 要 用 拐 仔 责 罚 伊 的 过 失；

32b　　　Ēng piⁿ chek-hoa̍t in ê chōe-ok chi̍t-pit chi̍t-pit .
　　　　　用 鞭 责 罚 伊 的 罪 恶 一 笔 一 笔。

33a　Chóng-sī Góa tek-khak bô chiong Góa ê chû-ài it-chīn tùi i siu-hôe;
　　　总 是 我 的 确 无 将 我 的 慈 爱 一 尽 对 他收 回；

33b　　　Ia̍h tek-khak bô hō͘ Góa ê sìn-si̍t chok-hòe.
　　　　　亦 的 确 无 使 我 的 信 实 作 废。

34a　Góa tek-khak bô sit góa ê iok,
　　　我 的 确 无 失 我 的 约，

34b　　　Ia̍h bô kóe-ōaⁿ Góa ê chhùi só͘ kóng ê iok-sok.
　　　　　亦 无 改 换 我 的 嘴 所 讲 的 约 束。

35a　Góa chi̍t-pái kí ka-kī ê sèng-kiat lâi sè-iok.
　　　我 一 次 指 自 己 的 圣 洁 来 誓 约。

35b　　 Góa koat-toàn bô khì-sak kap Tāi-pi̍t ê sè-iok.
　　　　　我 决 断 无 弃 舍 和 大 辟 的 誓 约。

36a　I ê hō͘-è beh thoân kàu éng-oán bōe-tit-thang sǹg;
　　　他的 后裔 要 传 到 永 远 不 得 通 算；

36b　　　I ê pó-chō tī Góa ê bīn-chêng, chhin-chhiūⁿ ji̍t ê kú-tn̂g;
　　　　　他的 宝 座 在 我 的 面 前， 亲 像 日 的 久 长；

37a　Ia̍h chhin-chhiūⁿ ge̍h kiàn-li̍p bô thêng.
　　　亦 亲 像 月 建 立 无 停。

37b　　　Koh chhin-chhiūⁿ thiⁿ-téng khak-si̍t ê kan-chèng.
　　　　　又 亲 像 天 顶 确 实 的 干 证。

38a　Chóng-sī Lí ū siū-khì Lí ê siū-boah-iû--ê ,
　　　总 是 你 有 怒 气 你 的 受 抹 油 者，

38b　　　Iàm-chiān khì-sak i , hō͘ i sit-sè .
　　　　　厌 贱 弃 舍 他，使 他 失 势。

39a　Lí í -keng iàm-ò͘ⁿ kap Lí ê lô͘-po̍k só͘ li̍p ê iok,
　　　你 已 经 厌 恶 和 你 的 奴 仆 所 立 的 约，

39b　　　Chiong i ê bián-liû chau-that tī tōe--ni̍h chòe kiat-kio̍k.
　　　　　将 他 的 冕 旒 糟 蹋 在 地 里 做 结 局。

40a　Lí í -keng thiah i it-chhè ê lî- pa hō͘ in pháiⁿ,
　　　你 已 经 拆 他 一 切 的 篱 笆 使 伊 坏，

40b　　　Hō͘ i ê hōe-só͘ pìⁿ chòe pha-hng ê só͘-chāi.
　　　　　使 他 的 会 所 变 做 抛 荒 的 所 在。

41a　Kè-lō͘ -lâng lóng chhiúⁿ-the̍h i ;
　　　过 路 人 拢 抢 提 他；

41b　　　I chiâⁿ-chòe keh-piah kok só͘ lêng-jio̍k ê chhiò-pìⁿ.
　　　　　他 成 做 隔 壁 国 所 凌 辱 的 笑 柄。

42a　Lí hō͘ i ê tùi-te̍k ê chiàⁿ-chhiú kia̍h koân.
　　　你 使 他 的 对 敌 的 右 手 举 高。

42b　　　Hō͘ i ê kiû-siû lóng hoaⁿ-hí seng-koân.
　　　　　使 他 的 仇 雠 拢 欢 喜 升 高。

43a　Lí hō͘ i ê to-kiàm tó-mî kiàn-siàu,
　　　你 使 他 的 刀 剑 倒 鋩 见 诮，

43b　　　Hō͘ i tī kau-chiàn ê sî khiā-bōe-tiâu.
　　　　　使 他在 交 战 的 时 立 不 住。

44a　Lí hō͘ i ê êng-hián bô--khì,
　　　你 使 他 的 荣 显 无 去，

44b　　　Chiong i ê pó-chō chhia-tó tī tōe--ni̍h.
　　　　　将 他 的 宝 座 推 倒 在 地 里。

45a　Lí kiám-chió i chheng-liân ê ji̍t-chí;
　　　你 减 少 他 青 年 的 日 子；

45b　　　Koh hō͘ i móa-móa kiàn-siàu sit-chì .
　　　　　又 使 他 满 满 见 诮 失 志。

46a　Iâ-hô-hoa ah , Lí beh jōa-kú ka-kī hong-so̍h,
　　　耶 和 华 啊， 你 要 偌 久 自 己 封 锁，

46b　　　Kàu éng-oán mah?
　　　　　到 永 远 吗？

46c　Lí ê siū-khì chhin-chhiūⁿ hé to̍h,
　　　你 的 怒 气 亲 像 火 to̍h，

46d　　　Beh jōa-kú lah?
　　　　　要 偌 久 啦？

47a　Kiû Lí kì-tit góa ê sî-kan,
　　　求 你 记 得 我 的 时 间，

47b　　　Cháiⁿ-iūⁿ hiah té koh chió lah !
　　　　　怎 样 许 短 又 少 啦！

47c　Lí chhòng-chō it-chhè ê lâng tī sè-kan,
　　　你 创 造 一 切 的 人 在 世 间，

47d　　　Hō͘ in kàu hiah khang-hu lah !
　　　　　使 伊 到 许 空 虚 啦！

48a　Sím-mi̍h-lâng ōe tn̂g-tn̂g oa̍h, bô kìⁿ-tio̍h sí lah,
　　　甚 么 人 会 长 长 活，无 见 着 死 啦，

48b　　　Ōe kiù i ê lêng-hûn thoat-lī im-kan ê koân-pèng lah ?
　　　　　会 救 他 的 灵 魂 脱 离 阴 间 的 权 柄 啦？

49a　Chú ah , lí chêng pîn Lí ê sìn-si̍t, tùi Tāi-pi̍t só͘ iok-sok--ê ,
　　　主 啊，你 前 凭 你 的 信 实，对 大 辟 所 约 束 的，

49b　　　Hiah-ê chû-ài taⁿ tī tó -ūi leh ? 　　
　　　那 些 慈 爱 今 在 哪 位 咧？

50a　Chú ah , kiû Lí kì-liām Lí ê lô͘-po̍k só͘ siū ê lêng-jio̍k,
　　　主 啊，求 你 记 念 你 的 奴 仆 所 受 的 凌 辱，

50b　　　Kì -liām góa cháiⁿ-iūⁿ chûn tī góa sim-lāi ê khut-jio̍k;
　　　　　记 念 我 怎 样 存 在 我 心 内 的 屈 辱；
　　　　　It -chhè kiông-sēng ê peh-sìⁿ ê lêng-jio̍k.
　　　　　一 切 强 盛 的 百 姓 的 凌 辱。

51a　Iâ-hô-hoa ah , Lí ê tùi-te̍k teh lêng-jio̍k,
　　　耶 和 华 啊， 你 的 对 敌 在 凌 辱，

51b　　　Chiū-sī teh tui-kóaⁿ Lí siū boah-iû--ê ê chong-chek beh bú-jio̍k.
　　　　　就 是 在 追 赶 你 受 抹 油 者 的 踪 迹 要 侮 辱。

52a　Tio̍h o -ló Iâ-hô-hoa kàu éng-oán bô thêng,
　　　着 赞 美 耶 和 华 到 永 远 无 停，

52b　　　A- bēng, koh A- bēng.
　　　　　阿 们， 又 阿 们。