《押韵启应诗篇》

 | | | 转寄

台语押韵启应诗篇 89a

作者 Tīⁿ Jî-gio̍k 2007.10.21

89　　Í-su-la̍h-lâng Í-thàm kà-sī ê si .

1a　Góa beh chhiùⁿ-koa o -ló Iâ-hô-hoa ê chû-ài kàu tī éng-oán.
　　我 要 唱 歌 赞 美 耶 和 华 的 慈 爱 到 于 永 远。

1b　　　Beh ēng góa ê chhùi thoân Lí ê sìn-si̍t kàu tāi-tāi .
　　　　要 用 我 的 口 传 你 的 信 实 到 代 代。

2a　In-ūi góa bat kóng, chû-ài beh siū kiàn-li̍p kàu éng-oán;
　　因 为 我 曾 讲 ， 慈 爱 要 受 建 立 到 永 远；

2b　　　Lí beh chiong Lí ê sìn-si̍t kian-kò͘ tī thian-kài.
　　　　你 要 将 你 的 信 实 坚 固 于 天 界。

3a　Góa kap Góa só͘ kéng ê lâng li̍p-iok.
　　我 与 我 所 拣 的 人 立 约。

3b　　　Tùi Góa ê lô͘-po̍k Tāi-pi̍t sè -iok.
　　　　对 我 的 奴 仆 大 辟 誓 约。

4a　Góa beh hō͘ lí ê hō͘-è kian-kò͘ kàu éng-oán,
　　我 要 使 你 的 后裔 坚 固 到 永 远，

4b　　　Koh hō͘ lí ê pó-chō kiàn-li̍p kàu tāi-tāi.
　　　　复 使 你 的 宝 座 建 立 到 代 代。

5a　Iâ-hô-hoa ah, chiah-ê thiⁿ beh o-ló Lí ê kî-sū kàu éng-oán;
　　耶 和 华 啊，诸 些 天 要 赞美 你 的 奇 事 到 永 远；

5b　　　Tī sèng--ê ê hōe-tiong, beh o-ló Lí ê sìn-si̍t kàu tāi-tāi .
　　　　在 圣 者 的 会 中， 要 赞美 你 的 信 实 到 代 代。

6a　Tī khong-tiong, chī-chūi ōe pí -tit Iâ-hô-hoa ?
　　在 空 中， 是 谁 会 比 得 耶 和 华 ？

6b　　　Ū koân-lêng--ê ê chèng-kiáⁿ-tiong,
　　　　有 权 能 者 的 众 子 中，
　　　　siáⁿ-lâng ōe chhin-chhiūⁿ Iâ-hô-hoa ?
　　　　谁 人 会 亲 像 耶 和 华？

7a　I tī sèng--ê ê gī-hōe-tiong teh chē,
　　他 在 圣 者 的议 会 中 在 坐，

7b　　　Sī tōa-tōa ū ui-giâm ê Siōng-tè ;
　　　　是 大 大 有 威 严 的 上 帝；

7c　Pí it -chhè tī I sì -ûi--ê ,
　　比 一 切 在 他 四 围 的，

7d　　　Koh khah thang kiaⁿ-ùi ê Siōng-tè .
　　　　又 较 通 惊 畏 的 上 帝。

8a　Bān-kun ê Siōng-tè Iâ-hô-hoa ah ,
　　万 军 的 上 帝 耶 和 华 啊，

8b　　　Tó-ūi chi̍t-ê tōa koân-lêng--ê ,
　　　　哪 位 一 个 大 权 能 者，

8c　Chhin-chhiūⁿ Lí Iâ-hô-hoa lah ?
　　亲 像 你 耶 和 华 啦？

8d　　　Lí ê sìn-si̍t tī Lí ê sì -ûi khiā--teh.
　　　　你 的 信 实 在 你 的 四 围 立 在。

9a　Hái-chúi tiòng--khí--lâi , Lí koán-hat--i ;
　　海 水 涨 起 来，你 管 辖 它；

9b　　　Hái-éng giâ--khí--lâi , Lí hō͘ i pîⁿ . 　　
　　海 涌 夯 起 来， 你 使 它 平。

10a　Lí phah chhùi La̍h-hap-pek, chhin-chhiūⁿ í-keng thâi-sí ê lâng;
　　　你 拍 碎 拉 哈 伯， 亲 像 已 经 杀 死 的 人；

10b　　　Lí ēng ū khùi-la̍t ê chhiú phah-sòaⁿ Lí ê tùi-te̍k,
　　　　　你 用 有 气 力 的 手 打 散 你 的 对 敌，
　　　　　chhin-chhiūⁿ sí-lâng.
　　　　　亲 像 死 人。

11a　Thiⁿ sio̍k Lí ,
　　　天 属 你，

11b　　　Tōe ia̍h sio̍k Lí ;
　　　　　地 亦 属 你；

11c　Sè-kài kap kî-tiong só͘ chhiong-móa--ê ,
　　　世 界 及 其 中 所 充　　满 的，

11d　　　Lóng sī Lí só͘ kiàn-li̍p--ê .
　　　　　拢 是 你 所 建 立 的。

12a　Lâm-pak sī Lí só͘ chhòng-chō tōe-ki ,
　　　南 北 是 你 所 创 造 地 基，

12b　　　Tha-po̍k kap Hek-bûn, in-ūi Lí ê miâ lâi hoaⁿ-hí .
　　　　　他 泊 及 黑 门， 因为 你 的 名 来 欢 喜。

13a　Lí ū tōa koân-lêng ê chhiú chiah koân,
　　　你 有 大 权 能 的 手 此 高，

13b　　　Lí ê chhiú ū la̍t, Lí ê chiàⁿ-chhiú kia̍h koân-koân.
　　　　　你 的 手 有 力，你 的 右 手 举 高 高 。


14a　Kong-pêng kap gī-lí sī Lí ê pó-chō ê tōe-ki chòe thian-pêng,
　　　公 平 及 义 理 是 你 的 宝 座 的 地 基 做 天 秤，

14b　　　Chû-ài kap sêng-si̍t kiâⁿ tī Lí ê bīn-chêng.
　　　　　慈 爱 及 诚 实 行 在 你 的 面 前。

15a　Ōe chhut hoaⁿ-hí ê siaⁿ hit-ê peh-sìⁿ ū hok-khì móa siâⁿ,
　　　会 出 欢 喜 的 声 彼 个 百 姓 有 福 气 满 城，

15b　　　Iâ-hô-hoa ah, in tī Lí ê bīn só͘ hoat-chhut ê kng teh kiâⁿ.
　　　　　耶 和 华 啊，伊 在 你 的 面 所 发 出 的 光 在 行。

16a　In ji̍t-ji̍t in-ūi Lí ê miâ lâi hoaⁿ-hí .
　　　伊 日 日 因 为 你 的 名 来 欢 喜。

16b　　　In-ūi Lí ê kong-gī tit-tio̍h seng-koân siū thê-khí.
　　　　　因 为 你 的 公 义 得 着 升 高 受 提 起。

17a　In -ūi Lí sī in khùi-la̍t ê êng-kng;
　　　因 为 你 是 伊 气 力 的 荣 光；

17b　　　Koh in-ūi Lí ê ìm-ńg ,
　　　　　又 因 为 你 的 荫 影，
　　　　goán ê kak beh tit-tio̍h kia̍h-koân ê êng-kng.
　　　　　阮 的 角 要 得 着 举 高 的 荣 光。

18a　Goán ê tîn-pâi sī sio̍k tī Iâ-hô-hoa--ê ,
　　　阮 的 盾 牌 是 属 在 耶 和 华 的，

18b　　　Goán ê ông sī sio̍k tī Í -sek-lia̍t ê Sèng--ê .
　　　　　阮 的 王 是 属 在 以色 列 的 圣 者。

19a　Tng-sî Lí tī īⁿ-siōng-tiong hoan-hù Lí sèng ê peh-sìⁿ,
　　　当 时 你 在 异 象 中 吩 咐 你 圣 的 百 姓，

19b　　　Kóng, Góa ēng pang-chān ê khì,
　　　　　讲 ， 我 用 帮 助 的 气，

19c　Hē tī hit-ê ū koân-lêng--ê ê sin-chiūⁿ--ni̍h,
　　　置 在 彼 个 有 权 能 者 的身 上 里，

19d　　　Tùi peh-sìⁿ-tiong kéng--ê , Góa ko-seng--i .
　　　　　对 百 姓 中 拣 的，我 高 升 他。

20a　Góa chhē-tio̍h Góa ê lô͘-po̍k Tāi-pi̍t;
　　　我 寻 着 我 的 奴 仆 大 辟；

20b　　　Ēng Góa ê sèng-iû boah i ū siū-soán ê khì-chit.
　　　　　用 我 的 圣 油 抹 他 有 受 选 的 气 质。

21a　Góa ê chhiú beh siông-siông kap i tī--teh bô lī ,
　　　我 的 手 要 常 常 与 他 在 的 无 离，

21b　　　Góa ê chhiú-kut ia̍h beh kian-kò͘-- i .
　　　　　我 的 手 骨 亦 要 坚 固 他。

22a　Tùi-te̍k bōe-ōe le̍k-sek i ;
　　　对 敌 不 会 勒 索 他；

22b　　　Hiong-ok ê lâng bōe-ōe khó͘-chhó͘--i .
　　　　　凶 恶 的 人 不 会 苦 楚 他。

23a　Góa beh tī i ê bīn-chêng phah-chhùi i ê tùi-te̍k;
　　　我 要 在 他 的 面 前 打 碎 他 的 对 敌；

23b　　　Kong-kek hit- ê oàn-hūn i ê lâng hō͘ i sit-sek.
　　　　　攻 击 彼 个 怨 恨 他 的 人 使 他 失 色。


24a　Chóng-sī Góa ê sìn-si̍t, kap Góa ê chû-ài beh kap i tī--teh;
　　　总 是 我 的 信 实，及 我 的 慈 爱 要 与 他在 的；

24b　　　In-ūi Góa ê miâ, i ê kak beh tit-tio̍h kia̍h-koân chòng-sè .
　　　　　因 为 我 的 名，他的角 要 得 着 举 高 壮 势。