《押韵启应诗篇》

 | | | 转寄

台语押韵启应诗篇 87

作者 Tīⁿ Jî-gio̍k 2007.10.07

87　　Khó-la̍h ê hō͘-è ê si-koa .

1.　I ê tōe-ki khǹg tī sèng-soaⁿ.
　　他的 地 基 置 在 圣 山。
　　　　I TĪ SÈNG-SOAⁿ.
　　　　他 在 圣 山。

2a　Iâ-hô-hoa thiàⁿ Sek-an ê mn̂g-bâi,
　　耶 和 华 爱 锡 安 的 门 楣，

2b　　　Iâⁿ-kè Ngá-kok lóng-chóng khiā-khí ê só͘-chāi.
　　　　赢 过 雅 各 拢 总 居 起 的 所 在。

3a　Siōng-tè ê siâⁿ ah ,
　　上 帝 的 城 啊，

3b　　　Ū êng-kng ê sū , sī chí Lí lâi kóng--ê lah.
　　　　有 荣 光 的 事，是 指 你 来 讲 的 啦。

4a　Góa beh sǹg La̍h-hap-pek kap Pa-pí-lûn, tī bat Góa--ê ê lāi-bīn;
　　我 要 算 拉 哈 伯 及 巴 比 伦，在 识 我 者 的 内 面；

4b　　　Khòaⁿ ah, Hui-lī-sū , Chhui-lô , Kó͘-si̍t ,
　　　　看 啊，非 利 士，推 罗，古 实，
　　　　chiah-ê chhut-sì tī hit lāi-bīn.
　　　　诸 些 出 世 在 彼 内 面。

5a　Lūn-kàu Sek-an beh kóng, chit-ê chhut-sì tī hit tiong-kan;
　　论 到 锡 安 要 讲 ， 此 个 出 世 在 彼 中 间；

5b　　　Koh Chì-koân--ê beh chhin-sin kian-kò͘ i pêng-an.
　　　　复 至 高 者 要 亲 身 坚 固 她 平 安。

6a　Tng Iâ-hô-hoa kì bān peh-sìⁿ siàu-gia̍h ê sî ,
　　当 耶 和 华 记 万 百 姓 数 额 的 时，

6b　　 I beh sǹg chit-ê tī hia chhut-sì .　　
　　　　他 要 算 此 个 在 彼 出 世。

7a　Chhiùⁿ-koa--ê , thiàu-bú--ê , lóng beh kóng,
　　唱 歌 的，跳 舞 的，拢 要 讲，

7b　　　Góa ê chúi-goân lóng chāi-tī Lí só͘-chhut ê pho-lōng.
　　　　我 的 水 源 拢 在 于 你 所 出 的 波 浪。