《押韵启应诗篇》

 | | | 转寄

台语押韵启应诗篇 86

作者 Tīⁿ Jî-gio̍k 2007.09.30

86　　Tāi-pi̍t ê kî-tó .

1a　Iâ-hô-hoa ah , kiû Lí àⁿ hī-khang thiaⁿ góa;
　　耶 和 华 啊，求 你 俯 耳 孔 听 我；

1b　　　In-ūi góa sī khùn-khó͘ sòng-hiong--ê , bô i- óa .
　　　　因 为 我 是 困 苦 贫 穷 的，无 依 倚。

2a　Kiû Lí pó-chûn góa ê sìⁿ-miā khin-sang,
　　求 你 保 存 我 的 性 命 轻 松 ，

2b　　　In-ūi góa sī khiân-sêng ê lâng.
　　　　因 为 我 是 虔 诚 的 人。

2c　Góa ê Siōng-tè ah , Lí ê lô͘-po̍k óa-khò Lí ;
　　我 的 上 帝 啊，你 的 奴 仆 倚 靠 你；

2d　　　Kiû Lí chín-kiù i .
　　　　求 你 拯 救 他。

3a　Chú ah, kiû Lí lîn-bín góa bô lī ,
　　主 啊，求 你 怜 悯 我 无 离，

3b　　　In-ūi góa thong-ji̍t kiû-kiò Lí .
　　　　因 为 我 通 日 求 叫 你。

4a　Chú ah , kiû Lí hō͘ Lí ê lô͘-po̍k sim hoaⁿ-hí ;
　　主 啊，求 你 使 你 的 奴 仆 心 欢 喜；

4b　　　In-ūi góa ēng góa ê sim gióng-bōng Lí .
　　　　因 为 我 用 我 的 心 仰 望 你。

5a　Chú ah , in -ūi Lí sī hó , hoaⁿ-hí sià-bián lâng;
　　主 啊， 因 为 你 是 好，欢 喜 赦 免 人；

5b　　　Ū hong-sēng ê chû-ài , siúⁿ-sù hoān-nā kiû-kiò Lí ê lâng.
　　　　有 丰 盛 的 慈 爱，赏 赐 凡 若 求 叫 你 的 人。

6a　Iâ-hô-hoa ah , góa ê kî -tó kiû Lí àⁿ hī-khang thiaⁿ;
　　耶 和 华 啊，我 的 祈 祷 求 你 俯 耳 孔 听；

6b　　　Àⁿ-lo̍h thiaⁿ góa khún-kiû ê siaⁿ.
　　　　俯 落 听 我 恳 求 的 声。

7a　Tī góa hoān-lān ê ji̍t , beh kiû-kiò Lí ;
　　在 我 患 难 的 日，要 求 叫 你；

7b　　　Lí beh ìn góa bô the-sî .
　　　　你 要 应 我 无 推 辞。

8a　Chú ah , chiah-ê sîn-bêng ê tiong-kan, bô chi̍t-ê ōe pí -tit Lí ;
　　主 啊，诸 些 神 明 的 中 间， 无 一 个 会 比 得 你；

8b　　　Lí ê só͘ chòe ia̍h bô thang pí .
　　　　你 的 所 做 亦 无 通 比。

9a　Chú ah , Lí só͘ chō ê bān-pang
　　主 啊，你 所 造 的 万 邦
　　lóng beh lâi phak-pài tī Lí ê bīn-chêng;
　　拢 要 来 仆 拜 在 你 的 面 前；

9b　　　In ia̍h beh êng-kng Lí ê miâ bô thêng.
　　　　伊 亦 要 荣 光 你 的 名 无 停 。

10a　In -ūi Lí chòe tōa, koh kiâⁿ kî-biāu--ê ;
　　　因 为 你 做 大，又 行 奇 妙 的；

10b　　　Chí-ū Lí sī Siōng-tè .　　 　　
　　　只 有 你 是 上 帝。

11a　Iâ-hô-hoa ah , kiû Lí chiong Lí ê tō -lō͘ chí-sī góa chai-iáⁿ;
　　　耶 和 华 啊，求 你 将 你 的 道 路 指 示 我 知 影；

11b　　　Góa beh chiàu Lí ê chin-lí lâi kiâⁿ;
　　　　　我 要 照 你 的 真 理 来 行；

　　　　HŌ͘ GÓA CHOAⁿ-IT Ê SIM KÈNG-ÙI KÍ Ê MIÂ.
　　　　　使 我 专 一 的 心 敬 畏 你 的 名。

12a　Chú, góa ê Siōng-tè ah , góa beh choân-sim o-ló Lí ;
　　　主， 我 的 上 帝 啊，我 要 全 心 赞美 你；

12b　　　Góa beh kàu éng-oán êng-kng Lí ê miâ-jī .
　　　　　我 要 到 永 远 荣 光 你 的 名 字。

13a　In-ūi Lí tùi góa hoat-chhut tōa ê chû-ài ,
　　　因 为 你 对 我 发 出 大 的 慈 爱，

13b　　　Lí kiù góa ê sìⁿ-miā bián lo̍h im-kan ê chhim-kài .
　　　　　你 救 我 的 性 命 免 落 阴 间 的 深 界。

14a　Siōng-tè ah , kiau-ngō͘ ê lâng khí-lâi kong-kek góa ;
　　　上 帝 啊，骄 傲 的 人 起 来 攻 击 我；

14b　　　Koh ū kiông-pō ê tóng siàu-siūⁿ góa ê sìⁿ-miā bô soah,
　　　　　又 有 强 暴 的 党 数 想 我 的 性 命 无 息，
　　　　　Tī in ê bīn-chêng, in bô kèng-hōng Lí chū-khoa.
　　　　　在 伊 的 面 前 ， 伊 无 敬 奉 你 自 夸。

15a　Chú ah , Lí sī jîn-chû un-tián ê Siōng-tè ;
　　　主 啊， 你 是 仁 慈 恩 典 的 上 帝；

15b　　　Bô khoài-khoài hoat sèng-tē ,
　　　　　无 快 快 发 性 地，
　　　　　koh ū hong-sēng ê chû-ài kap sêng-si̍t tī Lí ê pó-tē .
　　　　　复 有 丰 盛 的 慈 爱 及 诚 实 在 你 的 宝 袋。

16a　Kiû Lí oa̍t-kè-lâi khòaⁿ góa, khó-lîn góa;
　　　求 你 越 过 来 看 我， 可 怜 我；

16b　　　Chiong Lí ê khùi-la̍t siúⁿ-sù Lí ê lô͘-po̍k bô soah,
　　　　　将 你 的 气 力 赏 赐 你 的 奴 仆 无 息，

　　　　KIÙ LÍ Ê LÚ-PĪ Ê KIÁⁿ HŌ͘ GÓA OA̍H.
　　　　　救 你 的 女 婢 之 子 使 我 活。

17a　Kiû Lí hián-chhut góa un-tián ê pîn-kù hō͘ lâng khòaⁿ,
　　　求 你 显 出 我 恩 典 的 凭 据 使 人 看 ，

17b　　　Hō͘ oàn-hūn góa ê lâng khòaⁿ-kìⁿ lâi kiàn-siàu cháu sóa,
　　　　　使 怨 恨 我 的 人 看 见 来 见 诮 走 徙，

　　　　Iⁿ-ŪI IÂ-HÔ-HOA LÍ PANG-CHĀⁿ GÓA, Aⁿ-ÙI GÓA.
　　　　　因 为 耶 和 华 你 帮 助 我， 安 慰 我。