《押韵启应诗篇》

 | | | 转寄

台语押韵启应诗篇 82

作者 Tīⁿ Jî-gio̍k 2007.09.02

82　　A-sat ê si .

1a　Siōng-tè khiā tī Siōng-tè ê hōe-tiong teh khòaⁿ,
　　上 帝 立 在 上 帝 的 会 中 在 看，

1b　　　Tī chiah-ê sîn-bêng ê tiong-kan teh sím-phòaⁿ.
　　　　在 诸 些 神 明 的 中 间 在 审 判 。

2a　Lín sím-phòaⁿ bô chiàu kong-gī lah ,
　　恁 审 判 无 照 公 义 啦，

2b　　　Sûn pháiⁿ-lâng ê chêng-biān beh kàu tī -sî ah ?
　　　　循 歹 人 的 情 面 要 到 底 时 啊？

3a　Lín tio̍h kā sòng-hiong-lâng kap bô-pē ê kiáⁿ sin-oan;
　　恁 着 给 贫 穷 人 及 无 父 的 子 伸 冤；

3b　　　Tio̍h kā khùn-khó͘ kap khiàm-kheh ê lâng,
　　　　着 给 困 苦 及 欠 缺 的 人，
　　 kiâⁿ kong-gī hō͘ in pêng-an .
　　　　行 公 义 使 伊 平 安。

4a　Tio̍h chín-kiù sòng-hiong kap khiàm-kheh ê lâng,
　　着 拯 救 贫 穷 及 欠 缺 的 人，

4b　　　Hō͘ in thoat-lī pháiⁿ-lâng ê lô-bāng.
　　　　使 伊 脱 离 歹 人 的 罗 网。

5a　In m̄-chai, ia̍h bô bêng-lí ; in tī o͘-àm-tiong kiâⁿ-lâi kiâⁿ-khì;
　　伊 不 知， 亦 无 明 理；伊在 黑 暗 中 行 来 行 去；

5b　　　Tōe lóng iô-tāng kàu kun-ki .
　　　　地 拢 摇 动 到 根 基。

6a　Góa bat mn̄g kóng, lín kiám-sī sîn-bêng?
　　我 曾 问 讲 ， 恁 岂 是 神 明 ？

6b　　　Lín kiám-sī Chì-koân--ê ê kiáⁿ sîn-sèng?
　　　　恁 岂 是 至 高 者 的 子 神 圣 ？

7a　Chóng-sī lín ōe sí , kap sè-kan lâng chi̍t-iūⁿ tio̍h sí ,
　　总 是 恁 会 死，及 世 间 人 一 样 着 死，

7b　　　Beh soe-bî--khì chhin-chhiūⁿ kùi-cho̍k án-ni .
　　　　要 衰 微 去 亲 像 贵 族 按 呢。

8a　Siōng-tè ah , kiû Lí khí--lâi, sím-phòaⁿ sè -kài ;
　　上 帝 啊，求 你 起 来，审 判 世 界；

8b　　　In-ūi Lí beh tit-tio̍h bān-kok chòe ki-gia̍p bô hān-kài.
　　　　因 为 你 要 得 着 万 国 做 基 业 无 限 界。