《押韵启应诗篇》

 | | | 转寄

台语押韵启应诗篇 81

作者 Tīⁿ Jî-gio̍k 2007.08.26

81　　A-sat ê Si. Kau hō͘ Ga̍k-koaⁿ, ēng Ka-te̍k ê Tiāu.

1a　Siōng-tè sī goán ê khùi-la̍t,
　　上 帝 是 阮 的 气 力，

1b　　　Lín tio̍h tōa-siaⁿ o -ló I , chhut choân-la̍t ;
　　　　恁 着 大 声 赞 美 他，出 全 力；

1c　Tio̍h chhut hoaⁿ-hí ê siaⁿ-sè ,
　　着 出 欢 喜 的 声 势，

1d　　　O -ló Ngá-kok ê Siōng-tè .
　　　　赞 美 雅 各 的 上 帝。

2a　Tio̍h chhiùⁿ si-koa iô lin-long-kó͘ ;
　　着 唱 诗 歌 摇 铃 珑 鼓；

2b　　　Tôaⁿ hó-thiaⁿ ê khîm kap sek.
　　　　弹 好 听 的 琴 及 瑟。

3a　Tio̍h tī chhoe-it cha̍p-gō͘,
　　着 在 初 一 十 五，

3b　　　Goán chiat-kî ê ji̍t pûn sàu-kak chòe sek.
　　　　阮 节 期 的 日 歕 号 角 作 式。

4a　In-ūi che sī kā Í -sek-lia̍t tiāⁿ-tio̍h ê lu̍t-lē ,
　　因 为 这 是 给 以 色 列 定 着 的 律 例，

4b　　　Ngá-kok ê Siōng-tè ê gî -lé .
　　　　雅 各 的 上 帝 的 仪 礼。

5a　I khì kong-kek Ai-ki̍p-tōe ê sî ,
　　他 去 攻 击 埃 及 地 的 时，

5b　　　Tī Iok-sek ê tīn-iâⁿ--ni̍h,
　　　　在 约 瑟 的 阵 营 里，

5c　Li̍p chit-ê chòe kan-chèng,
　　立 此 个 做 干 证，

5d　　　Tī-hia góa thiaⁿ-kìⁿ só͘ bōe hiáu-tit ê ōe chòe kiàn-chèng.
　　　　在 彼 我 听 见 所 不 晓 得 的 话 做 见 证。

6a　Siōng-tè kóng: Góa hō͘ i ê keng-thâu thoat-lī tāng-tàⁿ,
　　上 帝 讲 ： 我 使 他 的 肩 头 脱 离 重 担，

6b　　　Hō͘ i ê chhiú pàng-lo̍h kheng-á .
　　　　使 他 的 手 放 落 筐 仔。

7a　Lí tī hoān-lān-tiong kiû-kiò ê sî ,
　　你 在 患 难 中 求 叫 的 时，

7b　　　Góa bat kiù lí ;
　　　　我 曾 救 你；

7c　Góa tī lûi ún-ba̍t ê só͘-chāi ìn lí ;
　　我 在 雷 隐 密 的 所 在 应 你；

7d　　　Góa tī Bí -lī-pa ê chúi-piⁿ chhì lí .
　　　　我 在 米 利 巴 的 水 边 试 你。

8a　Góa ê peh-sìⁿ ah , lí tio̍h thiaⁿ;
　　我 的 百 姓 啊， 你 着 听 ；

8b　　　Góa beh tùi lí chòe ki-pún ê tiāⁿ.
　　　　我 要 对 你 做 基 本 的 订。

8c　Í- sek-lia̍t ah , lí tio̍h thàn Góa ê siaⁿ,
　　以色 列 啊， 你 着 趁 我 的 声，

8d　　　Iā tio̍h thiaⁿ.
　　　　也 着 听 。

9a　Tī lí ê tiong-kan m̄-thang ū pa̍t-ê siōng-tè ,
　　在 你 的 中 间 不 通 有 别 的 上 帝 ，

9b　　　Gōa-pang ê sîn-bêng lí ia̍h m̄-thang kūi-pài lâi soan-sè .
　　　　外 邦 的 神 明 你 亦 不 通 跪 拜 来 宣 誓。

10a　Góa sī Iâ-hô-hoa lí ê Siōng-tè ,
　　　我 是 耶 和 华 你 的 上 帝，

10b　　　Bat chhōa lí chhut Ai-ki̍p-tē .
　　　　　曾 导 你 出 埃 及 地。

10c　Tio̍h tōa khui lí ê chhùi,
　　　着 大 开 你 的 嘴 ，

10d　　　Góa chiū chhiong-móa lí ê ūi .
　　　　　我 就 充　　满 你 的 胃。

11a　Chóng-sī Góa ê peh-sìⁿ m̄-thiaⁿ Góa;
　　　总 是 我 的 百 姓 不 听 我 ；

11b　　　Í -sek-lia̍t choân-jiân m̄ chhiù-chhái Góa.
　　　　　以色 列 全 然 不 瞅 睬 我。

12a　Góa chiū chhut-chāi in , chiàu in ê sim ê kò͘-chip;
　　　我 就 出 在 伊， 照 伊 的 心 的 固 执；

12b　　　Hō͘ in chiàu in ka-kī ê kè -bô͘ khì kiâⁿ bô khîⁿ-khi̍p.
　　　　　使 伊 照 伊 自 己 的 计 谋 去 行 无 扲 伋。

13a　Góa ê peh-sìⁿ nā khéng thiaⁿ Góa ê hoat-tō͘ ,
　　　我 的 百 姓 若 肯 听 我 的 法 度，

13b　　　Í- sek-lia̍t nā khéng kiâⁿ Góa ê lō͘ .
　　　　　以色 列 若 肯 行 我 的 路。

14a　Góa chiū kín-kín chè-ap in ê kiû-siû;
　　　我 就 紧 紧 制 压 伊 的 仇 雠；

14b　　　Kong-kek in ê tùi-te̍k chiah oa̍t-tńg Góa ê chhiú.
　　　　　攻 击 伊 的 对 敌 才 返 转 我 的 手。

15a　Oàn-hūn Iâ-hô-hoa ê lâng, beh tâu-hâng I lâi khut-kē ,
　　　怨 恨 耶 和 华 的 人， 要 投 降 他 来 屈 下，

15b　　　Chóng-sī I ê peh-sìⁿ ê sî -tāi beh kú-tn̂g tī--teh.
　　　　　总 是 他 的 百 姓 的 时 代 要 久 长 在 的。

16a　I ia̍h beh ēng hó ê be̍h hō͘ chú-bîn chòe chia̍h-si̍t;
　　　他亦 要 用 好 的 麦 给 子 民 做 吃 食；

16b　　　Góa iā beh ēng tùi chio̍h-pôaⁿ chhut ê bi̍t,
　　　　　我 也 要 用 对 石 磐 出 的 蜜，
　　　　hō͘ in chia̍h pá koh tiⁿ-bi̍t .
　　　　　使 伊 食 饱 又 甜 蜜。