《押韵启应诗篇》

 | | | 转寄

台语押韵启应诗篇 79

作者 Tīⁿ Jî-gio̍k 2007.08.12

79　　A-sat ê si .

1a　Siōng-tè ah , gōa-pang-lâng chìn-ji̍p Lí ê sán-gia̍p,
　　上 帝 啊，外 邦 人 进 入 你 的 产 业，
　　phah lâ-sâm Lí ê sèng-tiān chhiúⁿ-kiap.
　　拍 垃 墋 你 的 圣 殿 抢 劫。

1b　　　Hō͘ Iâ-lō͘-sat-léng pìⁿ-chiâⁿ thô͘-tui, bōe-tit-thang koh kiàn-gia̍p.
　　　　使 耶 路 撒 冷 变 成 土 堆，不 得 通 复 建 业。

2a　In chiong Lí ê lô͘-po̍k ê sin-si ,
　　伊 将 你 的 奴 仆 的 身 尸，

2b　　　Kau hō͘ khong-tiong ê pe-chiáu chòe chia̍h-mi̍h;
　　　　交 给 空 中 的 飞 鸟 做 食 物；

2c　Chiong Lí sèng ê peh-sìⁿ ê bah,
　　将 你 圣 的 百 姓 的 肉，

2d　　　Kau hō͘ tōe-chiūⁿ ê iá-siù chia̍h kàu pá .
　　　　交 给 地 上 的 野 兽 食 到 饱。

3a　Tī Iâ-lō͘-sat-léng chiu-ûi , lâu in ê huih chhin-chhiūⁿ chúi; 　　
　　在 耶 路 撒 冷 周 围，留 伊 的 血 亲 像 水；

3b　　　Ia̍h bô lâng bâi-chòng in chòe kui tui .
　　　　亦 无 人 埋 葬 伊 做 归 堆。

4a　Goán hō͘ goán keh-piah kok só͘ lêng-jio̍k biáu-sī ;
　　阮 使 阮 隔 壁 国 所 凌 辱 藐 视；

4b　　　Hō͘ goán sì -ûi ê lâng léng-chhiò ki-chhì.
　　　　使 阮 四 围 的 人 冷 笑 讥 刺。

5a　Iâ-hô-hoa ah, Lí ê siū-khì beh jōa-kú , kàu éng-oán mah?
　　耶 和 华 啊，你 的 怒 气 要 偌 久，到 永 远 吗？

5b　　　Lí ê siū-khì beh chhin-chhiūⁿ hé to̍h mah?
　　　　你 的 怒 气 要 亲 像 火 to̍h 吗？

6a　Goān Lí chiong Lí ê siū-khì
　　愿 你 将 你 的 怒 气
　　piàⁿ-lo̍h tī hiah-ê m̄-bat Lí ê gōa-cho̍k,
　　倾 落 在 那 些 不 识 你 的 外 族，

6b　　　Í- ki̍p hiah-ê bô kiû-kiò Lí ê miâ ê lia̍t-kok.
　　　　以及 那 些 无 求 叫 你 的 名 的 列 国。

7a　In-ūi in thun-chia̍h Ngá-kok,
　　因 为 伊 吞 食 雅 各，

7b　　　Hō͘ i khiā-khí ê só͘-chāi pha-hng soe-lo̍k.
　　　　使 他 居 起 的 所 在 抛 荒 衰 落。

8a　Kiû Lí m̄-thang kì-tit goán ê chó͘-kong ê chōe,
　　求 你 不 通 记 得 阮 的 祖 公 的 罪，

8b　　　Lâi tùi goán thó chōe sio̍k-hôe.
　　　　来 对 阮 讨 罪 赎 回。

8c　Goān Lí ê chû-pi kín-kín lîm-kàu goán;
　　愿 你 的 慈 悲 紧 紧 临 到 阮；

8d　　　In-ūi goán lo̍h kàu ke̍k pi-bî ê tōe-ūi chin m̄-goān.
　　　　因 为 阮 落 到 极 卑微 的 地 位 真 不 愿。

9a　Kiù goán ê Siōng-tè ah ,
　　救 阮 的 上 帝 啊， 　　 　　kiû Lí in-ūi Lí ê miâ ê êng-kng pang-chān goán; 　　 　　求 你 因 为 你 的 名 的 荣 光 帮 助 阮；

9b　　　In-ūi Lí ê miâ ê iân-kò͘ sià-bián goán ê chōe lâi kiù goán.
　　　　因 为 你 的 名 的 缘 故 赦 免 阮 的 罪 来 救 阮。

10a　Siáⁿ-sū tì -kàu gōa-pang-lâng lâi kóng goán,
　　　甚 事 致 到 外 邦 人 来 讲 阮，

10b　　　In ê Siōng-tè tī tó -ūi teh koán?
　　　　　伊 的 上 帝 在 哪 位 在 管？

10c　Goān Lí sin Lí ê lô͘-po̍k lâu-huih ê oan,
　　　愿 你 伸 你 的 奴 仆 流 血 的 冤，

10d　　　Hō͘ gōa-pang-lâng chai Lí ê put-boán,
　　　　　使 外 邦 人 知 你 的 不 满，
　　　　hō͘ goán chhin-ba̍k khòaⁿ-kìⁿ goán ê goān.
　　　　　使 阮 亲 目 看 见 阮 的 愿。

11a　Goān siû-hoān ê thó͘-khùi thàu-kàu Lí ê bīn-chêng;
　　　愿 囚 犯 的 叹 气 透 到 你 的 面 前；

11b　　　Goān Lí , chiàu Lí ê tōa koân-lêng,
　　　　　愿 你，照 你 的 大 权 能，
　　　　pó-chûn hiah-ê gí -tiāⁿ tio̍h sí ê lâng ê sìⁿ-miā kian-tēng.
　　　　　保 存 那 些 拟 定 着 死 的 人 的 性 命 坚 定。

12a　Chú ah, goān Lí chiong goán keh-piah-kok só͘ lêng-jio̍k Lí ê lêng-jio̍k,
　　　主 啊, 愿 你 将 阮 隔 壁 国 所 凌 辱 你 的 凌 辱，

12b　　　Ke-thiⁿ chhit-pē , kui tī in ê sin-chiūⁿ chòe kiat-kio̍k.
　　　　　加 添 七 倍，归 在 伊 的 身 上 做 结 局。

13a　Án-ni goán chòe Lí ê chú-sun,
　　　按 呢 阮 做 你 的 子 孙，

13b　　　Lí ê chháu-tiûⁿ ê iûⁿ-kûn,
　　　　　你 的 草 场 的 羊 群，

13c　Beh kám-siā Lí kàu éng-oán ê sî -tāi,
　　　要 感 谢 你 到 永 远 的 时 代，

13d　　　Beh o -ló Lí ê miâ kàu bān sè -tāi .
　　　　　要 赞 美 你 的 名 到 万 世 代。