《押韵启应诗篇》

 | | | 转寄

台语押韵启应诗篇 78c

作者 Tīⁿ Jî-gio̍k 2007.08.05

78　　A-sat kà-sī ê si.

43a　I cháiⁿ-iūⁿ tī Ai-ki̍p hián-chhut I ê sîn-jiah;
　　　他 怎 样 在 埃 及 显 出 他 的 神 迹；

43b　　　Tī Só-an chhân, hián-chhut kî-sū í- keng kàu-gia̍h.
　　　　　在 琐 安 田 ， 显 出 奇 事 已 经 够 额。

44a　Chiong in ê kang-hô pìⁿ-chòe huih bōe phīⁿ--tit,
　　　将 伊 的 江 河 变 做 血 不 鼻 得，

44b　　　Tì-kàu in ê hô-chúi lóng bōe lim--tit.
　　　　　致 到 伊 的 河 水 拢 不 饮 得。

45a　I hō͘ hô͘-sîn kui-tīn kàu in tiong-kan lâi cham in ;
　　　他 使 蝴 蝇 归 阵 到 伊 中 间 来 沾 伊；

45b　　　Koh hō͘ chhân-kap-á lâi hāi in .
　　　　　复 使 田 蛙 仔 来 害 伊。

46a　Chiong in ê thó͘-sán, kau hō͘ thâng-thōa;
　　　将 伊 的 土 产， 交 使 虫 豸；

46b　　　Chiong in lô-khó͘ lâi tit-tio̍h--ê , kau hō͘ chháu-meh chòe soah.
　　　　　将 伊 劳 苦 来 得 着 的，交 使 草 蜢 做 息。

47a　I lo̍h-pha̍uh, húi-hoāi in ê phû-tô-chhiū,
　　　他 落 雹 ， 毁 坏 伊 的 葡 萄 树 ，

47b　　　Lo̍h-sng, húi-hoāi in ê sng-châi-chhiū.
　　　　　落 霜， 毁 坏 伊 的 桑 椹 树 。

48a　Koh chiong in ê cheng-siⁿ kau hō͘ pha̍uh,
　　　复 将 伊 的 畜 牲 交 给 雹，

48b　　　Chiong in kui-kûn ê cheng-sīⁿ kau hō͘ sih-nà .
　　　　　将 伊 归 群 的 畜 牲 交 给 闪 电。

49a　I hoat-chhut I ê tōa siū-khì, chiū-sī thòng-hūn, khó͘-lān ê siū-khì,
　　　他 发 出 他的 大 怒 气，就 是 痛 恨、 苦 难 的 怒 气，

49b　　　Kui-tīn kàng chai-ē ê sù-chiá lóng kàu in hia--khì.
　　　　　归 阵 降 灾 祸 的 使 者 拢 到 伊 彼 去。

50a　I ūi-tio̍h ka-kī ê siū-khì pho͘-pîⁿ I ê lō͘ ;
　　　他 为 着 自 己 的 怒 气 铺 平 他 的 路；

50b　　　Hō͘ in ê sìⁿ-miā bōe bián-tit sí tī choa̍t-lō͘ ,
　　 　 　　使 伊 的 性 命 不 免 得 死 在 绝 路，
　　 　　chiong in ê oa̍h-miā kau hō͘ un-e̍k chòe hoat-tō͘.
　　 　 　　将 伊 的 活 命 交 给 瘟 疫 作 法 度。

51a　Tī Ai-ki̍p phah-sí it-chhè ê tōa-kiáⁿ,
　　　在 埃 及 打 死 一 切 的 大 子，

51b　　　Tī Hâm ê pò͘-pîⁿ-tiong phah-sí in ê thâu-chiūⁿ-kiáⁿ.
　　　　　在 含 的 布 棚 中 打 死 伊 的 头 生 子。

52a　Chóng-sī I chhōa-chhut ka-kī ê peh-sìⁿ, chhin-chhiūⁿ iûⁿ;
　　　总 是 他 导 出 自 己 的 百 姓， 亲 像 羊；

52b　　　Tī khòng-iá chhōa in chhin-chhiūⁿ kui-kûn ê iûⁿ.
　　　　　在 旷 野 导 伊 亲 像 归 群 的 羊。

53a　I chhōa in an-ún, hō͘ in bô kiaⁿ-hiâⁿ;
　　　他 导 伊 安 稳，使 伊 无 惊 惶；

53b　　　Hái chiū im-sí in ê tùi-te̍k bô miā.
　　　　　海 就 淹 死 伊 的 对 敌 无 命。

54a　I koh chhōa in kàu sèng-tōe ê kau-kài;
　　　他 又 导 伊 到 圣 地 的 交 界；

54b　　　Kàu I chiàⁿ-chhiú só͘ tit-tio̍h chit-ê soaⁿ it-tài.
　　　　　到 他 右 手 所 得 着 此 个 山 一 带。

55a　I tī in ê bīn-chêng, kóaⁿ-chhut lia̍t-pang-lâng;
　　　他在 伊 的 面 前 ， 赶 出 列 邦 人；

55b　　　Chiong gōa-pang-lâng ê tōe, niû hō͘ in chòe-gia̍p ná bîn-bāng;
　　　　　将 外 邦 人 的 地，量 给 伊 做 业 若 眠 梦；
　　　　Hō͘ Í- sek-lia̍t ê chi-phài khiā-khí in ê pò͘-pîⁿ chòe chú-lâng.
　　　　　使 以 色 列 的 支 派 居 起 伊 的 布 棚 做 主 人。

56a　In iû-goân chhì Chì-koân ê Siōng-tè , lâi pōe-ge̍k I ;
　　　伊 犹 原 试 至 高 的 上 帝，来 悖 逆 他；

56b　　　Bô siú I kan-chèng ê ōe , lâi biáu-sī I .
　　　　　无 守 他 干 证 的 话，来 藐 视 他。

57a　Sit-sìn pōe-ge̍k, bô koh-iūⁿ in ê chó͘-kong;
　　　失 信 悖 逆，无 胳 样 伊 的 祖 公；

57b　　　Piàn-khoán chhin-chhiūⁿ keng péng-lìn-tńg.
　　　　　变 款 亲 像 弓 反 轮 转。

58a　In-ūi in ēng in soaⁿ-thâu ê tôaⁿ, jiá--tio̍h I ê siū-khì;
　　　因 为 伊 用 伊 山 头 的 坛， 惹 着 他 的 怒 气；

58b　　　Ēng in tiau-khek ê ngó͘-siōng, hō͘ I thòng-hūn put-chí.
　　　　　用 伊 雕 刻 的 偶 像 ， 使 他 痛 恨 不 止。

59a　Siōng-tè thiaⁿ-kìⁿ chiū siū-khì,
　　　上 帝 听 见 就 怒 气，

59b　　　Tōa iàm-ò͘ⁿ Í- sek-lia̍t bô sêng-ì .
　　　　　大 厌 恶 以 色 列 无 诚 意。

60a　　Sīm-chì khì-sak Sī-lô ê hōe-bō͘ kàu pîⁿ-pîⁿ,
　　甚 至 弃 舍 示 罗 的 会 幕 到 平 平，

60b　　　Chiū-sī I tī lâng ê tiong-kan só͘ tah ê pò͘-pîⁿ.
　　　　　就 是 他 在 人 的 中 间 所 搭 的 布 棚。

61a　Koh chiong I ê khùi-la̍t, kau hō͘ ī -pang-lâng--khì;
　　　复 将 他 的 气 力，交 给 异 邦 人 去；

61b　　　Chiong I ê êng-kng kau tī in ê tùi-te̍k ê chhiú--khì.
　　　　　将 他 的 荣 光 交 在 伊 的 对 敌 的 手 去。

62a　Ia̍h chiong I ê peh-sìⁿ kau hō͘ to-kiàm,
　　　亦 将 他 的 百 姓 交 给 刀 剑，

62b　　　I pún-sin ê ke-gia̍p, I siū-khì koh thó-iàm.
　　　　　他 本 身 的 家 业， 他 怒 气 又 讨 厌。

63a　In ê siàu-liân-lâng hō͘ hé sio-bia̍t--khì,
　　　伊 的 少 年 人 给 火 烧 灭 去，

63b　　　In ê chāi-sek-lú bô tit-tio̍h lâng ê chiok-hō kiong-hí .
　　　　　伊 的 在 室 女 无 得 着 人 的 祝 贺 恭 喜。

64a　Chè-si tó tī to- ē , ia̍h bōe cháu,
　　　祭 司 倒 在 刀 下，亦 不 走，

64b　　　Chiú-kóaⁿ-lâng ia̍h bōe thî- khàu.
　　　　　守 寡 人 亦 不 啼 哭。

65a　Hit-sî Chú chhin-chhiūⁿ khùn ê lâng cheng-sîn khí lâi khòaⁿ,
　　　彼 时 主 亲 像 睡 的 人 精 神 起 来 看，

65b　　　Chhin-chhiūⁿ ióng-béng ê lâng, lim-chiú teh hoah.
　　　　　亲 像 勇 猛 的 人， 饮 酒 在 喝。

66a　I phah thè I ê tùi-te̍k kàu kiat-kio̍k,
　　　他 打 退 他 的 对 敌 到 结 局，

66b　　　Hō͘ in éng-éng siū lêng-jio̍k.
　　　　　使 伊 永 永 受 凌 辱。

67a　I koh khì-sak Iok-sek ê pò͘-pîⁿ chòe tîn-ai ,
　　　他 又 弃 舍 约 瑟 的 布 棚 做 尘 埃，

67b　　　Bô kéng-soán Í- hoat-liân ê chi-phài;
　　　　　无 拣 选 以 法 莲 的 支 派；

68a　Chóng-sī kéng Iû-tāi ê chi-phài,
　　　总 是 拣 犹 大 的 支 派，

68b　　　I só͘ ì- ài ê Sek-an-soaⁿ tit chû-ài .
　　　　　他 所 意爱 的 锡 安 山 得 慈 爱。

69a　Koh khí-chō I ê sèng-só͘, koân chhin-chhiūⁿ thiⁿ,
　　　复 起 造 他 的 圣 所，高 亲 像 天，

69b　　　Koh chhin-chhiūⁿ I kiàn-li̍p éng-éng tī-teh ê tōe bô piⁿ .
　　　　　复 亲 像 他 建 立 永 永 伫 在 的 地 无 边。

70a　Koh kéng I ê lô͘-po̍k Tāi-pi̍t,
　　　又 拣 他 的 奴 仆 大 辟，

70b　　　Chhōa i tùi iûⁿ-tiâu lâi jīm-chit.
　　　　　导 他 对 羊 寮 来 任 职。

71a　Hō͘ i bô koh tè hiah-ê iûⁿ-bú siū iok-sok,
　　　使 他 无 复 随 那 些 羊 母 受 约 束，

71b　　　Beh hō͘ i iúⁿ-chhī I ê peh-sìⁿ Ngá-kok,
　　　　　要 使 他 养 饲 他 的 百 姓 雅 各，
　　　　kap I ê ke-gia̍p Í- sek-lia̍t, I só͘ chiok-hok.
　　　　　与 他 的家 业 以 色 列，他所 祝 福。

72a　Tāi-pi̍t chiū chiàu i sim-lāi ê chèng-ti̍t iúⁿ-chhī in ;
　　　大 辟 就 照 他 心 内 的 正 直 养 饲 伊；

72b　　　Koh ēng i khiáu-biāu ê chhiú ín-chhōa in .
　　　　　又 用 他 巧 妙 的 手 引 导 伊。