《押韵启应诗篇》

 | | | 转寄

台语押韵启应诗篇 78b

作者 Tīⁿ Jî-gio̍k 2007.07.29

78　　A-sat kà-sī ê si.

23a　Chóng-sī I chiū bēng-lēng tī téng-bīn ê kiong-chhong,
　　　总 是 他 就 命 令 在 顶 面 的 穹 苍 ，

23b　　　Koh khui thiⁿ ê mn̂g hō͘ i thong;
　　　　　复 开 天 的 门 使 它 通 ；

24a　I kàng-lo̍h má-ná , chhin-chhiūⁿ lo̍h-hō͘ hō͘ in chia̍h;
　　　他 降 落 吗 哪，亲 像 落 雨 使 伊 食；

24b　　　Chiong thiⁿ ê bí-niû siúⁿ-sù in kàu-gia̍h.
　　　　　将　　天 的 米 粮 赏 赐 伊 到 额。

25a　Lâng chia̍h tōa-koân-lêng--ê ê chia̍h-mi̍h;
　　　人 食 大 权 能 者 的 食 物；

25b　　　I siúⁿ-sù bí-niû hō͘ in pá-chiok bô khiàm sím-mi̍h.
　　　　　他赏 赐 米 粮 使 伊 饱 足 无 欠 甚 么。

26a　I hō͘ tang-hong khí tī thiⁿ ê kau-kài,
　　　他 使 东 风 起 在 天 的 交 界，

26b　　　Ēng I ê koân-lêng chhōa lâm-hong lâi .
　　　　　用 他 的 权 能 导 南 风 来。

27a　I kàng-lo̍h bah tī in tiong-kan ê kéng-kài,
　　　他 降 落 肉 在 伊 中 间 的 境 界，
　　chōe chhin-chhiūⁿ thô͘-hún kui-chài,
　　　多 亲 像 土 粉 归 载，

27b　　　Koh pe-chiáu móa thiⁿ-kài, chhin-chhiūⁿ hái-soa poe--lo̍h--lâi .
　　　　　复 飞 鸟 满 天 界，亲 像 海 沙 飞 落 来。

28a　Lo̍h tī in ê iâⁿ-tiong ta̍k-ūi ,
　　　落 在 伊 的 营 中 逐 位，

28b　　　Tī in khiā-khí só͘-chāi ê sì -ûi .
　　　　　在 伊 居 起 所 在 的四 围。

29a　In chiū chia̍h kàu pá-chiok,
　　　伊 就 食 到 饱 足，

29b　　　I chiàu in só͘ -ài--ê hō͘ in móa-chiok.
　　　　　他 照 伊 所 爱 的 使 伊 满 足。

30a　Chóng-sī in iáu-bē thoat-chhut in ê io̍k-bōng--khì,
　　　总 是 伊 尚 未 脱 出 伊 的 欲 望 去，

30b　　　In ê chia̍h-mi̍h iáu tī in ê chhùi-lāi ê sî ,

　　　　　伊 的 食 物 尚 在 伊 的 嘴 内 的 时，

31a　Siōng-tè ê siū-khì chiū tùi thiⁿ kàng,
　　　上 帝 的 怒 气 就 对 天 降，

31b　　　Thâi-sí in tiong-kan ê hó-hàn-lâng,
　　　　　杀 死 伊 中 间 的 好 汉 人，
　　　　táⁿ-tó Í -sek-lia̍t ê siàu-liân-lâng.
　　　　　打 倒 以色 列 的 少 年 人。

32a　Sui-jiân án-ni , in iû-goân koh hoān-chōe;
　　　虽 然 按 呢，伊 犹 原 又 犯 罪；

32b　　　Bô sìn I , sui-bóng I ū kî-biāu ê só͘-chòe.
　　　　　无 信 他，虽 罔 他 有 奇 妙 的 所 做。

33a　Só͘- í I hō͘ in khang-khang kè-ji̍t ;
　　　所 以 他 使 伊 空 空 过 日；

33b　　　Hō͘ in le̍k-nî kiaⁿ-hiâⁿ bê-sit .
　　　　　使 伊 历 年 惊 惶 迷 失。

34a　Chú beh thâi in ê sî , in chiah lâi kiû I kiù-chè,
　　　主 要 杀 伊 的 时，伊 才 来 求 他 救 济，

34b　　　Chiū oa̍t-tò-tńg chhiat-chhiat kiû Siōng-tè .
　　　　　就 越 倒 转 切 切 求 上 帝。

35a　In ia̍h tui-liām Siōng-tè sī in ê chio̍h-pôaⁿ,
　　　伊 亦 追 念 上 帝 是 伊 的 石 磐，

35b　　　Chì-koân ê choân-lêng--ê , sī sio̍k-hôe in ê soaⁿ.
　　　　　至 高 的 全 能 者，是 赎 回 伊 的 山。

36a　Chóng-sī in ēng chhùi thiám-mī I ,
　　　总 是 伊 用 嘴 谄 媚 他，

36b　　　Ēng chi̍h tùi I kóng pe̍h-chha̍t bô lī .
　　　　　用 舌 对 他 讲 白 贼 无 离。

37a　In-ūi in bô kian-sim ì -hiòng I ,
　　　因 为 伊 无 坚 心 意 向 他，

37b　　　Bô chīn-tiong siú I ê iok só͘ kì .
　　　　　无 尽 忠 守 他 的 约 所 记。

38a　Chóng-sī I ū lîn-bín,
　　　总 是 他 有 怜 悯，

38b　　　Sià-bián in ê chōe-ok bô bia̍t-bô in ;
　　 　　　赦 免 伊 的 罪 恶 无 灭 无 伊；

38c　Koh ta̍uh-ta̍uh siau I ê siū-khì,
　　　复 沓 沓 消 他 的 怒 气，

38d　　　Bô it-chīn hoat-chhut I ê siū-khì.
　　　　　无 一 尽 发 出 他 的怒 气。

39a　I siūⁿ-tio̍h in put-kò sī hiat-khì,
　　　他想 着 伊 不 过 是 血 气，

39b　　　Sī chhe--kè--khì bōe tò-tńg ê hong-si .
　　　　　是 吹 过 去 不 倒 转 的 风 丝。

40a　In tī khòng-iá pōe-ge̍k I , 　　
　伊 在 旷 野 悖 逆 他，

40b　　　Tī pha-hng ê tōe-chí, kàu hiah chōe pái hō͘ I iu-būn siū-khì.
　　　　　在 抛 荒 的 地 址，到 许 多 次 使 他忧 闷 受 气。

41a　In chài-saⁿ chhì Siōng-tè ,
　　　伊 再 三 试 上 帝，

41b　　　Tú-tak Í- sek-lia̍t ê Sèng--ê .
　　　　　抵 触 以 色 列 的 圣 者。

42a　In bōe-kì-tit I ê koân-lêng bōe sǹg--tit .
　　　伊 不 记 得 他 的 权 能 不 算 得，

42b　　　Kap sio̍k-hôe in thoat-lī tùi-te̍k ê ji̍t ;
　　　　　与 赎 回 伊 脱 离 对 敌 的 日；