《押韵启应诗篇》

 | | | 转寄

台语押韵启应诗篇 78a

作者 Tīⁿ Jî-gio̍k 2007.07.22

78　　A-sat kà-sī ê si.

1a　Góa ê peh-sìⁿ ah , lín tio̍h thiaⁿ góa ê kà-sī ,
　　我 的 百 姓 啊，恁 着 听 我 的 教 示，

1b　　　Àⁿ hī-khang thiaⁿ góa ê chhùi ê ōe só͘ chí-sī .
　　　　俯 耳 孔 听 我 的 嘴 的 话 所 指 示。

2a　Góa beh khui-chhùi siat phì-jū ê ōe ,
　　我 要 开 嘴 设 譬 喻 的 话，

2b　　　Góa beh kóng-chhut kó͘-chá ún-ba̍t ê ōe ,
　　　　我 要 讲 出 古 早 隐 密 的 话。

3a　Chiū-sī goán só͘ thiaⁿ--kìⁿ, só͘ chai--ê ;
　　就 是 阮 所 听 见， 所 知 的；

3b　　　Ia̍h sī goán ê chó͘-kong thoân hō͘ goán--ê .
　　　　亦 是 阮 的 祖 公 传 给 阮 的。

4a　Goán bô beh chiong chiah-ê sū tùi in ê kiáⁿ-sun ún-môa si̍t-chêng,
　　阮 无 要 将 诸 些 事 对 伊 的 子 孙 隐 瞒 实 情，

4b　　　Beh chiong Iâ-hô-hoa ê miâ-siaⁿ kap I ê koân-lêng,
　　　　要 将 耶 和 华 的 名 声 与 他 的 权 能，

4c　Í- ki̍p I só͘ kiâⁿ kî-biāu ê sū ,
　　以及 他 所 行 奇 妙 的 事，

4d　　　Thoân hō͘ āu-sè-tāi kú -kú .
　　　　传 给 后 世 代 久 久。

5a　In -ūi I tī Ngá-kok li̍p tiāⁿ-tio̍h ê siú-lé ,
　　因 为 他 在 雅 各 立 定 着 的 守 礼，

5b　　　Tī Í -sek-lia̍t siat lu̍t-hoat ê chè.
　　　　在 以 色 列 设 律 法 的 制，

5c　Sī I bēng-lēng lán ê chó͘-kong--ê ,
　　是 他 命 令 咱 的 祖 公 的，

5d　　　Iā thang thoân hō͘ in ê kiáⁿ-sun--ê .
　　　　也 通 传 给 伊 的 子 孙 的。

6a　Hō͘ āu-tāi, chiū-sī teh beh chhut-sì ê kiáⁿ-sun chai;
　　使 后 代，就 是 在 要 出 世 的 子 孙 知；

6b　　　In ia̍h beh khí-lâi thoân hō͘ in ê kiáⁿ-sun chòe kài.
　　　　伊 亦 要 起 来 传 给 伊 的 子 孙 做 戒。

7a　Hō͘ in bô bōe-kì-tit tùi Siōng-tè sìn-nāi,
　　使 伊 无 不 记 得 对 上 帝 信 赖，
　　 Choân-lêng--ê ê só͘ chòe teh chú-cháiⁿ,
　　 全 能 者 的 所 做 在 主 宰，

7b　　　Sī beh hō͘ in chun-siú I ê kài.
　　　　是 要 使 伊 遵 守 他 的 戒。

8a　Bián-tit chhin-chhiūⁿ in ê chó͘-kong hit-tāi,
　　免 得 亲 像 伊 的 祖 公 彼 代，

8b　　　Sī ngī-sim pōe-ge̍k ê sè -tāi,
　　　　是 硬 心 悖 逆 的 世 代，

8c　Sī chûn-sim bô sì- chiàⁿ ê sè -tāi,
　　是 存 心 无 四 正 的 世 代，

8d　　　In ǹg Siōng-tè ê sim bô kian-kò͘ siū that-gāi. 　　
　　伊 向 上 帝 的 心 无 坚 固 受 塞 碍。

9a　Í- hoat-liân ê kiáⁿ-sun kia̍h ke-si kap keng-chìⁿ,
　　以法 莲 的 子 孙 举 机 俬 与 弓 箭，

9b　　　Lîm-tīn ê ji̍t , oa̍t-tńg-sin thè-āu--khì.
　　　　临 阵 的 日，越 转 身 退 后 去。

10a　In bô chun-siú Siōng-tè ê iok-tiāⁿ,
　　　伊 无 遵 守 上 帝 的 约 定，

10b　　　M̄-khéng chiàu I ê lu̍t-hoat lâi kiâⁿ.
　　　　　不 肯 照 他 的 律 法 来 行。

11a　Koh bōe-kì-tit I só͘-kiâⁿ ê tōa-sū,
　　　复 不 记 得 他 所 行 的 大 事，

11b　　　Kap I só͘ hō͘ in khòaⁿ-kìⁿ kî-biāu ê sū .
　　　　　及 他 所 使 伊 看 见 奇 妙 的 事。

12a　I tī Ai-ki̍p-tōe, Só-an ê chhân-kéng,
　　　他在 埃 及 地，琐 安 的 田 境，
　　tī in chó͘-kong ê ba̍k-chiu chêng,
　　　在 伊 祖 公 的 目 珠 前，

12b　　　Kiâⁿ kî -īⁿ ê sū chòe kiàn-chèng.
　　　　　行 奇 异 的 事 做 见 证。

13a　I hō͘ in kè--khì I só͘ pun-khui ê hái,
　　　他 使 伊 过 去 他 所 分 开 的 海，

13b　　　Koh hō͘ chúi khiā--khí-lâi , chhin-chhiūⁿ thô͘-tui kui-chài.
　　　　　复 使 水 立 起 来，亲 像 土 堆 归 载。

14a　I ji̍t--sî ēng hûn chhōa--in ,
　　　他 日 时 用 云 导 伊，

14b　　　Thong-mî ēng hé ê kng chhōa--in .
　　　　　通 暝 用 火 的 光 导 伊。

15a　I tī khòng-iá hō͘ chio̍h-pôaⁿ khui-chhùi,
　　　他在 旷 野 使 石 磐 开 嘴，

15b　　　Hō͘ in chōe-chōe chúi thang lim kàu khùi,
　　　　　使 伊 多 多 水 通 饮 到 气， 　　
　　chhin-chhiūⁿ tùi chhim-ian chhèng-chhut chhim-chúi.
　　　　　亲 像 对 深 渊 冲 出 深 水。

16a　I hō͘ chúi tùi chio̍h-pôaⁿ chhèng-chhut,
　　　他 使 水 对 石 磐 冲 出，

16b　　　Hō͘ chúi chhin-chhiūⁿ kang-hô lâu-lo̍h kui-khut.
　　　　　使 水 亲 像 江 河 流 落 归 窟。

17a　In iû-goân ta̍uh-ta̍uh tek-chōe I ;
　　　伊 犹 原 沓 沓 得 罪 他；

17b　　　Tī ta-sò ê tōe pōe-ge̍k Chì-koân--ê ê chí -ì .
　　　　　在 干 燥 的 地 悖 逆 至 高 者 的 旨 意。

18a　In sim-lāi chhì Siōng-tè bô lia̍h chòe sím-mi̍h,
　　　伊 心 内 试 上 帝 无 掠 做 什 么，

18b　　　Chiàu in ka-kī só͘-ài--ê kiû chia̍h-mi̍h.
　　　　　照 伊 自 己 所 爱 的 求 食 物。

19a　In lām-sám gī-lūn Siōng-tè , kóng lâi kóng khì,
　　　伊 滥 糁 议 论 上 帝，讲 来 讲 去，

19b　　 Choân-lêng ê Chú tī khòng-iá kiám ōe pān-toh chhiáⁿ peh-sìⁿ ?
　　　　　全 能 的 主 在 旷 野 岂 会 办 桌 请 百 姓？

20a　I bat phah chio̍h-pôaⁿ hō͘ chúi chhèng-chhut,
　　　他 曾 拍 石 磐 使 水 冲 出，

20b　　　Hō͘ kang-hô móa-chhut;
　　　　　使 江 河 满 出；

20c　I iā ōe siúⁿ-sù bí-niû mah ?
　　　他 也 会 赏 赐 米 粮 吗 ？

20d　　 I iā ōe kā I ê peh-sìⁿ pī-pān bah mah ?
　　　　　他 也 会 给 他 的 百 姓 备 办 肉 吗？

21a　Só͘-í Iâ-hô-hoa thiaⁿ-kìⁿ chiū siū-khì,
　　　所以 耶 和 华 听 见 就 怒 气，

21b　　　Chiū ū iām-hé sio Ngá-kok ê tōe-ki ,
　　　　　就 有 焰 火 烧 雅 各 的 地 基,
　　　　siū-khì tī Í-sek-lia̍t-cho̍k hoat-khí. 　　
　　　怒 气 在 以 色 列 族 发 起。

22a　In -ūi in m̄ sìn-ho̍k Siōng-tè ,
　　　因 为 伊 不 信 服 上 帝，

22b　　　M̄ óa-khò I ê kiù-un lâi sit-bê .
　　　　　不 倚 靠 他 的 救 恩 来 失 迷。