《押韵启应诗篇》

 | | | 转寄

台语押韵启应诗篇 77

作者 Tīⁿ Jî-gio̍k 2007.07.15

77　　A-sat ê si, Iâ-tō͘-tùn ê chòe-hoat ; kau hō͘ Ga̍k-koaⁿ.

1a　Góa beh tùi Siōng-tè chhut-siaⁿ, kiû-kiò I ê miâ;
　　我 要 对 上 帝 出 声， 求 叫 他 的 名；

1b　　　Góa tùi Siōng-tè chhut-siaⁿ, I beh àⁿ hī-khang lâi thiaⁿ.
　　　　我 对 上 帝 出 声，他 要 俯 耳 孔 来 听。

2a　Tī góa hoān-lān ê ji̍t góa chhē Chú;
　　在 我 患 难 的 日 我 寻 主；

2b　　　Góa tī mî--sî kia̍h-khí chhiú kú-kú,
　　　　我 在 瞑 时 举 起 手 久 久，
　　　　Góa ê sim m̄-khéng siū an-ùi piàn khang-hu.
　　　　我 的 心 不 肯 受 安 慰 变 空 虚。

3a　Góa siàu-liām Siōng-tè , chiū peh-pak giông beh sí ,
　　我 思 念 上 帝， 就 擘 腹 昂 要 死，

3b　　　Góa chēng-chēng siūⁿ, sim-sîn hūn--khì.
　　　　我 静 静 想， 心 神 昏 去。

4a　Lí hō͘ góa ê ba̍k-chiu bô chi̍t-sî khoeh;
　　你 使 我 的 目 珠 无 一 时 瞌；

4b　　　Góa hoân-ló kàu lóng bōe kóng ōe .
　　　　我 烦 恼 到 拢 不 讲 话。

5a　Góa tui-liām kó͘-chá ê ji̍t ,
　　我 追 念 古 早 的 日，

5b　　　Chiū-sī ke̍k-chá ê nî -ji̍t .
　　　　就 是 极 早 的 年 日。

6a　Góa siūⁿ-khí góa mî-kan ê si-koa,
　　我 想 起 我 暝 间 的诗 歌，
　　góa bong-sim ka-kī mn̄g bô soah,
　　我 摸 心 自 己 问 无 息，

6b　　　Góa ê sim-sîn ia̍h siông-sè séng-chhat khòaⁿ.
　　　　我 的 心 神 亦 详 细 省 察 看 。

7a　Chú kiám beh éng-oán pàng-sak mah?
　　主 岂 要 永 远 放 舍 吗？

7b　　　Bô koh si -un mah?
　　　　无 复 施 恩 吗？

8a　I ê chû-ài kiám éng-oán kiông-chīn mah?
　　他 的 慈 爱 岂 永 远 穷 尽 吗？

8b　　　I ê èng-ún kiám tāi-tāi hòe-bô mah?
　　　　他 的 应 允 岂 代 代 废 无 吗？

9a　Siōng-tè kiám bōe-kì-tit si -un mah?
　　上 帝 岂 不 记 得 施 恩 吗？

9b　　　Kiám in -ūi siū-khì that-ba̍t I ê chû-pi mah?
　　　　岂 因 为 怒 气 塞 密 他 的 慈 悲 吗？

10a　Góa kóng, “Che chiū-sī góa ê loán-jio̍k;”
　　　我 讲 ，「这 就 是 我 的 软 弱；」

10b　　　Góa beh siàu-liām Chì-koân--ê tōa chok-ûi kap kiù-sio̍k.
　　　　　我 要 数 念 至 高 者 大 作 为 及 救 赎。

11a　Góa beh kóng-khí Iâ-hô-hoa ê só͘-kiâⁿ,
　　　我 要 讲 起 耶 和 华 的 所 行，

11b　　　Siàu-liām I chá-sî ê sîn-jiah chi̍t-kiāⁿ chi̍t-kiāⁿ.
　　　　　数 念 他 早 时 的神 迹 一 件 一 件。

12a　Góa beh chhún-to̍k Lí ê só͘-kiâⁿ,
　　　我 要 忖 度 你 的 所 行，

12b　　　Chēng-chēng siūⁿ Lí ê só͘-chòe ê miâ-siaⁿ.
　　　　　静 静 想 你 的 所 做 的 名 声。

13a　Siōng-tè ah , Lí ê lō͘ sī sèng--ê ;
　　　上 帝 啊，你 的 路 是 圣 的；

13b　　　Ū sím-mi̍h sîn-bêng tōa chhin-chhiūⁿ Siōng-tè ?
　　　　　有 甚 么 神 明 大 亲 像 上 帝？

14a　Lí sī kiâⁿ kî-sū ê Siōng-tè ;
　　　你 是 行 奇事 的 上 帝；

14b　　　Lí bat tī bān peh-sìⁿ ê tiong-kan, hián-bêng Lí ê koân-sè .
　　　　　你 曾 在 万 百 姓 的 中 间， 显 明 你 的 权 势。

15a　Lí bat ēng Lí ê chhiú sio̍k-hôe Lí ê peh-sìⁿ,
　　　你 曾 用 你 的 手 赎 回 你 的 百 姓，

15b　　　Chiū-sī Ngá-kok kap Iok-sek ê kiáⁿ-jî .
　　　　　就 是 雅 各 与 约 瑟 的 子 儿。

16a　Siōng-tè ah , chiah-ê chúi kìⁿ-tio̍h Lí,
　　　上 帝 啊，诸 些 水 见 着 你，
　　chiah-ê chúi kìⁿ-tio̍h Lí , lóng kiaⁿ-hiâⁿ,
　　　诸 些 水 见 着 你，拢 惊 惶，

16b　　　Chhim-ian ia̍h ngia̍uh-ngia̍uh-chhoah tio̍h kiaⁿ.
　　　　　深 渊 亦 蠕 蠕 惙 着 惊。

17a　Ba̍t-hûn piàⁿ-chhut chúi kiong-chhong chiū chhut-siaⁿ,
　　　密 云 倾 出 水 穹 苍 就 出 声，

17b　　　Lí ê chìⁿ sì-kòe siā .
　　　　　你 的 箭 四 界 射。

18a　Tī kńg-lê-hong-lāi ū Lí lûi ê siaⁿ;
　　　在 卷 龙 风 内 有 你 雷 的 声；

18b　　　Sih-nà ê kng sih kàu thong sè-kan teh siám-iáⁿ;
　　　　　闪 电 的 光 闪 到 通 世 间 在 闪 影；

　　　　 TŌE NGIA̍UH-NGIA̍UH-CHHOAH, KOH TÍⁿ-TĀNG LÂI KIAⁿ.
　　　　　地 蠕　　 蠕　　 惙 ， 复 振 动 来 惊。

19a　Lí ê tō -lō͘ tī hái-tiong, Lí ê lō͘-kèng tī tōa-chúi-tiong,
　　　你 的 道 路 在 海 中 ， 你 的 路 径 在 大 水 中 ，

19b　　　Lí ê kha-jiah bô lâng ōe chai, thang hêng-iông.
　　　　　你 的 脚 迹 无 人 会 知， 通 形 容。

20a　Chá Lí ēng Mô͘-se A-lûn ê chhiú,
　　　早 你 用 摩 西 亚 伦 的 手，

20b　　　Chhōa Lí ê peh-sìⁿ chhin-chhiūⁿ kui-kûn ê iûⁿ.
　　　　　导 你 的 百 姓 亲 像 归 群 的 羊。