《押韵启应诗篇》

 | | | 转寄

台语押韵启应诗篇 76

作者 Tīⁿ Jî-gio̍k 2007.07.08

76　　A-sat ê si-koa, kau hō͘ Ga̍k-koaⁿ; ēng si-hiân ê ga̍k-khì.

1a　Tī Iû-tāi Siōng-tè hián-hiān I ka-kī hō͘ lâng chai;
　　在 犹 大 上 帝 显 现 他 自 己 使 人 知；

1b　　　Tī Í -sek-lia̍t I ê miâ chòe úi -tāi.
　　　　在 以 色 列 他 的 名 做 伟 大。

2a　Tī Sat-léng ū I ê tiùⁿ-pâng khiā-chāi,
　　在 撒 冷 有 他 的 帐 房 khiā 在，

2b　　　Tī Sek-an ū I khiā-khí ê só͘-chāi.
　　　　在 锡 安 有 他 居 起 的 所 在。

3a　I tī hia at-chi̍h keng ê chìⁿ,
　　他 在 彼 遏 折 弓 的 箭，

3b　　　Kap tîn-pâi, to-kiàm, í -ki̍p kau-chiàn ê ke -si .
　　　　与 盾 牌，刀 剑， 以 及 交 战 的 机 俬。

4a　Lí tùi chhiúⁿ-mi̍h ê soaⁿ-chē lâi ,
　　你 对 抢 物 的 山 寨 来，

4b　　　Ū êng-kng kap ui-giâm tè--lâi .
　　　　有 荣 光 与 威 严 跟 来。

5a　Sim ióng-kám ê lâng lóng siū chhiúⁿ-kiap;
　　心 勇 敢 的 人 拢 受 抢 劫；

5b　　　In khùn kú-kú ba̍k-chiu iáu-kú siap-siap.
　　　　伊 睡 久 久 目 珠 尚 且 涩 涩。

5c　Eng-hiông ê lâng,
　　英 雄 的 人，

5d　　　Bô chi̍t-ê ōe chhut-chhiú lâi kiù-lâng.
　　　　无 一 个 会 出 手 来 救 人。

6a　Ngá-kok ê Siōng-tè ah, Lí ê chek-pī chi̍t-ē hoat-chhut,
　　雅 各 的 上 帝 啊，你 的 责 备 一 下 发 出，

6b　　　Chhia, bé , lóng khùn tāng-bîn chiū ta̍h-thu̍t.
　　　　车 ， 马，拢 睡 重 眠 就 踏 脱。

7a　To̍k-to̍k Lí sī thang kiaⁿ ê Chú lah;
　　独 独 你 是 通 惊 的 主 啦；

7b　　　Lí ê siū-khì chi̍t-ē hoat-chhut,
　　　　你 的 受 气 一 下 发 出，
　　　　siáⁿ-lâng tī Lí ê bīn-chêng khiā-ōe-tiâu lah?
　　　　谁 人 在 你 的 面 前 立 会 稠 啦？

8a　Lí tùi thiⁿ--ni̍h hō͘ lâng thiaⁿ phòaⁿ-toàn;
　　你 对 天 里 使 人 听 判 断；

8b　　　Tōe chiū kiaⁿ-hiâⁿ chēng-chēng m̄-káⁿ hoán-loān;
　　　　地 就 惊 惶 静 静 不 敢 反 乱；

9a　Chiū-sī Siōng-tè khí-lâi sím-phòaⁿ bān-pang,
　　就 是 上 帝 起 来 审 判 万 邦，

9b　　　Beh kiù tōe-chiūⁿ it-chhè khiam-pi ê lâng.
　　　　要 救 地 上 一 切 谦 卑 的 人。

10a　Liân lâng ê siū-khì, iā tio̍h ài o -ló Lí ,
　　　连 人 的 怒 气，也 着 爱 赞 美 你，

10b　　　M̄-sī án-ni ê siū-khì, Lí beh kìm-chí. 　　
　　　不是 按 呢 的怒 气， 你 要 禁 止。

11a　Lín tio̍h tùi lín ê Siōng-tè Iâ-hô-hoa hē-goān koh siā-goān;
　　　恁 着 对 恁 的 上 帝 耶 和 华 下 愿 又 谢 愿；

11b　　　Sì -ûi ê lâng tio̍h tòa lé -mi̍h
　　　　　四 围 的 人 着 带 礼 物
　　　　hiàn hō͘ thang kèng-ùi ê Chú chòe koân.
　　　　　献 给 通 敬 畏 的 主 做 高。

12a　I beh at-chí kùi-cho̍k ê kiau-khì,
　　　他要 遏 止 贵 族 的 骄 气，

12b　　　 I hō͘ sè-chiūⁿ ê lia̍t-ông kiaⁿ-ùi cháu--thè--khì.
　　　　　他使 世 上 的 列 王 惊 畏 走 退 去。