《押韵启应诗篇》

 | | | 转寄

台语押韵启应诗篇 75

作者 Tīⁿ Jî-gio̍k 2007.07.01

75　　A-sat ê si-koa , kau hō͘ Ga̍k-koaⁿ ; tiāu sī ēng “Bo̍h-tit húi-hoāi- -ê ”,

1a　Siōng-tè ah , goán kám-siā Lí ;
　　上 帝 啊， 阮 感 谢 你；
　　Goán kám-siā Lí , in-ūi Lí ê miâ tī sin-piⁿ,
　　阮 感 谢 你，因 为 你 的 名 在 身 边，

1b　　　Lâng pò-iông Lí kî-biāu ê só͘-chòe kàu chheng-lí .
　　　　人 报 扬 你 奇 妙 的 所 做 到 千 里。

2a　Góa kàu tiāⁿ-tio̍h ê ji̍t -kî sî -tōaⁿ,
　　我 到 定 着 的 日 期 时 段，

2b　　　Góa beh chiàu chèng-ti̍t sím-phòaⁿ.
　　　　我 要 照 正 直 审 判 。

3a　Tōe kap tōe-chiūⁿ khiā-khí ê peh-sìⁿ lóng ōe iûⁿ iā ōe siau,
　　地 及 地 上 居 起 的 百 姓 拢 会 溶 也 会 消，

3b　　　Góa chim-chiok khiā-chāi tī tōe ê thiāu.
　　　　我 斟 酌 徛 住 在 地 的 柱。

4a　Góa tùi kiau-ngō͘ ê lâng kóng: “Bo̍h-tit kiau-ngō͘;“
　　我 对 骄 傲 的 人 讲 ：「莫 得 骄 傲；」

4b　　　Tùi pháiⁿ-lâng kóng: “Bo̍h-tit kia̍h-khí lí ê kak hó͘ⁿ-tò͘ .
　　　　对 歹 人 讲 ：「莫 得 举 起 你 的 角 好 斗。

5a　Bo̍h-tit koân-koân kia̍h-khí lí ê kak bô àⁿ-io .
　　莫 得 高 高 举 起 你 的 角 无 俯 腰，

5b　　　Bo̍h-tit ngī lí ê ām-kún lâi kóng-ōe chhèng-chhèng-kiò.”
　　　　莫 得 硬 你 的 颔 颈 来 讲 话 冲 冲 叫。」

6a　In-ūi m̄-sī tùi tang, m̄-sī tùi sai,
　　因 为 不是 对 东， 不 是 对 西，

6b　　　Ia̍h m̄-sī tùi lâm lâi tit-tio̍h kú-khí khiā-chāi.
　　　　亦 不是 对 南 来 得 着 举 起 khiā 在。

7a　Thian-hā chí-ū Siōng-tè sī phòaⁿ-toàn,
　　天 下 只 有 上 帝 是 判 断，

7b　　 I hō͘ chit-ê kàng-kē , hō͘ hit -ê seng-koân.
　　　　他 使 此 个 降 低，使 彼 个 升 高。

8a　Iâ-hô-hoa chhiú--ni̍h ū poe, kî-tiong ê chiú khí phe̍h khí--lâi ,
　　耶 和 华 手 里 有 杯，其 中 的 酒 起 沫 起 来，

8b　　　Poe-lāi ū kè-thàu ê chiú móa-poe, I piàⁿ--chhut--lâi ;
　　　　杯 内 有 过 掺 的 酒 满 杯，他 倾 出 来；

8c　Tōe-chiūⁿ ê pháiⁿ-lâng beh lóng lim chit-ê chiú ê che-tái ,
　　地 上 的 歹 人 要 拢 饮 此 个 酒 的 渣 滓，

8d　　　Lim kàu liáu-liáu pìⁿ tai-tai .
　　　　饮 到 了 了 变 呆 呆。

9a　To̍k-to̍k góa pò -iông ti̍t-kàu éng-oán bô thè,
　　独 独 我 报 扬 直 到 永 远 无 退，

9b　　　Góa beh chhiùⁿ-koa o -ló Ngá-kok ê Siōng-tè .
　　　　我 要 唱 歌 赞 美 雅 各 的 上 帝。

10a　Pháiⁿ-lâng it-chhè ê kak, góa beh chàm-tn̄g;
　　　歹 人 一 切 的 角， 我 要 斩 断；

10b　　　Gī-lâng ê kak, beh tit-tio̍h kú-khí tit êng-kng. 　　
　　　义 人 的 角， 要 得 着 举 起 得 荣 光。