《押韵启应诗篇》

 | | | 转寄

台语押韵启应诗篇 74

作者 Tīⁿ Jî-gio̍k 2007.06.24

74　　A-sat kà-sī ê si.

1a　Siōng-tè ah , Lí siáⁿ-sū éng-oán pàng-sak goán tāi-ke ?
　　上 帝 啊，你 甚 事 永 远 放 舍 阮 大 家？

1b　　　Lí siáⁿ-sū siū-khì Lí chháu-tiûⁿ ê iûⁿ choân-thé,
　　　　你 甚 事 受 气 你 草 场 的 羊 全 体，
　　　　chhin-chhiūⁿ chhut hé- ian teh sio chòe iām-hé ?
　　　　亲 像 出 火 烟 在 烧 作 焰 火？

2a　Kiû Lí kì-liām Lí chá-sî só͘ tit-tio̍h ê chú-bîn,
　　求 你 记 念 你 早 时 所 得 着 的 子 民，
　　chiū-sī Lí só͘ sio̍k-hôe chòe gia̍p ê chi-phài ê jîn-bîn,
　　 就 是 你 所 赎 回 做 业 的 支 派 的 人 民，

2b　　　Iā tio̍h kì-liām Lí pêng-sî só͘ khiā-khí ê Sek-an ê chū-bîn.
　　　　也 着 记 念 你 平 时 所 居 起 的 锡 安 的 住 民。

3a　Kiû Lí kiâⁿ kàu hiah-ê kú-kú pha-hng ê tē ,
　　求 你 行 到 那 些 久 久 抛 荒 的 地，

3b　　　Khòaⁿ tùi-te̍k tī sèng-só͘ it-chhè só͘ húi-hoāi--ê . 　　 　 　　看 对 敌 在 圣 所 一 切 所 毁 坏 的。

4a　Lí ê tùi-te̍k tī Lí ê hōe-lāi hoa-hoa-háu;
　　你 的 对 敌 在 你 的 会 内 哗 哗 吼；

4b　　　In khiā in ê kî chòe kì-hō khoa-kháu.
　　　　伊 竖 伊 的 旗 做 记 号 夸 口 。

5a　In chhin-chhiūⁿ lâng kia̍h-khí pó͘-thâu,
　　伊 亲 像 人 举 起 斧 头，

5b　　　Lâi chhò chhiū-nâ ê chhiū kàu chhiū-thâu.
　　　　来 锉 树 林 的 树 到 树 头。

6a　Sèng-só͘ ê lāi-bīn it-chhè tiau-khek--ê ,
　　圣 所 的 内 面 一切 雕 刻 的，

6b　　　In hiān-chāi ēng pó͘-thâu kap thûi it-chīn phah-pháiⁿ kàu pîⁿ-tē .
　　　　伊 现 在 用 斧 头 及 槌 一 尽 打 坏 到 平 地。

7a　In pàng-hé sio Lí ê sèng-só͘,
　　伊 放 火 烧 你 的 圣 所，

7b　　　Phah lâ-sâm Lí ê miâ só͘ khiā-khí ê hōe-só͘ , chiâⁿ-chòe pîⁿ-thô͘ !
　　　　扑 垃 墋 你 的 名 所 居 起 的 会 所，成 做 平 土！

8a　In sim-lāi kóng, “Lán tio̍h it-chīn húi-hoāi in ; “
　　伊 心 内 讲，「咱 着 一 尽 毁 坏 伊；」

8b　　　In tī piàn-tōe, chiong Siōng-tè ê hōe-tn̂g lóng sio-lio--khì,
　　　　伊 在 遍 地， 将 上 帝 的 会 堂 拢 烧 燎 去，
　　　　hō͘ in hō͘ lâng khòaⁿ khin.
　　　　使 伊 受 人 看 轻。

9a　Goán bô khòaⁿ-kìⁿ goán ê tiāu-thâu chí-sī , bô koh ū sian-ti ;
　　阮 无 看 见 阮 的 兆 头 指 示，无 复 有 先 知；

9b　　　Goán tiong-kan iā bô lâng chai beh kàu sím-mi̍h sî .
　　 阮 中 间 也 无 人 知 要 到 甚 么 时。

10a　Siōng-tè ah , tùi-te̍k ki-chhì beh kàu sím-mi̍h sî ah ?
　　　上 帝 啊，对 敌 讥 刺 要 到 甚 么 时 啊？

10b　　　Kiû-siû siat-to̍k Lí ê miâ beh kàu éng-oán mah?
　　　　　仇 雠 亵 渎 你 的 名 要 到 永 远 吗？

11a　Lí ūi-hô kiu Lí ê chhiú,
　　　你 为 何 缩 你 的 手，

11b　　　Chiū-sī Lí ê chiàⁿ-chhiú?
　　　　　就 是 你 的 右 手？

11c　Kiû Lí tùi Lí ê heng-chêng chhun--chhut--lâi ,
　　　求 你 对 你 的 胸 前 伸 出 来，

11d　　　Húi-bia̍t in bô chûn-chāi.
　　　　　毁 灭 伊 无 存 在。

12a　Chóng-sī Siōng-tè tùi chá í -lâi chòe góa ê Ông,
　　　总 是 上 帝 对 早 以 来 做 我 的 王，

12b　　　Tī tōe--ni̍h kiâⁿ chín-kiù ê bān-ông ê Ông.
　　　　　在 地 里 行 拯 救 的 万 王 的 王。

13a　Lí bat ēng Lí ê koân-lêng chiong hái pun-khui;
　　　你 曾 用 你 的 权 能 将 海 分 开；

13b　　　Chiong chúi-tiong tōa tōng-bu̍t ê thâu-khak phah chhùi.
　　　　　将　　水 中 大 动 物 的 头 壳 拍 碎 。

14a　Lí bat kòng-chhùi go̍k-hî ê thâu-khak chhùi-mi-mi,
　　　你 曾 扛 碎 鳄 鱼 的 头 壳 碎 绵 绵，

14b　　　Chiong i hō͘ khòng-iá ê iá -siù chòe chia̍h-mi̍h.
　　　　　将 它 让 旷 野 的 野 兽 做 食 物。

15a　Lí bat pun-khui chúi-goân kap hô ê kun-ki ,
　　　你 曾 分 开 水 源 及 河 的 根 基，

15b　　　Lí bat hō͘ tn̂g-lâu ê kang-hô ta--khì.
　　　　　你 曾 使 长 流 的 江 河 干 去。

16a　Ji̍t--sî sio̍k Lí , mî--sî iā sio̍k Lí;
　　　日 时 属 你，暝 时 也 属 你；

16b　　　Kng kap ji̍t-thâu sī Lí só͘ chún-pī .
　　　　　光 及 日 头 是 你 所 准 备。

17a　Tōe-chiūⁿ it-chhè ê kài-hān sī Lí só͘ siat-tēng,
　　　地 上 一 切 的 界 限 是 你 所 设 定，

17b　　　Joa̍h-thiⁿ kap tang-thiⁿ sī Lí só͘ hun-bêng.
　　　　　热 天 及 冬 天 是 你 所 分 明。

18a　Iâ-hô-hoa ah , kiû Lí kì-tit , tùi-te̍k ū húi-pòng,
　　　耶 和 华 啊， 求 你 记 得，对 敌 有 诽 谤，

18b　　　Gōng ê peh-sìⁿ siat-to̍k Lí ê miâ eng-kai bia̍t-bông.
　　　　　戆 的 百 姓 亵 渎 你 的 名 应 该 灭 亡。

19a　Lí ê ka-chui ê sìⁿ-miā,
　　　你 的 鸠 鵻 的 性 命，

19b　　　M̄-thang kau hō͘ iá-siù chòe chia̍h-si̍t ;
　　　　　不 通 交 给 野 兽 做 吃 食；

19c　Lí sòng-hiong lâng ê oa̍h-miā,
　　　你 贫 穷 人 的 活 命，

19d　　　M̄-thang éng-oán kā in bōe-kì-tit .
　　　　　不 通 永 远 将 伊 不 记 得。

20a　Kiû Lí siàu-liām só͘ li̍p ê iok sī kiàn-siat;
　　　求 你 数 念 所 立 的 约 是 建 设；

20b　　　In-ūi tōe-chiūⁿ o͘-àm ê só͘-chāi móa-móa sī kiông-pō ê châu-hia̍t.
　　　　　因为 地 上 乌 暗 的 所 在 满 满 是 强 暴 的 巢 穴。

21a　Siū ap-chè ê lâng, m̄-thang hō͘ in kiàn-siàu tò--khì;
　　　受 压 制 的 人， 不 通 使 伊 见 诮 返 去；

21b　　　Khùn-khó͘ sòng-hiong ê lâng
　　　　　困 苦 贫 穷 的 人
　　　　tio̍h hō͘ in o-ló Lí ê miâ chòe hoaⁿ-hí.
　　　　　着 使 伊 赞美 你 的 名 作 欢 喜。

22a　Siōng-tè ah , kiû Lí khí-lâi hun-sò͘ , sī ūi Lí ka-kī .
　　　上 帝 啊，求 你 起 来 分 诉，是 为 你 自 己。

22b　　　Tio̍h kì--tit gōng-lâng thong-ji̍t cháiⁿ-iūⁿ teh húi-pòng Lí .

　　　　　着 记 得 戆 人 通 日 怎 样 在 诽 谤 你。

23a　Kiû Lí m̄-thang bōe-kì-tit Lí ê tùi-te̍k ê siaⁿ;
　　　求 你 不 通 不 记 得 你 的 对 敌 的 声；

23b　　　Chiū-sī hiah-ê khí-lâi kong-kek Lí ê miâ, 　　 　　　就 是 那 些 起 来 攻 击 你 的 名，
　　　　in siông-siông teh hán-hoah ê siaⁿ.
　　　　　伊 常 常 在 喊 喝 的 声。