《押韵启应诗篇》

 | | | 转寄

台语押韵启应诗篇 7

作者 Tīⁿ Jî-gio̍k 2006.02.12

7 Tāi-pi̍t chí Piān-ngá-bín-lâng Kó͘-si̍t ê ōe, ǹg Iâ-hô-hoa chhiùⁿ-koa; tiāu, ēng Si-kai-un.

1a　Iâ-hô-hoa góa ê Siōng-tè ah , góa óa-khò Lí ;
　　耶　和　华　我　的　上　帝　啊，　我　倚　靠　Lí；
1b　　　Kiû Lí kiù góa tùi it-chhè tui-kóaⁿ góa ê lâng kiù góa tô -siⁿ.
　　　　求　Lí　救　我　从　一　切　追　赶　我　的　人　 救　我　逃　生。

2a　Kiaⁿ-liáu i chhin-chhiūⁿ sai, thiah-li̍h góa;
　　惊 了 他 亲 像 狮， 拆 裂 我；
2b　　　Iā bô lâng lâi chín-kiù góa.
　　　　也 无 人 来 拯 救 我。

3a　Iâ-hô-hoa góa ê Siōng-tè ah , góa siat-sú ū sím-mi̍h put-gī ;
　　耶 和 华 我 的 上 帝 啊，我 设 使 有 甚 么 不 义；
3b　　　Nā ū chōe-ok tī góa ê chhiú--ni̍h.
　　　　若 有 罪 恶 在 我 的 手 里。

4a　Góa nā ēng pháiⁿ pò hit -ê kap góa hô-hó ê lâng;
　　我 若 用 歹 报 彼 个 与 我 和 好 的 人；
4b　　　( Kî-si̍t liân hit-ê bô iân-kò͘ kap góa chòe tùi-te̍k ê lâng,
　　　　其 实 连 彼 个 无 原 故 与 我 做 对 敌 的 人，
　　　　góa ia̍h ū kiù i thoat lô-bāng.)
　　　　我 亦 有 救 他 脱 罗 网。

5a　Chiū chhut-chāi tùi-te̍k tui-ji̍p góa, kàu ji̍p--tio̍h;
　　就 出 在 对 敌 追 入 我， 到 入 着；
5b　　　Chiong góa ê sìⁿ-miā ta̍h chòe thô͘-kha-chio̍h,
　　　　将 我 的 性 命 踏 做 土 脚 石，
　　　　chiong góa ê êng-kng hē tī thô͘-hún bián pó -sioh.
　　　　将 我 的 荣 光 下 在 土 粉 免 宝 惜。

6a　Iâ-hô-hoa ah, kiû Lí tī Lí ê siū-khì-tiong khí--lâi,
　　耶 和 华 啊，求 (fa50) 在 (fa50) 的 怒 气 中 起 来，
6b　　　Peh--khí--lâi khiā chāi tí-tng góa ê tùi-te̍k ê tōa hām-hāi.
　　　　爬 起 来 徛 在 抵 挡 我 的 对 敌 的 大 陷 害。

6c　Kiû Lí ūi-tio̍h góa lâi chhíⁿ koh khòaⁿ,
　　求 Ｌｉ２ 为 着 我 来 醒 又 看，
6d　　　Chiàu Lí só͘ tiāⁿ-tio̍h lâi chòe sím-phòaⁿ.
　　　　照　Ｌｉ２ 所 定 着 来 作 审 判。

7a　Goān Lí hō͘ lia̍t-pang ûi-lûi tī Lí ê bīn-chêng,
　　愿　Ｌｉ２ 使 列 邦 围 垒 在　Ｌｉ２ 的 面 前，
7b　　　Goān Lí tò-tńg tī koân-ūi tī in ê bīn- téng.
　　　　愿　Ｌｉ２ 倒 转 在 高 位 在 伊 的 面 顶。

8a　Iâ-hô-hoa ah , kiû Lí sím-phòaⁿ chèng peh-sìⁿ;
　　耶 和 华 啊， 求　Ｌｉ２ 审 判 众 百 姓；
8b　　　Iâ-hô-hoa ah, kiû Lí phòaⁿ-toàn góa, chiàu lí-khì,
　　　　耶 和 华 啊，求　Ｌｉ２ 判 断 我，照 理 气，
　　　　chiàu góa sim-lāi ê chèng-ti̍t kap góa ê gī .
　　　　照 我 心 内 的 正 直 及 我 的 义。

9a　Goān pháiⁿ-lâng ê pháiⁿ kàu chia soah,
　　愿 歹 人 的 歹 到 此 息，
　　gī-lâng Lí hō͘ i khiā-chāi bô iô-choah,
　　义 人　Ｌｉ２ 使 他 徛 在 无 摇 泏，
9b　　　In-ūi kong-gī ê Siōng-tè
　　　　因 为 公 义 的 上 帝
　　　　kàm-chhat lâng ê sim-tn̂g oe̍h á -sī khoah.
　　　　鉴 察 人 的 心 肠 狭 或是 阔。

10a　Góa ê tîn-pâi chāi-tī Siōng-tè ,
　　我 的 盾 牌 在 于 上 帝，
10b　　　I chín-kiù sim-lāi chèng-ti̍t ê lâng chi̍t-ê chi̍t-ê .
　　　　他 拯 救 心 内 正 直 的 人 一 个 一 个。

11a　Siōng-tè sī kong-gī ê sím-phòaⁿ-si ;
　　上 帝 是 公 义 的 审 判 司；
11b　　　Ia̍h sī ji̍t-ji̍t hoat-chhut I ê siū-khì.
　　　　亦 是 日 日 发 出 他 的 怒 气。

12a　Lâng nā m̄ hoán-hóe kái-kò ,
　　人 若 不 反 悔 改 过，
12b　　　I beh bôa I ê to ;
　　　　他 要 磨 他 的刀；

12c　I ū tiuⁿ I ê keng,
　　他 有 张 他 的 弓，
12d　　　Pī-pān piān-piān, siòng cheng-cheng.
　　　　备 办 便 便， 相 精 精 。

13a　I pī-pān ōe hō͘ lâng sí ê ke-si ,
　　他 备 办 会 使 人 死 的 机 俬，
13b　　　I só͘ siā ê chìⁿ sī hé ê chìⁿ.
　　　　他 所 射 的 箭 是 火 的 箭。

14a　Lí khòaⁿ, pháiⁿ-lâng tô͘-bô͘ kan-ok ,
　　Ｌｉ２ 看， 歹 人 图 谋 奸 恶，
14b　　　Hoâi-īn to̍k-hāi, siⁿ-chhut hu-ké siâ-ok .
　　　　怀 孕 毒 害， 生 出 虚 假 邪 恶。

15a　I khui khut, ku̍t hō͘ i ná chhim-khiⁿ,
　　他 开 窟， 掘 使 它 若 深 坑，
15b　　　Kèng-jiân poa̍h-lo̍h tī i só͘ khui ê hām-khiⁿ.
　　　　竟 然 跋 落 在 他 所 开 的 陷 坑。

16a　I ê to̍k-hāi beh tò-tńg kàu i ê seng-khu-téng;
　　他的 毒 害 要 倒 返 到 他的 身 躯 顶；
16b　　　I ê kiông-pō beh lo̍h tī i ê thâu-khak-téng.
　　　　他的 强 暴 要 落 在 他 的 头 壳 顶。

17a　Góa beh chiàu Iâ-hô-hoa ê kong-gī kám-siā I ;
　　我 要 照 耶 和 华 的 公 义 感 谢 他；
17b　　　Koh o -ló chì-koân Iâ-hô-hoa ê miâ-jī.
　　　　又 赞 美 至 高 耶 和 华 的 名 字。