《押韵启应诗篇》

 | | | 转寄

台语押韵启应诗篇 6

作者 Tīⁿ Jî-gio̍k 2006.02.05

Tāi-pi̍t ê si, kau-hō͘ Ga̍k-koaⁿ; ēng si-hiân ê ga̍k-khì; tiāu, ēng tē-poeh.

1a　Iâ-hô-hoa ah, m̄-thang tī Lí ê siū-khì-tiong chek-pī góa,
　　耶 和 华 啊，不 通 在 您 的 怒 气 中 责 备 我，
1b　　　Ia̍h m̄-thang tī Lí tōa siū-khì-tiong khiàn-chek góa.
　　　　亦 不 通 在 您 大 怒 气 中 谴 责 我。

2a　Iâ-hô-hoa ah, kiû Lí khó-lîn góa,
　　耶 和 华 啊，求 您 可 怜 我，
2b　　　In-ūi góa soe-lám teh beh hoa,
　　　　因 为 我 衰 弱 将 要 熄，

2c　Iâ-hô-hoa ah, kiû Lí i- tī góa,
　　耶 和 华 啊， 求 您 医治 我，
2d　　　In-ūi góa ê kut-thâu ngia̍uh-ngia̍uh-chhoah.
　　　　因 为 我 的 骨 头 蠕 蠕 惙 。

3a　Góa ê sim tōa-tōa kiaⁿ-hiâⁿ teh hán-hoah;
　　我 的 心 大 大 惊 惶 在 喊 喝；
3b　　　Iâ-hô-hoa ah, Lí beh kàu tī-sî chiah kiù góa?
　　　　耶 和 华 啊， 您 要 到 底 时 才 救 我？

4a　Iâ-hô-hoa ah, kiû Lí oa̍t-tò-tńg kiù góa ê sìⁿ-miā;
　　耶 和 华 啊，求 您 越 倒 转 救 我 的 性 命；
4b　　　Ūi-tio̍h Lí ê chû-ài lâi kiù góa tô-miā.
　　　　为 着 您 的 慈 爱 来 救 我 逃 命。

5a　In-ūi sí -bô ê tiong-kan, bô kì-liām Lí ;
　　因 为 死 亡 的 中 间， 无 纪 念 您；
5b　　　Im-hú ê tiong-kan, siáⁿ-lâng kám-siā Lí ?
　　　　阴 府 的 中 间， 甚 人 感 谢 您？

6a　Góa in-ūi haiⁿ-haiⁿ-chhan lâi ià-siān, seng-khu sng-nńg,
　　我 因 为 哼 哼 孱 来 厌 倦 、 身 躯 酸 软，
6b　　　Góa ta̍k-mî lâu ba̍k-sái, im góa ê bîn-chhn̂g,
　　　　我 逐 暝 流 目 屎，淹 我 的 眠 床，
　　　　sip-thàu góa ê jio̍k-á kàu thiⁿ-kng.
　　　　湿 透 我 的 褥 仔 到 天 光。

7a　Góa in-ūi iu-būn, ba̍k-chiu phah-pháiⁿ chiām-chiām soe,
　　我 因 为 忧 闷， 目 珠 打 歹 渐 渐 衰，
7b　　　Koh in-ūi góa it-chhè ê tùi-te̍k lâi ba̍k-chiu hoe.
　　　　又 因 为 我 一 切 的 对 敌 来 目 珠 花。

8a　Lín it-chhè chòe pháiⁿ ê lâng, tio̍h lī-khui góa;
　　恁 一 切 做 歹 的 人， 着 离 开 我；
8b　　　In-ūi Iâ-hô-hoa thiaⁿ-kìⁿ góa thî-khàu ê siaⁿ bô soah.
　　　　因 为 耶 和 华 听 见 我 啼 哭 的 声 无 息。

9a　Iâ-hô-hoa ū thiaⁿ góa ê khún-kiû kap kî-tó ,
　　耶 和 华 有 听 我 的 恳 求 及 祈 祷，
9b　　　Iâ-hô-hoa beh chiap-la̍p góa ê kî -tó .
　　　　耶 和 华 要 接 纳 我 的 祈 祷。

10a　Góa ê tùi-te̍k lóng beh kiàn-siàu,
　　我 的 对 敌 拢 要 见 诮，
　　tōa-tōa kiaⁿ-hiâⁿ chia̍h bōe siau,
　　大 大 惊 惶 食 未 消，
10b　　　In beh thè tò -tńg, hut-jiân kiàn-siàu.
　　　　伊 要 退 倒 转， 忽 然 见 诮。