《押韵启应诗篇》

 | | | 转寄

台语押韵启应诗篇 8

作者 Tīⁿ Jî-gio̍k 2006.02.19

8 Tāi-pi̍t ê si, kau hō͘ Ga̍k-koaⁿ, ēng Ka-te̍k ê ga̍k-khì.

1a　Iâ-hô-hoa goán ê Chú ah ,
　　耶　和　华　阮　的　主　啊，
　　Lí ê miâ tī choân-tōe cháiⁿ-iūⁿ kàu hiah koân-tōa lah !
　　Lí 的 名 在 全 地 怎 样 到 许 高 大 啦！

1b　　　Lí chiong Lí ê êng-kng pâi-siat tī thiⁿ kàu hiah khoan-khoah lah!
　　　　Lí　将　 Lí 的 荣 光 排 设 在 天 到 许 宽 阔 啦 !

2a　Lí in-ūi Lí ê tùi-te̍k ê iân-kò͘ siat ap-le̍k,
　　Lí　因 为　lí 的 对 敌 的 缘 故 设 压 力，
　　tùi eⁿ -á kap chia̍h-leng--ê ê chhùi kiàn-li̍p lêng-le̍k;
　　对 婴 仔 及 食 奶 者 的 嘴 建 立 能 力；
2b　　　Beh hō͘ tùi-te̍k kap pò-oan--ê chēng-chēng bô bīn-sek.
　　　　要 使 对 敌 及 报 冤 的 静 静 无 面 色。

3a　Góa khòaⁿ Lí ê thiⁿ, Lí ê chhiú só͘ chō ê bān-mi̍h,
　　我 看　lí 的 天，　Ｌｉ２ 的 手 所 造 的 万 物，
3b　　　Kap Lí só͘ pâi-lia̍t ê ge̍h kap chhiⁿ.
　　　　及　Lí 所 排 列 的 月 及 星 。

4a　Sè-kan lâng sī sí-mi̍h, Lí siàu-liām i ?
　　世 间 人 是 什 么，　Ｌｉ２ 思 念 他？
4b　　　Lâng ê kiáⁿ sī sím-mi̍h, Lí koan-kò͘ i ?
　　　　人 的 子 是 什 么，　Ｌｉ２ 关 顾 他？

5a　Lí hō͘ i pí thiⁿ-sài lî -á khah su ,
　　Lí　使 他 比 天 使 厘 仔 较 输 ，
5b　　　Koh siúⁿ-sù i êng-kng chun-kùi chòe bián-liû iâⁿ-kè chin-chu.
　　　　又 赏 赐 他 荣 光 尊 贵 做 冕 旒 赢 过 珍 珠。

6a　Lí siat-li̍p i koán-lí Lí ê chhiú só͘ chō--ê ,
　　Lí　设 立 他 管 理　Ｌｉ２　的 手 所 造 的，
6b　　　Hē bān-mi̍h tī i ê kha- ē .
　　　　置 万 物 在 他 的 脚 下。

7a　Chiū-sī it -chhè ê gû kap iûⁿ,
　　就 是 一 切 的 牛 及 羊,
7b　　　Soaⁿ-iá ê cháu-siù.
　　　　山 野 的 走 兽。

8a　Thiⁿ-tiong ê chiáu, hái-lāi ê hî ,
　　天 中 的 鸟 ， 海 内 的 鱼，
8b　　　Kìⁿ-nā keng-kè hái-lō͘ ê mi̍h.
　　　　见 若 经 过 海 路 的 物。

9a　Iâ-hô-hoa, goán ê Chú ah ,
　　耶 和 华， 阮 的 主 啊，
9b　　　Lí ê miâ tī choân-tōe cháiⁿ-iūⁿ kàu hiah koân-tōa lah!
　　　　Lí　的 名 在 全 地 怎 样 到 许 高 大 啦！