《押韵启应诗篇》

 | | | 转寄

台语押韵启应诗篇 68a

作者 Tīⁿ Jî-gio̍k 2007.04.29

68　　 Tāi-pi̍t ê si-koa; kau hō͘ Ga̍k-koaⁿ.

1a　Goān Siōng-tè khí--lâi, hō͘ I ê tùi-te̍k sì-sòaⁿ kín-kín pháu.
　　愿 上 帝 起 来，使 他的对 敌 四 散 紧 紧 跑，

1b　　　Hō͘ oàn-hūn I ê lâng ai , tùi I ê bīn-chêng tô-cháu.
　　　　使 怨 恨 他 的 人 哀，对 他 的 面 前 逃 走。

2a　Lí kā in kóaⁿ-sòaⁿ,
　　你 将 伊 赶 散，

2b　　　Chhin-chhiūⁿ ian siū chhe-sòaⁿ;
　　　　亲 像 烟 受 吹 散；

2c　Pháiⁿ-lâng kìⁿ-tio̍h Siōng-tè ê bīn chiū siau-bia̍t bô tàng khòaⁿ;
　　歹 人 见 着 上 帝 的 面 就 消 灭 无 通 看；

2d　　　Chhin-chhiūⁿ la̍h kìⁿ-tio̍h hé chiū iûⁿ-sòaⁿ.
　　　　亲 像 腊 见 着 火 就 溶 散。

3a　Chóng-sī gī-lâng beh hoaⁿ-hí ,
　　总 是 义 人 必 欢 喜，
　　in tī Siōng-tè ê bīn-chêng beh khoài-lo̍k tek -ì .
　　伊 在 上 帝 的 面 前 必 快 乐 得 意。

3b　　　In ia̍h beh hoaⁿ-hoaⁿ hí -hí .
　　　　伊 亦 必 欢 欢 喜 喜。

4a　Lín tio̍h tùi Siōng-tè gîm-si ,
　　恁 着 对 上 帝 吟 诗，

4b　　　Chhiùⁿ-koa o -ló I ê miâ-jī ;
　　　　唱 歌 赞 美 他 的 名 字；

4c　Ūi-tio̍h hit-ê chē-chhia keng-kè khòng-iá--ê ,
　　为 着 彼 个 坐 车 经 过 旷 野 者，

4d　　　Siu-chō tōa lō͘ -ke ;
　　　　修 造 大 路 街；

4e　 I ê miâ sī Iâ-hô-hoa.
　　他 的 名 是 耶 和 华。

4f　　　Tio̍h tī I ê bīn-chêng khoài-lo̍k bô soah.
　　　　着 在 他 的 面 前 快 乐 无 息。

5a　Siōng-tè tī I sèng ê só͘-chāi, chòe ko͘-jî ê pē ;
　　上 帝 在 他 圣 的 所 在， 做 孤 儿的 父；

5b　　　Chòe kóaⁿ-hū ê sin-oan--ê .
　　　　做 寡 妇 的 伸 冤 者。

6a　Siōng-tè hō͘ ko͘-toaⁿ ê lâng ū ke ;
　　上 帝 给 孤 单 的 人 有 家；
　　Hō͘ siū koaiⁿ-kaⁿ ê lâng chhut-lâi hióng-hok chē-chē,
　　使 受 关 监 的 人 出 来 享 福 多 多，

6b　　　To̍k-to̍k pōe-ge̍k ê lâng tiàm-tī ta -sò ê thó͘-tē .
　　　　独 独 背 逆 的 人 站 在 干 燥 的 土 地。

7a　Siōng-tè ah , chá Lí kiâⁿ tī peh-sìⁿ ê thâu-chêng,
　　上 帝 啊，早 你 行 在 百 姓 的 头 前 ，

7b　　　Keng-kè khòng -iá bô thêng.
　　　　经 过 旷 野 无 停。

8a　Hit-sî , tōe kìⁿ-tio̍h Siōng-tè ê bīn chiū tín-tāng,
　　彼 时，地 见 着 上 帝 的 面 就 振 动，

8b　　　Thiⁿ ia̍h lo̍h hō͘ khui thiⁿ-thang.
　　　　天 亦 落 雨 开 天 窗，

8c　Hit-ê Se-nái iā tín-tāng khut-kē ,
　　彼 个 西 奈 也 振 动 屈 下，

8d　　　Sī kìⁿ-tio̍h Siōng-tè, sī choân-lêng ê Í- sek-lia̍t ê Siōng-tè.
　　　　是 见 着 上 帝，是 全 能 的以 色 列 的 上 帝。

9a　Siōng-tè--ah , Lí lo̍h tōa-hō͘ ,
　　上 帝 啊， 你 落 大 雨，

9b　　　Lí ê sán-gia̍p Í- sek-lia̍t ià-siān bōe kiâⁿ lō͘ , Lí hō͘ i kian-kò͘ .
　　　　你 的 产 业 以 色 列 厌 倦 不 行 路，你 使 他 坚 固。

10a　Lí ê hōe-chiòng tiàm tī hit tiong-kan ke̍k chun-kùi.
　　　你 的 会 众 站 在 彼 中 间 极 尊 贵。

10b　　　Siōng-tè ah , Lí ūi-tio̍h sòng-hiong-lâng pī-pān un-hūi.
　　　　　上 帝 啊，你 为 着 贫 穷 人 备 办 恩 惠。

11a　Chú chhut bēng-lēng hō͘ chú-bîn,
　　　主 出 命 令 给 子 民，

11b　　　Thoân hó siau-sit ê hū-lú chiâⁿ tōa-tīn.
　　　　　传 好 消 息 的 妇 女 成 大 阵。

12a　Koán-peng ê ông tô-cháu lah, tô-cháu lah,
　　　管 兵 的 王 逃 走 啦， 逃 走 啦，

12b　　　Tiàm-tī ke-lāi ê hū-lú pun-tio̍h chiàn-lī-phín lah .
　　　　　站 在 家 内 的 妇 女 分 着 战 利 品 啦。

13a　Lín tó tī iûⁿ-tiâu-lāi ê sî ,
　　　恁 倒 在 羊 寮 内 的 时，
　　chhin-chhiūⁿ kap ê si̍t siuⁿ pe̍h--ê gûn-si ,
　　　亲 像 鸽 的 翅 镶 白 的 银 丝，

13b　　　I ê mn̂g siuⁿ n̂g-kim ê sek-tì .
　　　　　他 的 毛 镶 黄 金 的 色 致。

14a　Choân-lêng--ê tī hit lāi-bīn kóaⁿ-sòaⁿ lia̍t-ông ê sî ,
　　　全 能 者 在 彼 内 面 赶 散 列 王 的 时，

14b　　　Sè-bīn chhin-chhiūⁿ tī Sat-bûn-soaⁿ lo̍h-seh bô thêng-chí.
　　　　　势 面 亲 像 在 撒 门 山 落 雪 无 停 止。

15a　Pa-san-soaⁿ sī Siōng-tè ê soaⁿ;
　　　巴 珊 山 是 上 帝 的 山；

15b　　　Pa-san-soaⁿ sī chōe-chōe soaⁿ-chiam ê soaⁿ.
　　　　　巴 珊 山 是 多 多 山 尖 的 山。

16a　Lín chiah-ê soaⁿ-chiam ê soaⁿ,
　　　恁 诸 些 山 尖 的 山，
　　lín siáⁿ-sū gîn Siōng-tè só͘ ài khiā-khí ê soaⁿ?
　　　恁 甚 事 眦 上 帝 所 爱 居 起 的 山？

16b　　　Iâ-hô-hoa beh tiàm tī hia kàu éng-oán bô ōaⁿ.
　　　　　耶 和 华 要 站 在 彼 到 永 远 无 换。

17a　Siōng-tè ê chhia chheng-chheng bān-bān tâi ;
　　　上 帝 的 车 千 千 万 万 台；

17b　　　Chú tī hit lāi, chhin-chhiūⁿ tī Se-nái, tī sèng ê só͘-chāi.
　　　　　主 在 彼 内， 亲 像 在 西 奈，在 圣 的 所 在。

18a　Lí í- keng chiūⁿ kàu koân ê só͘-chāi,
　　　你 已 经 上 到 高 的 所 在，

18b　　　Lia̍h lâng chòe in ê kàm-kài;
　　　　　掠 人 做 伊 的 鉴 戒；

18c　Lí tī lâng ê tiong-kan siū in só͘-hiàn--ê ,
　　　你 在 人 的 中 间 受 伊 所 献 的，

18d　　　Liân pōe-ge̍k ê lâng ia̍h hiàn só͘ ū--ê ,
　　　　　连 悖 逆 的 人 亦 献 所 有 的，

18e　Hō͘ Iâ-hô-hoa Siōng-tè ê pang-chān,
　　　使 耶 和 华 上 帝 的 帮 助，

18f　　　Thang tiàm-tī in tiong-kan.
　　　　　通 站 在 伊 中 间。