《押韵启应诗篇》

 | | | 转寄

台语押韵启应诗篇 67

作者 Tīⁿ Jî-gio̍k 2007.04.22

67　　Chi̍t-phiⁿ si-koa ; kau hō͘ Ga̍k-koaⁿ ; ēng si-hiân ê ga̍k -khì .

1a　Goān Siōng-tè lîn-bín goán sù-hok goán;
　　愿 上 帝 怜 悯 阮 赐 福 阮；

1b　　　Hō͘ I ê bīn chiò-kng goán;
　　　　使 他 的 面 照 光 阮；

2a　Thang hō͘ sè -kài chai Lí ê tō -lō͘ ,
　　通 使 世 界 知 你 的 道 路，

2b　　　Bān-kok-tiong chai Lí ê kiù-un hoat-tō͘ .
　　　　万 国 中 知 你 的 救 恩 法 度。

3a　Siōng-tè ah , goān lia̍t-pang o -ló Lí;
　　上 帝 啊， 愿 列 邦 赞 美 你；

3b　　　Goān lia̍t-pang lóng o -ló Lí.
　　　　愿 列 邦 拢 赞 美 你。

4a　Goān bān-kok khoài-lo̍k, chhut hoaⁿ-hí ê siaⁿ saⁿ hí-lo̍k.
　　愿 万 国 快 乐，出 欢 喜 的 声 相 喜 乐。

4b　　　In-ūi Lí beh chiàu kong-tō sím-phòaⁿ lia̍t-kok, chiàu iok-sok,
　　　　因 为 你 要 照 公 道 审 判 列 国， 照 约 束，
　　　　tī -lí tōe-chiūⁿ ê bān-kok.
　　　　治 理 地 上 的 万 国。

5a　Siōng-tè ah , goān lia̍t-pang o -ló Lí ;
　　上 帝 啊， 愿 列 邦 赞 美 你；

5b　　　Goān lia̍t-pang lóng o -ló Lí .
　　　　愿 列 邦 拢 赞 美 你。

6a　Tōe í -keng chhut thó͘-sán hō͘ goán,
　　地 已 经 出 土 产 给 阮，

6b　　　Siōng-tè , chiū-sī goán ê Siōng-tè , beh sù-hok goán.
　　　　上 帝，就 是 阮 的 上 帝，要 赐 福 阮。

7a　Siōng-tè beh sù-hok goán chiàu-sî ;
　　上 帝 要 赐 福 阮 照 时；

7b　　　Tōe ê sì -ke̍k lóng beh kèng-ùi I .
　　　　地 的 四 极 拢 要 敬 畏 他。