《押韵启应诗篇》

 | | | 转寄

台语押韵启应诗篇 68b

作者 Tīⁿ Jî-gio̍k 2007.05.06

68　　 Tāi-pi̍t ê si-koa; kau hō͘ Ga̍k-koaⁿ.

19a　Chú ji̍t-ji̍t pē goán ê tàⁿ, I sī eng-kai o-ló--ê ,
　　　主 日 日 背 阮 的 担，他 是 应 该 赞美 的，

19b　　　Chiū-sī kiù goán ê Siōng-tè .
　　　　　就 是 救 阮 的 上 帝。

20a　Siōng-tè sī kā goán kiâⁿ ta̍k-iūⁿ chín-kiù ê Iâ-hô-hoa.
　　　上 帝 是 给 阮 行 逐 样 拯 救 的 耶 和 华。

20b　　　Ōe thoat-lī sí -bô, sī chāi-tī Chú Iâ-hô-hoa.
　　　　　会 脱 离 死 无，是 在 于 主 耶 和 华。

21a　Chóng-sī Siōng-tè beh phah-phòa I ê tùi-te̍k ê thâu-khak;
　　　总 是 上 帝 要 拍 破 他 的 对 敌 的 头 壳；

21b　　　Chiū-sī hit -ê siông-siông hoān-chōe ê lâng ê thâu-khak.
　　　　　就 是 彼 个 常 常 犯 罪 的 人 的 头 壳 。

22a　Chú kóng, “Góa beh hō͘ peh-sìⁿ tùi Pa-san tò-tńg--lâi ,
　　　主 讲，「我 要 使 百 姓 对 巴 珊 倒 转 来，

22b　　　Tùi chhim-ian hō͘ in tò-tńg--lāi ;
　　　　　对 深 渊 使 伊 倒 转 来；

23a　Hō͘ lí phah-chhùi te̍k-jîn,
　　　使 你 拍 碎 敌 人，
　　lí ê kha ta̍h tī tùi-te̍k ê huih ê téng-bīn;
　　　你的 脚 踏 在 对 敌 的 血 的 顶 面；

23b　　　Lí ê káu ê chi̍h chī in .”
　　　　　你 的 狗 的 舌 舐 伊。」

24a　Siōng-tè ah , Lí sī góa ê Siōng-tè , góa ê ông;
　　　上 帝 啊，你 是 我 的 上 帝，我 的 王；

24b　　　Lâng í- keng khòaⁿ-kìⁿ Lí kiâⁿ--kè , kiâⁿ ji̍p sèng ê cháu-lông.
　　　　　人 已 经 看 见 你 行 过，行 入 圣 的 走 廊。

25a　Chhiùⁿ-koa--ê kiâⁿ tī thâu-chêng-bīn, chok-ga̍k--ê tè tī āu-bīn,
　　　唱 歌 者 行 在 头 前 面， 作 乐 者 随 在 后 面。

25b　　　Iô lin-long-kó͘ ê cha-bó͘-gín-á tī tiong-kan chòe tīn.
　　　　　摇 铃 珑 鼓 的 查 某 囝 仔 在 中 间 做 阵。

26a　Tùi Í-sek-lia̍t ê goân-thâu--lâi--ê ,
　　　对 以 色 列 的 源 头 来 者，

26b　　　Tī ta̍k ê hōe-tiong, tio̍h o -ló Chú Siōng-tè .
　　　　　在 逐 个 会 中 ， 着 赞 美 主 上 帝。

27a　Tī-hia ū koán-hat in ê sió Piān-ngá-bín,
　　　在 彼 有 管 辖 伊 的 小 便 雅 悯，

27b　　　Ū Iû-tāi ê cho̍k-tiúⁿ kap in kui-kûn ê jîn-sîn,
　　　　　有 犹 大 的 族 长 及 伊 归 群 的 人 臣，

27c　Ū Se-pò͘-lûn ê cho̍k-tiúⁿ,
　　　有 西 布 伦 的 族 长，

27d　　　Ū Ná-hut-tha-lī ê cho̍k-tiúⁿ.
　　　　　有 拿 弗 他 利 的 族 长。

28a　Lí ê Siōng-tè tiāⁿ-tio̍h Lí ê khùi-la̍t pún-sū;
　　　你 的 上 帝 定 着 你 的 气 力 本 事；

28b　　　Siōng-tè ah , kiû Lí kian-kò͘ Lí kā goán só͘ chiâⁿ ê sū .
　　　　　上 帝 啊，求 你 坚 固 你 给 阮 所 成 的 事。

29a　Ūi-tio̍h Lí Iâ-lō͘-sat-léng ê tiān,
　　　为 着 你 耶 路 撒 冷 的 殿，

29b　　　Lia̍t-ông beh tòa lé -mi̍h kàu Lí bīn-chêng lâi hiàn.
　　　　　列 王 要 带 礼 物 到 你 面 前 来 献。

30a　Kiû Lí chek-pī lô͘-úi-tiong ê iá-siù bô tia̍t-sū ,
　　　求 你 责 备 芦 苇 中 的 野 兽 无 秩 序，

30b　　　Kap kui-kûn ê iá- gû , í -ki̍p lia̍t-pang-tiong ê sió-gû .
　　　　　及 归 群 的 野 牛，以 及 列 邦 中 的 小 牛。

30c　In chiong gûn-khì ta̍h tī kha-āu-tiⁿ,
　　　伊 将 银 器 踏 在 脚 后 胫，

30d　　　Siōng-tè kóaⁿ-sòaⁿ ài kau-chiàn ê peh-sìⁿ.
　　　　　上 帝 赶 散 爱 交 战 的 百 姓。

31a　Tōa-koaⁿ beh tùi Ai-ki̍p lâi ;　　
　　　 大 官 要 对 埃 及 来；

31b　　　Kó͘-si̍t beh kóaⁿ-kín ǹg Siōng-tè chhun-chhiú chhut--lâi .
　　　　　古 实 要 赶 紧 向 上 帝 伸 手 出 来，

32a　Sè-chiūⁿ ê lia̍t-kok ah , lín tio̍h tùi Siōng-tè chhiùⁿ-koa,
　　　世 上 的 列 国 啊，恁 着 对 上 帝 唱 歌，

32b　　　Goān lín gîm-si o -ló Chú Iâ-hô-hoa.
　　　　　愿 恁 吟 诗 赞 美 主 耶 和 华。

33a　Chiū-sī o -ló hit-ê chē tī tùi kó͘-chá chiū chûn-chāi,
　　　就 是 赞 美 彼 的 坐 在 对 古 早 就 存 在，

33b　　　Ke̍k-koân ê thiⁿ ê Chú-cháiⁿ.
　　　　　极 高 的 天 的 主 宰。

33c　I hoat-chhut I ê siaⁿ,
　　　他 发 出 他 的 声，

33d　　　Chiū-sī ke̍k-tōa ê siaⁿ.
　　　　　就 是 极 大 的 声。

34a　Lín tio̍h chiong koân-lêng kui hō͘ Siōng-tè ;
　　　恁 着 将 权 能 归 给 上 帝；

34b　　　I ê ui-giâm sī tī Í-sek-lia̍t ê téng-bīn--ê ,
　　　　　他 的威 严 是 在 以色 列 的 顶 面 的，
　　　　I ê koân-lêng sī tī kiong-chhong--ê . 　
　　　　他 的 权 能 是 在 穹 苍 的。

35a　Siōng-tè ah , Lí tī sèng ê só͘-chāi,
　　　上 帝 啊，你 在 圣 的 所 在，

35b　　　Sī chin-chiàⁿ thang kiaⁿ--ê ,
　　　　　是 真 正 通 惊 的，

35c　Í -sek-lia̍t ê Siōng-tè lîm-chāi,
　　　以色 列 的 上 帝 临 在，

35d　　　I sī hit-ê chiong khùi-la̍t koân-lêng siúⁿ-sù I ê peh-sìⁿ--ê ;
　　　　　他是 彼 个 将 气 力 权 能 赏 赐 他的 百 姓 的；

（齐声）SIŌNG-TÈ SĪ ENG-KAI O-LÓ--Ê , SĪ ENG-KAI O-LÓ--Ê .
　　　　　上 帝 是 应 该 赞 美 的，是 应 该 赞 美 的。