《押韵启应诗篇》

 | | | 转寄

台语押韵启应诗篇 65

作者 Tīⁿ Jî-gio̍k 2007.04.08

65　　Tāi-pi̍t ê si-koa , kau hō͘ Ga̍k-koaⁿ.

1a　Siōng-tè ah , tī Sek-an ū lâng o -ló teh thèng-hāu Lí ;
　　上 帝 啊，在 锡 安 有 人 赞美 在 等 候 你；

1b　　　Ia̍h beh tùi Lí siā só͘ hē ê goān lâi kèng-pài Lí .
　　　　亦 要 对 你 谢 所 下 的 愿 来 敬 拜 你。

2a　Thiaⁿ lâng kî -tó ê Chú, chhiáⁿ Lí àⁿ -hī,
　　听 人 祈 祷 的 主， 请 你 俯 耳，

2b　　　Kìⁿ ū hiat-khì--ê lóng beh chiū-kūn Lí .
　　　　凡 有 血 气 的 拢 要 就 近 你。

3a　Chōe-ok khah iâⁿ góa hoān-chōe.
　　罪 恶 较 赢 我 犯 罪。

3b　　　Lūn-kàu goán ê chōe, Lí lóng beh sio̍k-hôe.
　　　　论 到 阮 的 罪， 你 拢 要 赎 回。

4a　Lí só͘ kéng-soán--ê , hō͘ i chhin-kūn Lí,
　　你 所 拣 选 的，使 他 亲 近 你，

4b　　　Tiàm tī Lí ê iⁿ -lāi--ê , chit-hō-lâng ū hok-khì;
　　　　站 在 你 的 院 内 的，此 号 人 有 福 气；

4c　Goán beh in-ūi Lí ê pó-pì, Lí ê sèng-tiān ê hok-khì,
　　阮 要 因 为 你 的 保 庇，你的 圣 殿 的 福 气，

4d　　　Lâi sim-móa ì-chiok hoaⁿ-hí.
　　　　来 心 满 意 足 欢 喜。

5a　Siōng-tè ah , Lí ū kiù goán,
　　上 帝 啊，你 有 救 阮，

5b　　　Lí beh ēng ui-giâm, péng kong-gī lâi ìn goán;
　　　　你 要 用 威 严， 秉 公 义 来 应 阮；

5c　Lí sī tōe-ke̍k kap hái-bīn hn̄g-hn̄g ê lâng,
　　你 是 地 极 及 海 面 远 远 的 人，

5d　　　Lóng-chóng só͘ óa-khò ê ǹg-bāng.
　　　　拢 总 所 倚 靠 的 盼 望。

6a　I í -keng ēng tōa koân-lêng hâ -io;
　　他 已 经 用 大 权 能 縖 腰；

6b　　　Chiū ēng I ê khùi-la̍t an-tiāⁿ chiah-ê soaⁿ hō͘ bōe iô .
　　　　就 用 他 的 气 力 安 定 诸 个 山 使 不 摇。

7a　Chiah-ê hái hoa-hoa-háu,
　　诸 个 海 哗 哗 吼，

7b　　　Kap kî-tiong hái-éng hoa-hoa-háu,
　　　　与 其 中 海 涌 哗 哗 吼，

7c　Í -ki̍p bān peh-sìⁿ ê soan-hoa,
　　以及 万 百 姓 的 喧 哗，

7d　　 I hō͘ in pêng-chēng m̄ -káⁿ hoah.
　　　　他使 伊 平 静 不 敢 喊。

8a　Khiā-khí tōe-ke̍k ê lâng it -khài,
　　居 起 地 极 的 人 一 概，

8b　　　In -ūi Lí ê sîn-jiah lâi kiaⁿ-hiâⁿ;
　　　　因 为 你 的 神 迹 来 惊 惶；

8c　Ji̍t--chhut ji̍t--lo̍h ê só͘-chāi,
　　日 出 日 落 的 所 在，

8d　　　Lí hō͘ in lóng hoaⁿ-hí chhut-siaⁿ.
　　　　你 使 伊 拢 欢 喜 出 声。

9a　Lí koàn-kò͘ thó͘-tōe,
　　你 眷 顾 土 地，

9b　　　Lo̍h-hō͘ koàn-ak , hō͘ i chiâⁿ-chòe pûi-tōe,
　　　　落 雨 灌 沃，使 它 成 做 肥 地，

9c　Siōng-tè ê hô , ū lióng-hōaⁿ,
　　上 帝 的 河，有 两 岸，

9d　　　I ê chúi móa-móa;
　　　　它 的 水 满 满；

9e　Lí án-ni pī-pān thó͘-tōe,
　　你 按 呢 备 办 土 地，

9f　　　Chiū-sī thòe lâng pī-pān gō͘-kak chhài-soe.
　　　　就 是 替 人 备 办 五 谷 菜 蔬。

10a　Lí koàn-ak chhân-hn̂g,
　　　你 灌 沃 田 园，

10b　　　Móa i ê kau, siu-pîⁿ i ê lêng tn̂g-tn̂g,
　　　　　满 它 的 沟， 修 平 它 的 棱 长 长，

10c　Lo̍h hó ê hō͘-chúi kàu thiⁿ--kng,
　　　落 好 的 雨 水 到 天 光，

10d　　　Hō͘ thó͘-tōe nńg-nńg;
　　　　　使 土 地 软 软；

10e　Kî-tiong só͘ hoat-siⁿ--ê ,
　　　其 中 所 发 生 的，

10f　　　　Tit -tio̍h Lí sù-hok chòe hiàn-chè.
　　　　　得 着 你 赐 福 做 献 祭。

11a　Lí ēng Lí ê un-tián chòe nî-tang ê bián-liû,
　　　你 用 你 的 恩 典 做 年 冬 的 冕 旒，

11b　　　Lí ê lō͘-kèng lóng ū teh tih ê iû .
　　　　　你 的 路 径 拢 有 在 滴 的 油。

12a　Tih tī khòng-iá ê chháu-po͘;
　　　滴 在 旷 野 的 草 埔；

12b　　　Soaⁿ-thâu ēng hoaⁿ-hí chòe tòa lâi hâ io -pō͘ .
　　　　　山 头 用 欢 喜 做 带 来 縖 腰 部。

13a　Chháu-po͘ ēng iûⁿ-kûn chòe saⁿ lâi chhēng;
　　　 草 埔 用 羊 群 做 衫 来 穿 ；
　　 Soaⁿ-kok ēng gō͘-kak chòe moa lâi khàm móa-kéng.
　　　 山 谷 用 五 谷 做 幔 来 盖 满 境。

13b　　　In lóng hoaⁿ-hí chhut-siaⁿ, lâi gîm-si o -ló tōa koân-lêng.
　　　　　伊 拢 欢 喜 出 声，来 吟 诗 赞 美 大 权 能。