《押韵启应诗篇》

 | | | 转寄

台语押韵启应诗篇 61

作者 Tīⁿ Jî-gio̍k 2007.03.11

61　　Tāi-pi̍t ê si, kau hō͘ Ga̍k-koaⁿ; ēng si-hiân ê ga̍k-khì.

1a　Siōng-tè ah , kiû Lí thiaⁿ góa ê kiû-kiò;
　　上 帝 啊，求 你 听 我 的 求 叫；

1b　　　Àⁿ-lo̍h thiaⁿ góa ê kî-tó , góa teh khut-io .
　　　　俯 落 听 我 的 祈 祷，我 在 屈 腰，

2a　Góa ê sim sit-chì ê sî ,
　　我 的 心 失 志 的 时，

2b　　　Chiū beh tùi tōe-ke̍k kiû-kiò Lí ;
　　　　就 要 对 地 极 求 叫 你；

2c　Kiû Lí chhōa góa,
　　求 你 导 我，

2d　　　Kàu hit -ê pí góa khah-koân ê chio̍h-pôaⁿ.
　　　　到 彼 个 比 我 较 高 的 石 磐。

3a　In-ūi Lí bat chòe góa tô-siám ê só͘-chāi.
　　因 为 你 曾 做 我 逃 闪 的 所 在。

3b　　　Chòe góa kian-kò͘ ê tâi , lâi thoat-lī tùi-te̍k ê hām-hāi.
　　　　做 我 坚 固 的 台，来 脱 离 对 敌 的 陷 害。

4a　Góa beh éng-oán tòa tī Lí ê pò͘-pîⁿ-lāi.
　　我 要 永 远 住 在 你 的 布 棚 内。

4b　　　Góa beh bih tī Lí si̍t-ē ún-ba̍t ê só͘-chāi.
　　　　我 要 匿 在 你 翅 下 隐 密 的 所 在。

5a　Siōng-tè ah , góa só͘ hē ê goān, Lí ū thiaⁿ-kìⁿ ta̍k-hāng;
　　上 帝 啊，我 所 下 的 愿， 你 有 听 见 逐 项；

5b　　　Lí ū chiong sán-gia̍p siúⁿ-sù kèng-ùi Lí ê miâ ê lâng.
　　　　你 有 将 产 业 赏 赐 敬 畏 你 的 名 的 人。

6a　Lí beh ke-thiⁿ ông ê hè-siū;
　　你 必 加 添 王 的 岁 寿；

6b　　　I ê nî -hè beh kàu tāi-tāi bô hiu.
　　　　他 的 年 岁 必 到 代 代 无 休。

7a　I beh éng-oán chē-ūi tī Siōng-tè ê bīn-chêng;
　　他 必 永 远 坐 位 在 上 帝 的 面 前；

7b　　　Goān Lí pī-pān chû-ài kap sêng-si̍t lâi pó-hō͘ i thài-pêng.
　　　　愿 你 备 办 慈 爱 及 诚 实 来 保 护 他 太 平。

8a　Án-ni góa beh chhiùⁿ-koa o -ló Lí ê miâ, kàu éng-oán;
　　按 呢 我 必 唱 歌 赞 美 你 的 名，到 永 远；

8b　　　Thang ji̍t-ji̍t siā góa ê goān.
　　　　通 日 日 谢 我 的 愿。