《押韵启应诗篇》

 | | | 转寄

台语押韵启应诗篇 60

作者 Tīⁿ Jî-gio̍k 2007.03.04

60　　Tāi-pi̍t tī nn̄g-tiâu khoe ê A-lân, í-ki̍p Só-pa ê A-lân, kau-chiàn ê sî, 　　　　　Iok-ap tò-lâi tī Iâm-kok, thâi-sí Í-tong-lâng chi̍t-bān nn̄g-chheng,
　　　　　Hit-sî Tāi-pi̍t chòe chit-ê kim ê si, hō͘ lâng ha̍k-si̍p;
　　　　　Kau hō͘ Ga̍k-koaⁿ; tiāu, ēng “Chòe kan-chèng ê pek-ha̍p-hoe.”

1a　Siōng-tè ah , Lí bat khì-sak goán, phò-hoāi goán;
　　上 帝 啊，你 曾 弃 拺 阮， 破 坏 阮；
　　Lí bat siū-khì goán;
　　你 曾 受 气 阮；

1b　　　Kiû Lí koh heng-khí goán.
　　　　求 你 复 兴 起 阮 。

2a　Lí hō͘ tōe tín-tāng, ia̍h hō͘ i pang-li̍h kui-phāng,
　　你 使 地 振 动， 亦 使 它 崩 裂 归 缝 ，

2b　　　Goān Lí i -hó i ê li̍h-hûn, in-ūi tōe iô-tāng.
　　　　愿 你 医好 它的 裂 痕， 因 为 地 摇 动。

3a　Lí hō͘ Lí ê peh-sìⁿ tú-tio̍h kan-lân hoah kiù.
　　你 使 你 的 百 姓 遇 着 艰 难 喝 救，

3b　　　Lí hō͘ goán lim hit-ê hō͘ lâng tian-lâi tó-khì ê chiú.
　　　　你 使 阮 饮 彼 个 使 人 颠 来 倒 去 的 酒。

4a　Lí ēng kî -á siúⁿ-sù kèng-ùi Lí ê lâng,
　　你 用 旗 仔 赏 赐 敬 畏 你 的 人，

4b　　　Thang ūi chin-lí kia̍h--khí-lâi ia̍t chòe ǹg-bāng.
　　　　通 为 真 理 举 起 来 搧 作 盼 望。

5a　Kiû Lí thiaⁿ goán, ēng chiàⁿ-chhiú khan-kiù goán,
　　求 你 听 阮， 用 右 手 牵 救 阮，

5b　　　Thang hō͘ Lí só͘ thiàⁿ ê lâng tit-tio̍h kiù, chiàu in sim-goān.
　　　　通 使 你 所 爱 的 人 得 着 救，照 伊 心 愿。

6a　Siōng-tè í -keng kí I ê sèng-kiat lâi kóng,
　　上 帝 已 经 指 他 的 圣 洁 来 讲，
　　” Góa beh tōa hoaⁿ-hí ,
　　「我 要 大 欢 喜，

6b　　　Góa beh pun-khui Sī-kiàm, niû So͘-kat ê soaⁿ-kok chòe the-í .”
　　　　我 要 分 开 示 剑， 量 疏 割 的 山 谷 做 躺 椅。」

7a　Ki-lia̍t sī Góa--ê ,
　　基 列 是 我 的，

7b　　　Má-ná-se ia̍h sī Góa--ê ;
　　　　玛 拿 西 亦 是 我 的；

7c　　Í- hoat-liân sī Góa ê thâu-khoe;
　　以 法 莲 是 我 的 头 盔；

7d　　　　Iû-tāi sī Góa ê koân-sè .
　　　　犹 大 是 我 的 权 势。

8a　Mô͘-ap beh chòe Góa ê e̍k-phûn;
　　摩 押 必 做 我 的 浴 盆；
　　Góa beh hiat Góa ê ôe tī Í-tong, hō͘ siâⁿ pìⁿ thô͘-hún,
　　我 必 掷 我 的 鞋 在 以东， 使 城 变 土 粉，

8b　　　Hui-lī-sū-tōe ah, lí in-ūi Góa tōa-siaⁿ hoah ná chông, chúi ná kún.
　　　　非 利 士 地 啊,你 因为 我 大 声 喝 若 跄， 水 愈 滚。

9a　Chú ah , siáⁿ-lâng ōe chhōa góa ji̍p kian-kò͘ ê siâⁿ?
　　主 啊，啥 人 会 导 我 入 坚 固 的 城？

9b　　　Siáⁿ-lâng ōe chhōa góa ji̍p Í -tong ê tōe bô kiaⁿ? 　　
　　啥 人 会 导 我 入 以 东 的 地 无 惊？

10a　Siōng-tè ah , Lí kiám m̄-sī khì-sak goán mah?
　　　上 帝 啊，你 岂 不 是 弃 拺 阮 吗？

10b　　　Siōng-tè ah , Lí bô kap goán ê kun-peng saⁿ-kap chhut mah?
　　　　　上 帝 啊，你 无 与 阮 的 军 兵 相 及 出 吗？

11a　Kiû Lí pang-chān goán kong-kek tùi-te̍k;
　　　求 你 帮 助 阮 攻 击 对 敌；

11b　　　In-ūi lâng ê chín-kiù sī khang-khang bô lī-ek .
　　　　　因 为 人 的 拯 救 是 空 空 无 利 益。

12a　Goán óa-khò Siōng-tè , chòe-chiâⁿ tōa tāi-chì;
　　　阮 倚 靠 上 帝，做 成 大 事 情；

12b　　　In-ūi thún-ta̍h goán ê tùi-te̍k--ê , chiū-sī I .
　　　　　因 为 践 踏 阮 的 对 敌 的，就 是 他。