《押韵启应诗篇》

 | | | 转寄

台语押韵启应诗篇 59

作者 Tīⁿ Jî-gio̍k 2007.02.25

59　　Sò-lô chhe lâng khì bâi-ho̍k Tāi-pi̍t ê chhù, beh thâi-i; hit-sî Tāi-pi̍t chòe chit-ê
　　　　　kim ê si; kau hō͘ Ga̍k-koaⁿ; tiāu, ēng “Bo̍h-tit húi-hoāi.”

1a　Góa ê Siōng-tè ah, kiû Lí kiù góa thoat-lī tùi-te̍k, kā góa tháu-pàng,
　　我 的 上 帝 啊, 求 你 救 我 脱 离 对 敌，将 我 释 放，

1b　　　An-tì góa tī koân ê ba̍t-pâng,
　　　　安 置 我 在 高 的 密 房，
　　　　Ti̍t-tio̍h thoat-lī hiah-ê khí-lâi kong-kek góa ê lâng.
　　　　得 着 脱 离 那 些 起 来 攻 击 我 的 人。

2a　Kiû Lí kiù góa thoat-lī chòe-pháiⁿ ê lâng,
　　求 你 救 我 脱 离 做 歹 的 人，

2b　　　Koh kiù góa thoat-lī ài thâi-sí lâng ê lâng.
　　　　又 救 我 脱 离 要 杀 死 人 的 人。

3a　In -ūi in bâi-ho̍k beh hāi góa ê sìⁿ-miā bô soah;
　　因 为 伊 埋 伏 欲 害 我 的 性 命 无 息；

3b　　　Ū béng-lâng chū-chi̍p lâi kong-kek góa;
　　　　有 猛 人 聚 集 来 攻 击 我；

3c　Iâ-hô-hoa ah , che m̄-sī in-ūi góa ê kè-sit ê in-toaⁿ,
　　耶 和 华 啊，这 不 是 因 为 我 的 过 失 的 因 端，

3d　　　Ia̍h m̄ -sī in-ūi góa ê chōe-kòa.
　　　　亦 不 是 因 为 我 的 罪 过。

4a　Góa sui-jiân bô kè-sit chōe-kòa, in cháu--lâi pī-pān beh hāi góa;
　　我 虽 然 无 过 失 罪 过，伊 走 来 备 办 欲 害 我；

4b　　　Kiû Lí cheng-sîn khí-lâi lâi kàm-chhat, pang-chān góa.
　　　　求 你 精 神 起 来 来 鉴 察， 帮 助 我。

5a　Bān-kun ê Iâ-hô-hoa Siōng-tè ,
　　万 军 的 耶 和 华 上 帝，

5b　　　Chiū-sī Í- sek-lia̍t ê Siōng-tè ,
　　　　就 是 以 色 列 的 上 帝，

5c　Kiû Lí khí--lâi , pān-lí bān-kok;
　　求 你 起 来， 办 理 万 国；

5d　　　M̄-thang lîn-bín pháiⁿ-lâng teh kiâⁿ kan-ok.
　　　　不 通 怜 悯 歹 人 在 行 奸 恶。

6a　In ê -hng-sî tò--lâi , âu-kiò chhin-chhiūⁿ káu;
　　伊 暝 昏 时 返 来，喉 叫 亲 像 狗；

6b　　　Tī siâⁿ--ni̍h sì-kòe kiâⁿ teh háu.
　　　　在 城 里 四 界 行 在 嚎。

7a　In ê chhùi thò͘-chhut pháiⁿ-ōe ,
　　伊 的 嘴 吐 出 歹 话，

7b　　　In ê chhùi-tûn ū to beh poe̍h;
　　　　伊 的 嘴 唇 有 刀 将 拔；
　　　　In-ūi in kóng, siáⁿ-lâng thiaⁿ-kìⁿ in ê ōe ?
　　　　因 为 伊 讲 ， 甚 人 听 见 伊 的 话？

8a　Nā-sī Lí Iâ-hô-hoa beh chhiò in lóng-chóng,
　　若 是 你 耶 和 华 要 笑 伊 拢 总 ，

8b　　　Lí beh léng-chhiò lia̍t-pang ê gû-gōng.
　　　　你 要 冷 笑 列 邦 的 愚 戆。

9a　Góa ê khùi-la̍t ah , góa beh ǹg-bāng Lí ; 　　
我 的 气 力 啊，我 要 盼 望 你；

9b　　　In-ūi Siōng-tè sī góa ê koân-tâi thâu-kî .
　　　　因 为 上 帝 是 我 的 高 台 柱 旗。

10a　Góa ê Siōng-tè beh ēng chû-ài ngiâ-chih góa, hō͘ góa an-lêng,
　　　我 的 上 帝 将 用 慈 爱 迎 接 我，使 我 安 宁，

10b　　　Siōng-tè beh hō͘ góa khòaⁿ-kìⁿ góa ê tùi-te̍k siū pò -èng.
　　　　　上 帝 将 使 我 看 见 我 的 对 敌 受 报 应。

11a　Bo̍h-tit châu-bia̍t in ,
　　　莫 得 剿 灭 伊，

11b　　　Kiaⁿ-liáu góa ê peh-sìⁿ bōe-kì-tit in,
　　　　　惊 了 我 的 百 姓 不 记 得 伊，

11c　Chú ah, Lí sī goán ê tîn-pâi,
　　　主 啊，你 是 阮 的 盾 牌，

11d　　　Kiû Lí ēng Lí ê khùi-la̍t an-pâi, hō͘ in sì-sòaⁿ tī sè-kài,
　　　　　求 你 用 你 的 气 力 安 排，使 伊 四 散 在 世 界，
　　　　koh kàng-kē in hō͘ lâng m̄-chai.
　　　　　又 降 低 伊 使 人 不 知。

12a　In -ūi in chhùi ê chōe-kòa kap chhùi-tûn ê ōe ,
　　　因 为 伊 嘴 的 罪 过 及 嘴 唇 的 话，
　　Í- ki̍p in só͘ kóng ê chiù-mē kap pe̍h-chha̍t ê ōe ,
　　　以 及 伊 所 讲 的 咒 骂 及 白 贼 的 话，

12b　　　Goān in tī kiau-ngō͘ ê tiong-kan siū lia̍h--tio̍h lâi soe.
　　　　　愿 伊 在 骄 傲 的 中 间 受 掠 着 来 衰。

13a　Kiû Lí siū-khì châu-bia̍t in , châu-bia̍t in ,
　　　求 你 受 气 剿 灭 伊， 剿 灭 伊，

13b　　　Kàu lóng it -chīn;
　　　　　到 拢 一 尽；

13c　Hō͘ in chai Siōng-tè teh chiáng-koân Ngá-kok,
　　　使 伊 知 上 帝 在 掌 权 雅 各，

13d　　　Kàu tī tōe-ke̍k ê ta̍k-kok.
　　　　　到 在 地 极 的 逐 国。

14a　In ê -hng-sî tò--lâi , âu-kiò chhin-chhiūⁿ káu;
　　　伊 暝 昏 时 返 来，喉 叫 亲 像 狗；

14b　　　Tī siâⁿ--ni̍h sì-kòe kiâⁿ ná teh háu.
　　　　　在 城 里 四 界 行 若 在 嚎。

15a　In beh cháu-lâi cháu-khì chhē chia̍h-mi̍h, iáu bô kàu,
　　　伊 欲 走 来 走 去 寻 食 物， 尚 无 够，

15b　　　Nā bô tit-tio̍h pá , chiū thong-mî thèng-hāu.
　　　　　若 无 得 着 饱，就 通 暝 等 候。

16a　Nā-sī góa beh chhiùⁿ-koa, o-ló Lí ê khùi-la̍t teh chú-cháiⁿ,
　　　若 是 我 要 唱 歌， 赞美 你 的 气 力 在 主 宰，

16b　　　Chá-khí-sî beh tōa-siaⁿ o -ló Lí ê chû-ài ;
　　　　　早 起 时 要 大 声 赞 美 你 的 慈 爱；

16c　In -ūi Lí bat chòe góa ê koân-tâi ,
　　　因 为 你 曾 做 我 的 高 台，

16d　　　Tī hoān-lān ê ji̍t , chòe góa tô-siám ê só͘-chāi.
　　　　　在 患 难 的 日，做 我 逃 闪 的 所 在。

17a　Góa ê khùi-la̍t ah, góa beh chhiùⁿ-koa o-ló Lí bô thè,
　　　我 的 气 力 啊，我 要 唱 歌 赞美 你 无 退，

17b　　　In-ūi Siōng-tè sī góa ê koân-tâi chu-sè ,
　　　　　因 为 上 帝 是 我 的 高 台 姿 势，
　　　　Sī góa chû-ài ê Siōng-tè .
　　　　　是 我 慈 爱 的 上 帝。