《押韵启应诗篇》

 | | | 转寄

台语押韵启应诗篇 58

作者 Tīⁿ Jî-gio̍k 2007.02.18

58　　Tāi-pi̍t kim ê si ; kau hō͘ Ga̍k-koaⁿ ; tiāu , sī ēng “Bo̍h-tit húi-hoāi ”.

1a　Sè-kan lâng ah , lín chēng-chēng kiám chin-chiàⁿ kóng kong-gī mah?
　　世 间 人 啊，恁 静 静 岂 真 正 讲 公 义 吗？

1b　　　Lín kiám chiàu sêng-si̍t kiâⁿ sím-phòaⁿ mah ?
　　　　恁 岂 照 诚 实 行 审 判 吗 ？

2a　M̄ -sī , lín sī sim-lāi chòe pháiⁿ ê lâng;
　　不 是，恁 是 心 内 做 歹 的 人；

2b　　　Lín tī tōe-chiūⁿ,
　　　　恁 在 地 上，
　　　　ēng lín ê chhiú só͘ chòe ê kiông-pō chhìn hō͘ lâng.
　　　　用 恁 的 手 所 做 的 强 暴 秤 给 人。

3a　Pháiⁿ-lâng chi̍t-ē chhut bú-thai,
　　歹 人 一 下 出 母 胎，

3b　　　Chiū kap Siōng-tè chhiⁿ-so͘ ;
　　　　就 与 上 帝 生 疏；

3c　Chi̍t-ē lī-khui lāu-bú ê pak-tó͘ , chiū kiâⁿ chhe-lō͘ ,
　　一 下 离 开 老 母 的 腹 肚， 就 行 叉 路，

3d　　　Kóng pe̍h-chha̍t-ōe bû-sò͘ .
　　　　讲 白 贼 话 无 数。

4a　In ê to̍k chhin-chhiūⁿ chôa ê to̍k bih tī khang,
　　伊 的 毒 亲 像 蛇 的 毒 匿 在 孔，

4b　　　In chhin-chhiūⁿ chhàu-hī-lâng ê to̍k-chôa that-ba̍t hī-khang;
　　　　伊 亲 像 臭 耳 人 的 毒 蛇 塞 密 耳 孔；

5a　M̄-thiaⁿ khu-chôa ê lâng ê siaⁿ,
　　不 听 驱 蛇 的 人 的 声，

5b　　　Sui-bóng gâu ūi-hû liām-chiù--ê , in ia̍h m̄-thiaⁿ.
　　　　虽 罔 能 画 符 念 咒 的，伊 亦 不 听。

6a　Siōng-tè ah , kiû Lí phah-chi̍h in chhùi-lāi ê khí;
　　上 帝 啊，求 你 拍 折 伊 嘴 内 的 齿；

6b　　　Iâ-hô-hoa ah, kiû Lí phah-chi̍h sai-á-thûn ê tōa-ki chhùi-khí.
　　　　耶 和 华 啊，求 你 打 折 狮 仔 屯 的 大 枝 嘴 齿。

7a　Goān in siau-bia̍t chhin-chhiūⁿ kín-kín lâu-chhut ê chúi-tî ;
　　愿 伊 消 灭 亲 像 紧 紧 流 出 的 水 池；

7b　　　In ê chìⁿ pí beh siā ê sî, goān in ê chìⁿ chhin-chhiūⁿ phah-chi̍h.
　　　　伊 的 箭 比 欲 射 的时, 愿 伊 的箭 亲 像 打 折。

8a　Goān in chhin-chhiūⁿ lô͘ -lê , siau-iûⁿ--khì;
　　愿 伊 亲 像 螺 狸，消 溶 去；

8b　　　Koh chhin-chhiūⁿ hū-jîn-lâng
　　 复 亲 像 妇 仁 人
　　　　ka-la̍uh bô kìⁿ-tio̍h thiⁿ-ji̍t ê thai-jî .
　　　　掉 落 无 见 着 天 日 的 胎 儿。

9a　Lín ēng chhì-á hiâⁿ hé , tiáⁿ iáu-bē jia̍t-khí,
　　恁 用 莿 仔 燃 火， 鼎 犹 未 热 起，

9b　　　Chú beh ēng kńg-lê-hong heng-khí,
　　　　主 要 用 卷 龙 风 兴 起；
　　　　Chiong chhiⁿ--ê kap to̍h--ê , chòe chi̍t-ē sàu--khì.
　　　　将 青 的 与 to̍h的, 做 一 下 扫 去。

10a　Gī-lâng khòaⁿ-kìⁿ pò-èng ê sū , chiū hoaⁿ-hí ;
　　　义 人 看 见 报 应 的 事，就 欢 喜；

10b　　　I beh tī pháiⁿ-lâng ê huih sóe i ê kha chheng-khì.
　　　　　他 将 在 歹 人 的 血 洗 他 的 脚 清 气。

11a　Lâng chiū beh kóng, gī-lâng chin-chiàⁿ ū hó-pò tit sin-oan;
　　　人 就 欲 讲， 义 人 真 正 有 好 报 得 申 冤；

11b　　　Tī tōe-bīn-chiūⁿ kó-jiân ū Siōng-tè teh phòaⁿ-toàn.
　　 　　　在 地 面 上 果 然 有 上 帝 在 判 断。