《押韵启应诗篇》

 | | | 转寄

台语押韵启应诗篇 57

作者 Tīⁿ Jî-gio̍k 2007.02.11

57　　Tāi-pi̍t siám-pī Sò-lô , bih tī tōng-lāi ; hit-sî i chòe chit-ê kim ê si ; 　　　　　　kau hō͘ Ga̍k-koaⁿ ; tiāu, sī ēng “Bo̍h -tit húi-hoāi- -ê .”

1a　Siōng-tè ah , kiû Lí khó-lîn góa, khó-lîn góa,
　　上 帝 啊， 求 你 可 怜 我，可 怜 我，

1b　　　Góa ê sin beh tâu-hioh tī Lí ê pó-hō͘-sòaⁿ;
　　　　我 的 身 要 投 歇 在 你 的 保 护 伞；

1c　Góa beh tâu-hioh tī Lí si̍t-kó͘ ê tì -ìm-ē ,
　　我 要 投 歇 在 你 翅 股 的 致荫 下，

1d　　　Thèng-hāu chiah-ê chai-ē keng-kè .
　　　　等 候 诸 些 灾 祸 经 过。

2a　Góa beh kiû-kiò Chì-koân ê Siōng-tè ;
　　我 要 求 叫 至 高 的 上 帝；

2b　　　Chiū-sī kā góa chhiâⁿ-tî ta̍k-hāng sū ê Siōng-tè .
　　　　就 是 给 我 成 持 逐 项 事 的 上 帝。

3a　Tng hit-ê beh thun-chia̍h góa ê lâng, húi-pòng góa ê sî , 　　
当 彼 个 欲 吞 食 我 的 人， 诽 谤 我 的 时，

3b　　　Siōng-tè beh si-un , tùi thiⁿ kiù góa thoat-lī ,
　　　　上 帝 将 施 恩，对 天 救 我 脱 离，

3c　Ia̍h beh hoat-chhut I ê chû-ài ,
　　亦 将 发 出 他 的 慈 爱，

3d　　　Kap I ê sêng-si̍t lâi tû pháiⁿ-tāi.
　　　　及 他 的 诚 实 来 除 坏 事。

4a　Góa ê sìⁿ-miā tī sai ê tiong-kan;
　　我 的 性 命 在 狮 的 中 间；

4b　　　Góa tó tī chhin-chhiūⁿ hé to̍h ê sè-kan lâng ê tiong-kan;
　　　　我 倒 在 亲 像 火 to̍h 的 世 间 人 的 中 间；

4c　In ê chhùi-khí sī chhiuⁿ sī chìⁿ,
　　伊 的 嘴 齿 是 枪 是 箭，

4d　　　In ê chi̍h sī lāi-to ê to-phìⁿ.
　　　　伊 的 舌 是 利 刀 的 刀 片。

5a　Siōng-tè ah , goān Lí koân-tōa pôaⁿ-kè chiah-ê thiⁿ,
　　上 帝 啊， 愿 你 高 大 pôaⁿ 过 诸 个 天，

5b　　　Goān Lí ê êng-kng pôaⁿ-kè choân-tōe kàu hái-piⁿ.
　　　　愿 你 的 荣 光　pôaⁿ 过 全 地 到 海 边。

6a　In kā góa ê kha-pō͘ siat lô-bāng,
　　伊 给 我 的 脚 步 设 罗 网，

6b　　　Ap-chè góa ê sim-sîn hō͘ choa̍t-bāng.
　　　　压 制 我 的 心 神 使 绝 望 。

6c　In tī góa ê bīn-chêng khui hām-khiⁿ,
　　伊 在 我 的 面 前 开 陷 坑，

6d　　　Ka-kī hoán-tńg poa̍h-lo̍h hit lāi-bīn lè-phòa phīⁿ.
　　　　自 己 反 转 跌 落 彼 内 面 裂 破 鼻。

7a　Siōng-tè ah , góa ê sim chū-chāi, 　　
上 帝 啊， 我 的 心 自 在，

7b　　　Góa ê sim chū-chāi;
　　　　我 的 心 自 在；

7c　Góa beh gîm-si ,
　　我 欲 吟 诗，

7d　　　Góa beh chhiùⁿ-koa o -ló lí .
　　　　我 欲 唱 歌 赞 美 你。

8a　Góa ê sîn ah , lí tio̍h cheng-sîn khí--lâi ;
　　我 的 神 啊，你 当 精 神 起 来；
　　Khîm ah , sek ah , lín tio̍h cheng-sîn khí--lâi ;
　　琴 啊， 瑟 啊， 恁 当 精 神 起 来；

8b　　　Góa pún-sin beh chin chá cheng-sîn khí--lâi .
　　　　我 本 身 要 真 早 精 神 起 来。

9a　Chú ah , góa beh tī bān peh-sìⁿ ê tiong-kan kám-siā Lí ;
　　主 啊， 我 要 在 万 百 姓 的 中 间 感 谢 你；

9b　　　Tī lia̍t-pang ê tiong-kan chhiùⁿ-koa o -ló Lí .
　　　　在 列 邦 的 中 间 唱 歌 赞 美 你。

10a　In-ūi Lí ê chû-ài tōa kàu tú-thiⁿ,
　　　因 为 你 的 慈 爱 大 到 抵 天，

10b　　　Lí ê sêng-si̍t kàu kiong-chhong ê sì -piⁿ.
　　　　　你 的 诚 实 到 穹 苍 的 四 边。

11a　Siōng-tè ah , goān Lí koân-tōa pôaⁿ-kè chiah-ê thiⁿ;
　　　上 帝 啊， 愿 你 高 大 pôaⁿ 过 诸 个 天；

11b　　　Goān Lí ê êng-kng pôaⁿ-kè choân-tōe kàu hái-piⁿ.
　　　　　愿 你 的 荣 光 pôaⁿ 过 全 地 到 海 边。