《押韵启应诗篇》

 | | | 转寄

台语押韵启应诗篇 56

作者 Tīⁿ Jî-gio̍k 2007.02.04

56　　Hui-lī-sū-lâng tī Ka-te̍k lia̍h-tio̍h Tāi-pi̍t, hit-sî i chòe chit-ê kim ê si; 　　　　　kau hō͘ Ga̍k-koaⁿ; tiāu, sī ēng “hn̄g-hn̄g bô siaⁿ ê kap”

1a　Siōng-tè ah , kiû Lí khó-lîn góa, in-ūi lâng beh thun-chia̍h góa;
　　上 帝 啊，求 你 可 怜 我，因 为 人 欲 吞 食 我；

1b　　　Thong-ji̍t kong-kek ap-chè góa.
　　　　通 日 攻 击 压 制 我。

2a　Góa ê tùi-te̍k thong-ji̍t beh thun-chia̍h góa,
　　我 的 对 敌 通 日 欲 吞 食 我，

2b　　　In-ūi khí kiau-ngō͘ kong-kek góa ê lâng chin chōe ná soa.
　　　　因为 起 骄 傲 攻 击 我 的 人 真 多 若 沙。

3a　Góa tī kiaⁿ-hiâⁿ ê sî ,
　　我 在 惊 惶 的 时，

3b　　　Góa beh óa-khò Lí .
　　　　我 欲 倚 靠 你。

4a　Góa khò Siōng-tè , góa beh o-ló I ê ōe bô soah, 　　
我 靠 上 帝，我 要 赞美 他 的 话 无 息，

4b　　　Góa í-keng óa-khò Siōng-tè lâi oa̍h,
　　　　我 已 经 倚 靠 上 帝 来 活，

4c　Góa chiū bô kiaⁿ lâi i- óa .
　　我 就 无 惊 来 依 倚。

4d　　　Sio̍k tī hiat-khì--ê beh siáⁿ hoat-tit góa ta-ôa ?
　　　　属 在 血 气 者 欲 啥 法 得 我 如 何？

5a　In thong-ji̍t kóe-chhoa̍h góa ê ōe ;
　　伊 通 日 改 斜 我 的 话；

5b　　　In tùi góa só͘-siūⁿ--ê , lóng sī beh hāi góa chok-hòe.
　　　　伊 对 我 所 想 的，拢 是 欲 害 我 作 废。

6a　In chū-chi̍p bâi-ho̍k, teh siòng góa ê kha-pō͘,
　　伊 聚 集 埋 伏，在 相 我 的 脚 步，

6b　　　Chhin-chhiūⁿ tng-tán beh hāi góa ê sìⁿ-miā ná toh-pò͘.
　　　　亲 像 当 等 欲 害 我 的 性 命 若 桌 布。

7a　In chòe-pháiⁿ kiám ōe tô-thoat cháu-lī ?
　　伊 做 歹 岂 会 逃 脱 走 离？

7b　　　Siōng-tè ah , kiû Lí tī siū-khì-tiong, hō͘ chèng peh-sìⁿ tó--lo̍h-khì.
　　　　上 帝 啊，求 你 在 受 气 中， 使 众 百 姓 倒 下 去。

8a　Góa ê pi-siong Lí lóng ū kì-siàu siu-chông.
　　我 的 悲 伤 你 拢 有 记 数 收 藏。

8b　　　Kiû Lí chiong góa ê ba̍k-sái siu tī Lí ê phê-lông;
　　　　求 你 将 我 的 目 屎 收 在 你 的 皮 囊；
　　　　Lí ê chheh kiám bô kì che lóng-chóng?
　　　　你 的 册 岂 无 记 这 拢 总？

9a　Góa kiû-kiò ê ji̍t , góa ê tùi-te̍k lóng beh oa̍t-tńg-sin thè--khì;
　　我 求 叫 的 日，我 的 对 敌 拢 欲 越 转 身 退 去；

9b　　　Siōng-tè ūi góa, che sī góa só͘ chai ê tāi-chì.
　　　　上 帝 为 我， 这 是 我 所 知 的 事 情。

10a　Góa khò Siōng-tè , góa beh o -ló I ê ōe ;
　　　我 靠 上 帝，我 欲 赞 美 他的 话；

10b　　　Góa khò Iâ-hô-hoa, góa beh o -ló I ê ōe .
　　　　　我 靠 耶 和 华，我 欲 赞 美 他的话。

11a　Góa í- keng óa-khò Siōng-tè ,
　　　我 已 经 倚 靠 上 帝，

11b　　　Góa chiū bô kiaⁿ pòaⁿ--ê , lâng beh siáⁿ hoat tit góa khò-sè ?
　　　　　我 就 无 惊 半 个，人 将 甚 法 得 我 靠 势？

12a　Siōng-tè ah , góa tùi Lí só͘ hē ê goān, tī góa ê sin-chiūⁿ;
　　　上 帝 啊，我 对 你 所 下 的 愿 ，在 我 的 身 上；

12b　　　Góa beh ēng siā-un ê chè hiàn hō͘ Lí chòe bô͘ -iūⁿ.
　　　　　我 欲 用 谢 恩 的 祭 献 给 你 做 模 样。

13a　In-ūi Lí kiù góa ê oa̍h-miā thoat-lī sí-bô ;
　　　因 为 你 救 我 的 活 命 脱 离 死 无；

13b　　　Lí kiám-m̄-sī pó-hō͘ góa ê kha bô poa̍h-tó ?
　　　　　你 岂 不是 保 护 我 的 脚 无 跋 倒？

13c　Hō͘ góa tī Siōng-tè ê bīn-chêng,
　　　使 我 在 上 帝 的 面 前，

13d　　　Kiâⁿ tī oa̍h-miā ê kng-bêng?
　　　　　行 在 活 命 的 光 明？