《押韵启应诗篇》

 | | | 转寄

台语押韵启应诗篇 52

作者 Tīⁿ Jî-gio̍k 2007.01.07

52　　Í-tong-lâng To-ek lâi pò Sò-lô kóng, Tāi-pi̍t kàu A-hi-bí-le̍k ê ke. 　　　　　Hit-sî Tāi-pi̍t chòe chit-ê kà-sī ê si; kau hō͘ Ga̍k-koaⁿ.

1a　Ióng-béng ê lâng ah ,
　　勇 猛 的 人 啊，

　　lí siáⁿ-sū ūi-tio̍h chòe-pháiⁿ lâi khoa-kháu bōe pháiⁿ-sè ?
　　你 甚 事 为 着 做 歹 来 夸 口 不 歹 势？

1b　　　Siōng-tè ê chû-ài éng-oán tī--teh.
　　　　上 帝 的 慈 爱 永 远 在 的。

2a　Lí ê chi̍h tô͘-bô͘ siâ-ok khúi-chà,
　　你 的 舌 图 谋 邪 恶 诡 诈，

2b　　　Chhin-chhiūⁿ lāi ê thì-thâu-to , kiâⁿ kan-chà.
　　　　亲 像 利 的 剃 头 刀，行 奸 诈。

3a　Lí ài pháiⁿ iâⁿ-kè ài hó chêng-gī ;
　　你 爱 歹 赢 过 爱 好 情 义；

3b　　　Ài pe̍h-chha̍t iâⁿ-kè ài kóng gī-lí . 　　 　 　　爱 白 贼 赢 过 爱 讲 义 理。

4a　Khúi-khiat ê chi̍h ah,
　　诡 谲 的 舌 啊，

4b　　　Lí ài kóng it-chhè thun-chia̍h ê ōe mah?
　　　　你 爱 讲 一 切 吞 食 的 话 吗？

5a　Siōng-tè ia̍h beh húi-hoāi lí ,
　　上 帝 亦 欲 毁 坏 你，

5b　　　Kàu éng-oán bô pàng lí khì,
　　　　到 永 远 无 放 你 去，

5c　　I beh lia̍h lí lâi hōe, tùi lí ê pò͘-pîⁿ-tiong khiú--chhut--lâi;
　　　他欲 掠 你 来 会，对 你 的 布 棚 中 扯 出 来；

5d　　　　Tùi oa̍h-lâng ê tōe, chiong lí pu̍ih--chhut--lâi .
　　　　对 活 人 的 地，将 你 拔 出 来。

6a　Gī-lâng beh khòaⁿ-kìⁿ lâi kiaⁿ-hiâⁿ,
　　义 人 必 看 见 来 惊 惶，

6b　　　Ia̍h beh chhiò i , chhiò chhut siaⁿ.
　　　　亦 必 笑 他，笑 出 声。

7a　Khòaⁿ ah, che chiū-sī hit-hō lâng,
　　看 啊，这 就 是 彼 号 人，

7b　　　Chiū-sī bô lia̍h Siōng-tè chòe i ê khùi-la̍t ê lâng;
　　　　就 是 无 掠 上 帝 做 他 的 气 力 的 人；

7c　Sī óa-khò i ê chîⁿ-châi ê lâng,
　　是 倚 靠 他 的 钱 财 的 人，

7d　　　Tī siâ-ok ka-kī khiā-chāi ê lâng.
　　　　在 邪 恶 自 己 站 在 的 人。

8a　Lūn-kàu góa, góa sī chhin-chhiūⁿ Siōng-tè chhù-lāi
　　论 到 我， 我 是 亲 像 上 帝 厝 内

　　chhiⁿ-chhùi ê kaⁿ-ná-chai; 　　 　　青 翠 的 橄 榄 栽；

8b　　　Góa éng-éng oán-oán óa-khò Siōng-tè ê chû-ài .

　　　　我 永 永 远 远 倚 靠 上 帝 的 慈 爱。

9a　In-ūi Lí liap-lí ê koân,
　　因 为 你 摄 理 的 高，

9b　　　Góa beh kám-siā Lí kàu éng-oán;
　　　　我 要 感 谢 你 到 永 远；

9c　Góa ia̍h beh tī Lí sèng ê peh-sìⁿ ê bīn-chêng, ǹg-bāng Lí ê miâ;
　　我 亦 要 在 你 圣 的 百 姓 的 面 前， 盼 望 你 的 名；

9d　　　In -ūi Li ê miâ sī hó miâ-siaⁿ.
　　　　因 为 你 的 名 是 好 名 声。