《押韵启应诗篇》

 | | | 转寄

台语押韵启应诗篇 49

作者 Tīⁿ Jî-gio̍k 2006.12.17

49　　Khó-la̍h hō͘-è ê si; kau hō͘ Ga̍k-koaⁿ.

1a　Chèng-peh-sìⁿ ah , lín lóng tio̍h thiaⁿ chit-ê ,
　　众 百 姓 啊， 恁 拢 着 听 这 个，

1b　　　Sè-chiūⁿ lóng-chóng khiā-khí ê peh-sìⁿ ah ,
　　　　世 上 拢 总 居 起 的 百 姓 啊，

　　　　lín tio̍h àⁿ hī-khang thiaⁿ siông-sè .
　　　　恁 着 俯 耳 孔 听 详 细。

2a　Bô-lūn hā-téng siōng-téng pi-bî ,
　　无 论 下 等 上 等 卑 微，

2b　　　Hó-gia̍h sòng-hiong, lóng tio̍h án-ni .
　　　　好 额 贫 穷， 拢 着 按 呢。

3a　Góa ê chhùi beh kóng tì -hūi ū kè-ta̍t,
　　我 的 嘴 要 讲 智 慧 有 价 值，

3b　　　Góa ê sim só͘ siūⁿ sī thong-ta̍t .
　　　　我 的 心 所 想 是 通 达。

4a　Góa beh àⁿ hī-khang thiaⁿ phì-jū ê choa̍t-chiau,
　　我 要 俯 耳 孔 听 譬 喻 的 绝 招 ，

4b　　　Góa beh ēng khîm kóe-bêng góa ê ò -biāu.
　　　　我 要 用 琴 解 明 我 的 奥 妙。

5a　Kan-ok tè góa ê kha-āu-tiⁿ sì -bīn ûi góa,
　　奸 恶 随 我 的 脚 后 跟 四 面 围 我，

5b　　　Tī chit-hō hoān-lān ê ji̍t ,
　　　　在 此 号 患 难 的 日，

　　　　góa mih-sái kiaⁿ lâi ngia̍uh-ngia̍uh-chhoah?
　　　　我 何 必 惊 来 愕 愕 惙 ？

6a　Hiah-ê óa-khò in ê sè-le̍k--ê ,
　　那 些 倚 靠 伊 的 势 力 者，

6b　　　Khoa-kháu in ê pù -ū--ê .
　　　　夸 口 伊 的 富 有 者。

7a　Bô chi̍t-ê ū hoat-tō͘ thang sio̍k-hôe ka-kī hiaⁿ-tī ê tōa-sè .
　　无 一 个 有 法 度 通 赎 回 自 己 兄 弟 的 大 小。

7b　　　Ia̍h bōe-ōe thòe i chiong sio̍k-hôe ê kè-chîⁿ hō͘ Siōng-tè .
　　　　亦 不 会 替 他 将 赎 回 的 价 钱 给 上 帝。

8a　In-ūi sio̍k-hôe in ê sìⁿ-miā ê kè-chîⁿ chin kùi,
　　因为 赎 回 伊 的 性 命 的 价 钱 真 贵，

8b　　　Chí-ū éng-oán pàng-soah chit -ê kè-ūi .
　　　　只 有 永 远 放 撒 此 个 计 划。

9a　Kiám ū khó-lêng hō͘ lâng tn̂g-tn̂g oa̍h--teh,
　　岂 有 可 能 使 人 长 长 活 着，

9b　　　Bô khòaⁿ-kìⁿ sìⁿ-miā ê kiat-bé .
　　　　无 看 见 性 命 的 结 尾。

10a　In -ūi lâng khòaⁿ-kìⁿ tì-hūi ê lâng sí ,
　　　因 为 人 看 见 智 慧 的 人 死，

10b　　　Gû-gōng ê lâng, kap ū lâng chhin-chhiūⁿ cheng-siⁿ,
　　　　　愚 憨 的 人， 与 有 人 亲 像 畜 牲，

10c　Ia̍h chòe-chi̍t-ē bia̍t--khì;
　　　亦 作 一 下 灭 去;

10d　　　Lâu in ê chîⁿ-châi hō͘ pa̍t-lâng--khì.
　　　　　留 伊 的 钱 财 给 别 人 去。

11a　In sim-lāi siūⁿ in ê chhù beh éng-oán tī-teh,
　　　伊 心 内 想 伊 的 厝 要 永 远 在 的，

　　ia̍h siūⁿ in khiā-khí ê só͘-chāi beh kàu bān-tāi ê sè-hē .
　　　亦 想 伊 居 起 的 所 在 要 到 万 代 的世 系。

11b　　　In ēng ka-kī ê miâ lâi hō-miâ ka-kī ê thó͘-tē .
　　　　　伊 用 自 己 的 名 来 号 名 自 己 的 土 地。

12a　Chóng-sī lâng tiàm tī chun-kùi ê tiong-kan bô jōa kú,
　　　总 是 人 站 在 尊 贵 的 中 间 无 偌 久，

12b　　　Chhin-chhiūⁿ ōe sí ê cheng-siⁿ khang-hu .
　　　　　亲 像 会 死 的 畜 牲 空 虚。

13a　In kiâⁿ chit-tiâu lō͘ , sī in ê gû-gōng,
　　　伊 行 此 条 路，是 伊 的 愚 憨，

13b　　　Chóng-sī in í- āu ê lâng lóng iáu-kú lia̍h in ê ōe chòe tio̍h, teh chông.
　　　　　总 是 伊 以 后 的 人 拢 尚 且 掠 伊 的 话 作 对，在 匆。

14a　In chhin-chhiūⁿ iûⁿ-kûn put-an ,
　　　伊 亲 像 羊 群 不 安，

14b　　　Tiāⁿ-tio̍h tio̍h lo̍h im-kan;
　　　　　定 着 得 落 阴 间；

14c　Sí -bô beh chòe in ê bo̍k-chiá,
　　　死 无 要 作 伊 的 牧 者，

14d　　　Kàu chá-khí chèng-ti̍t ê lâng beh koán-hat in chi̍t-chiah chi̍t-chiah.
　　　　　到 早 起 正 直 的人 要 管 辖 伊 一 只 一 只。

14e　In ê súi beh bia̍t-bô tī im-kan ê hái,
　　　伊 的 美 要 灭 无 在 阴 间 的 海，

14f　　　Tì -kàu bô khiā-khí ê só͘-chāi.
　　　　　致 到 无 居 起 的 所 在。

15a　To̍k-to̍k Siōng-tè beh sio̍k-hôe góa ê lêng-hûn lâi ko-seng,
　　　独 独 上 帝 要 赎 回 我 的 灵 魂 来 高 升，

15b　　　Thoat-lī im-kan ê koân-pèng;
　　　　　脱 离 阴 间 的 权 柄；

　　　　In-ūi I beh chiap-la̍p góa éng-seng.
　　　　　因 为 他 要 接 纳 我 永 生。

16a　Lâng hoat-châi, ka-têng ke-thiⁿ êng-kng,
　　　人 发 财， 家 庭 加 添 荣 光，

16b　　　Lí m̄-bián in-ūi án-ni lâi kiaⁿ, ba̍k-chiu ian-n̄g ;
　　　　　你 不 免 因 为 按 呢 来 惊， 目 珠 烟 晕；

17a　In -ūi i sí , bô chi̍t-hāng ōe tòa--khì,
　　　因 为 他 死，无 一 项 会 带 去，

17b　　　I ê êng-kng bōe-ōe tè i khì.
　　　　　他的 荣 光 不 会 随 他 去。

18a　I chāi-siⁿ sui-jiân ka-kī khoa-kháu ū hok-khì,
　　　他 在 生 虽 然 自 己 夸 口 有 福 气，

18b　　　（Lí nā gâu chiàu-kò͘ ka-kī , lâng beh o-ló lí ,）
　　　　　你 若 贤 照 顾 自 己，人 要 赞美 你，

19a　Nā-sī i beh kui kàu i le̍k-tāi ê chó͘-kong hia,
　　　若 是 他 要 归 到 他 历 代 的 祖 公 彼，

19b　　　In éng-oán bô khòaⁿ-kìⁿ ji̍t-kng teh siā .
　　　　　伊 永 远 无 看 见 日 光 在 射。

20a　Lâng tiàm-tī chun-kùi ê tiong-kan, ia̍h bô chhíⁿ-gō͘ ,
　　　人 站 在 尊 贵 的 中 间，亦 无 醒 悟，

20b　　　Sī chhin-chhiūⁿ ōe sí ê cheng-siⁿ bô hoat-tō͘ .
　　　　　是 亲 像 会 死 的 畜 牲 无 法 度。