《押韵启应诗篇》

 | | | 转寄

台语押韵启应诗篇 4

作者 Tīⁿ Jî-gio̍k 2006.01.22

Tāi-pi̍t ê si, kau hō͘ Ga̍k-koaⁿ; ēng si-hiân ê ga̍k-khì.


1a　Hián-bêng góa ê gī ê Siōng-tè ah,
　　显　　明　我　的义　的　上　帝　啊，
1b　　　Góa kiû-kiò ê sî , kiû Lí ìn góa.
　　　　我　求　叫　的时，　求　您　应　我。

1c　Góa tī khùn-khó͘ ê tiong-kan lah,
　　我　在　困　苦　的中　间　啦，
1d　　　Kiû Lí hō͘ góa khoan-khoah.
　　　　求　您　使　我　宽　　阔 。

1f　Taⁿ kiû Lí lîn-bín góa,
　　今　求　您　怜　悯　我，
1g　　　Lâi thiaⁿ góa ê kî- tó hō͘ góa oa̍h.
　　　　来　听　我　的祈　祷　使　我　活。

2a　Lín chiah-ê siōng-téng-lâng ah,
　　恁　这　些上　等　人　　啊，
2b　　　Chiong góa ê êng-kng piàn-chòe lêng-jio̍k, beh kàu tī -sî ?
　　　　将　　我　的荣　光　变　做　凌　辱， 要　到　何　时？

2c　Lín ì- ài khang-hu--ê ah ,
　　恁　意　爱　空　　虚　的　啊，
2d　　　Chhiau-chhē phiàn-kio̍k, beh kàu tī -sî ?
　　　　搜　　寻　　骗　局， 要　到　何　时？

3a　Lín tio̍h chai chit -ê ,
　　恁　当　知　此　个：
3b　　　Iâ-hô-hoa í -keng hun-pia̍t kèng-khiân ê lâng chòe I ka-kī--ê .
　　　　耶和华　已经　　分　别　敬　虔　的 人　　做　他　自　己　的。

3c　Góa kiû-kiò Iâ-hô-hoa,
　　我　求　叫　耶　和 华，
3d　　　I beh thiaⁿ góa.
　　　　他　要　听　我。

4a　Lín tio̍h kiaⁿ-hiâⁿ m̄-thang hoān-chōe;
　　恁　当　惊　惶　不　通　　犯　罪；
4b　　　Tī bîn-chhn̂g--ni̍h, sim tio̍h siok-chēng sàm-su chōe-chōe.
　　　　在　眠　床　　里，心　着　肃　静　三　思　多　多。

5a　Tio̍h hiàn gī ê chè koh chhiùⁿ-koa,
　　着　献　义 的　祭　又　唱　　歌，
5b　　　Ia̍h tio̍h óa-khò Iâ-hô-hoa.
　　　　亦　着　倚　靠　　耶　和 华。

6a　Chōe-chōe lâng kóng, siáⁿ-lâng ōe chí-sī goán sím-mi̍h hó-chhù?
　　多　多　人　　讲：　谁　人　会　指　示 阮　甚　么　好　处？
6b　　　Iâ-hô-hoa ah, kiû Lí ēng Lí ê bīn ê kng lâi chiò goán ê sim-su .
　　　　耶 和 华　　啊, 求　您　用　您　的 面　的 光　来　照　阮　的　心　思。　

7a　Lí hō͘ góa sim-lāi ū hoaⁿ-hí .
　　您　使　我　心　内　有　欢　喜。
7b　　　Iâⁿ-kè lâng tit-tio̍h chōe-chōe gō͘-kak kap sin-chiú ê sî .
　　　　赢　过　人　得　到　多　多　五　谷　与　新　酒　的　时。

8a　Góa beh an-jiân tó -teh-khùn,
　　我　要　安　然　倒　在　睡，
8b　　　In-ūi chí-ū Iâ-hô-hia Lí hō͘ góa khiā-khí an-ún.
　　　　因为　只　有　耶 和 华　　您　使　我　居　起　安　 稳。