《押韵启应诗篇》

 | | | 转寄

台语押韵启应诗篇 3

作者 Tīⁿ Jî-gio̍k 2006.01.15

　Tāi-pi̍t siám-pī i ê kiáⁿ Ap-sa-liông ê sî, lâi chòe ê si.

1a　Iâ-hô-hoa ah, góa ê tùi-te̍k chiah-ni̍h chē !
　　耶和华　啊，我　的对　敌　这　么　多！
1b　　　Chōe-chōe lâng khí-lâi kong-kek góa bô thè.
　　　　多　多　人　起　来　攻　击　我　无　退。

2a　Chōe-chōe lâng gī-lūn góa lâi káng-kiù,
　　多　多　人　议　论　我　来　讲　究，
2b　I kiám ōe-tit-thang tit-tio̍h Siōng-tè ê chín-kiù.
　　他岂　会得　通　得　到　上　帝　的拯　救。

3a　Chóng-sī, Iâ-hô-hoa, Lí sī góa sì -ûi ê tîn-pâi;
　　总　是，耶和华，您　是　我　四　围　的盾　牌；
3b　　　Sī góa ê êng-kng; koh sī hō͘ góa ê thâu kia̍h-koân lâi khiā-chāi.
　　　　是　我　的荣　光；又　是使　我　的头　举　高　来　立　在。

4a　Góa ēng góa ê siaⁿ kiû-kiò Iâ-hô-hoa,
　　我　用　我　的声　求　叫　耶和华，
4b　　　I tùi I ê sèng-soaⁿ ìn góa.
　　　　他从　他的圣　山　应　我。

5a　Góa tó--teh, góa khùn, góa cheng-sîn,
　　我　倒　在，我　睡，我　精　神，
5b　　　In-ūi Iâ-hô-hoa lóng pó-hō͘ góa kín-kín.
　　　　因为　耶和华　拢　保　护　我　紧　紧。

6a　Sui-jiân chheng-bān lâng khí-lâi hán-hoah, ûi-lûi kong-kek góa,
　　虽　然　千　万　人　起　来　喊　喝，围垒　攻　击　我，
6b　　　Góa ia̍h bô kiaⁿ bô iô-choah.
　　　　我　亦　无惊　无　摇泏。

7a　Iâ-hô-hoa ah, kiû Lí khí--lâi ;
　　耶和华　啊，求　您　起　来；
7b　　　Góa ê Siōng-tè ah, kiû Lí chín-kiù góa khiā-chāi,
　　　　我　的上　帝　啊，求　您拯　救　我　站　在，

7c　In-ūi Lí siàn góa it-chhè tùi-te̍k ê chhùi-phóe,
　　因为　您搧　我　一切　对　敌　的嘴　颊，
7d　　　Phah-chi̍h pháiⁿ-lâng ê chhùi-khí chok-hòe.
　　　　打　折　歹　人　的嘴　齿　作　废。

8a　Chín-kiù sio̍k-tī Iâ-hô-hoa;
　　拯　救　属　在　耶和华；
8b　　　Goān Lí sù-hok Lí ê peh-sìⁿ bô soah.
　　　　愿　您　赐福　您的百　姓　无　息。