《押韵启应诗篇》

 | | | 转寄

台语押韵启应诗篇 2

作者 Tīⁿ Jî-gio̍k 2006.01.08

1a　Lia̍t-pang siáⁿ-sū soan-hoa,
　　列 邦 甚 事 喧 哗，
1b　　　Chèng peh-sìⁿ siáⁿ-sū kè-bô͘ khang-khang ê sū lâi hoah?
　　　　众 百 姓 甚 事 计 谋 空 空 的 事 来 喝 ？

2a　Sè-chiūⁿ ê kun-ông khiā--khí--lâi ,
　　世 上 的 君 王 站 起 来，
2b　　　Chiáng koân-pèng--ê saⁿ -kap kiat--khí--lâi .
　　　　掌 权 柄 者 相 与 结 起 来。

2c　Beh tí -te̍k Iâ-hô-hoa,
　　要 抵 敌 耶 和 华，
2d　　　Iā tí -te̍k I ê siū boah-iû--ê lâi chū-khoa.
　　　　也 抵 敌 他 的 受 抹 油 者 来 自 夸。

3a　Kóng, lán tio̍h pak-khui in kā lán kòa--ê kê ,
　　讲 ， 咱 着 剥 开 伊 给 咱 挂 的 枷，
3b　　　Hiat-ka̍k in ê soh lo̍h tē .
　　　　弃 掷 伊 的 索 落 地。

4a　Chē tī thiⁿ-téng--ê beh chhiò,
　　坐 在 天 顶 的 要 笑 ，
4b　　　Chú beh biáu-sī in teh tiô.
　　　　主 要 藐 视 伊 在 (fa6b)。

5a　Hit-sî I beh tī I ê siū-khì-tiong lâi tùi-hù in ,
　　彼 时 他 要 在 他 的 怒 气 中 来 对 付 伊，
5b　　　Tī I ê tōa khióng-pò͘ ê siū-khì lâi tí -tng in .
　　　　在 他 的 大 恐 怖 的 怒 气 来 抵 挡 伊。

6a　Chú kóng, Góa ka-kī í- keng siat-li̍p ông,
　　主 讲 ， 我 自 己 已 经 设 立 王，
6b　　　Tī Sek-an , Góa ê sèng-soaⁿ hō͘ i chun-chông.
　　　　在 锡 安， 我 的 圣 山 使 他 尊 崇。

7a　Góa beh thoân sèng-chí ,
　　我 要 传 圣 旨，
7b　　　Iâ-hô-hoa bat kā góa kóng-khí,
　　　　耶 和 华 曾 给 我 讲 起：

7c　Lí sī Góa ê kiáⁿ-jî ,
　　你 是 我 的 子 儿，
7d　　　Góa kin-á -ji̍t siⁿ lí .
　　　　我 今 仔 日 生 你。

8a　Lí kiû Góa, Góa chiū chiong lia̍t-pang hō͘ lí chòe ki-gia̍p;
　　你 求 我， 我 就 将 列 邦 给 你 做 基 业；
8b　　　Chiong tōe ê ke̍k-thâu hō͘ lí chòe sán-gia̍p.
　　　　将 地 的 极 头 给 你 做 产 业。

9a　Lí beh ēng thih-koái chiong lia̍t-ông kòng--lo̍h-khì,
　　你 要 用 铁 拐 将 列 王 扛 落 去，
9b　　　Beh kòng-chhùi in chhin-chhiūⁿ sio-hûi-lâng ê hûi-khì.
　　　　要 扛 碎 伊 亲 像 烧 磁 人 的 磁 器。

10a　Taⁿ lín lia̍t-ông tio̍h ū tì-hūi kèng-pài;
　　今 恁 列 王 当 有 智 慧 敬 拜；
10b　　　Lín sè-chiūⁿ ê sím-phòaⁿ-koaⁿ tio̍h siū kéng-kài.
　　　　　恁 世 上 的 审 判 官 当 受 警 戒。

11a　Tio̍h ēng kèng-ùi lâi ho̍k-sāi Iâ-hô-hoa,
　　着 用 敬 畏 来 服 事 耶 和 华，
11b　　　Tio̍h ēng kiaⁿ-hiâⁿ lâi hoaⁿ-hí chhiùⁿ-koa.
　　　　着 用 惊 惶 来 欢 喜 唱 歌。

12a　Tio̍h ēng chhùi chim Sèng-Kiáⁿ,
　　着 用 嘴 亲 圣 子，
12b　　　Kiaⁿ-liáu I siū-khì hoat-siaⁿ,
　　　　惊 了 他 怒 气 发 声，

12c　Lín chiū bia̍t-bô tī lō͘-tiong bô-miā.
　　恁 就 灭 亡 在 路 中 无 命。
12d　　　In-ūi I ê siū-khì beh kín-kín hoat- chhut, tòng bōe tiāⁿ.
　　　　因 为 他 的 怒 气 要 紧 紧 发 出 ， 挡 不 定。

12e　Hoān-nā óa-khò I ê lâng,
　　凡 若 倚 靠 他 的 人，
12f　　　Lóng sī ū hok-khì ê lâng.
　　　　拢 是 有 福 气 的 人。