《押韵启应诗篇》

 | | | 转寄

台语押韵启应诗篇 1

作者 Tīⁿ Jî-gio̍k 2006.01.01

1a　Bô kiâⁿ pháiⁿ-lâng ê kè-bô͘ ,
　　无 行 歹 人 的 计 谋，
1b　　　Bô khiā chōe-jîn ê lō͘ ,
　　　　无 站 罪 人 的 路，

1c　Bô kap bú-bān ê lâng saⁿ-kap chē í ,
　　无 与 侮 慢 的 人 相 与 坐 椅，
1d　　　Chit-hō lâng ū hok-khì.
　　　　此 号 人 有 福 气。

2a　I só͘ hoaⁿ-hí--ê , chiū-sī Iâ-hô-hoa ê lu̍t-hoat;
　　他 所 欢 喜 的，就 是 耶 和 华 的 律 法；
2b　　　Mî-ji̍t sàm-su--ê , iā sī I ê lu̍t-hoat.
　　　　暝 日 三 思 的，也 是 他 的 律 法。

3a　I beh chhin-chhiūⁿ chhiū chai tī khoe-piⁿ,
　　他 要 亲 像 树 栽 在 溪 边，
3b　　　Chiàu-sî kiat ké-chí,
　　　　照 时 结 果 子，
3c　I ê hio̍h iā bōe ta--khì ;
　　他　的 叶 也 不 干 去；
3d　　　I só͘ chòe--ê it-chīn heng-thong ōe heng-khí.
　　　　他 所 做 的 一 尽 亨 通 会 兴 起。

4a　Pháiⁿ-lâng m̄-sī án-ni ;
　　歹 人 不 是 按 呢；
4b　　　Sī chhin-chhiūⁿ chho͘-khng hō͘ hong chhe-sòaⁿ bô--khì.
　　　　是 亲 像 粗 糠 受 风 吹 散 无 去。

5a　Só͘- í tī sím-phòaⁿ, pháiⁿ-lâng khiā-bōe-tiâu;
　　所 以 在 审 判 ， 歹 人 站 不 住；
5b　　　Chōe-jîn tī gī-lâng ê hōe-tiong, ia̍h sī án-ni kiàn-siàu.
　　　　罪 人 在 义 人 的 会 中 ， 亦 是 按 呢 见 诮。
6a　In-ūi Iâ-hô-hoa chai gī-lâng ê lō͘ ,
　　因 为 耶 和 华 知 义 人 的 路，
6b　　　Nā-sī pháiⁿ-lâng--ê sī ōe bia̍t-bô ê lō͘ .
　　　　若 是 歹 人 的 是 会 灭 亡 的 路。