《押韵启应诗篇》

 | | | 转寄

台语押韵启应诗篇 43

作者 Tīⁿ Jî-gio̍k 2006.11.05

43

1a　Siōng-tè ah , kiû Lí kā góa phòaⁿ-toàn,
　　上 帝 啊， 求 你 予 我 判 断，

1b　　　Tùi bô khiân-sêng ê kok-koân,
　　　　对 无 虔 诚 的 国 权，

1c　Piān-bêng góa thang sin-oan.
　　辨 明 我 通 申 冤。

1d　　　Kiû Lí kiù góa thoat-lī kan-chà put-gī ê lâng ê sim-goān.
　　　　求 你 救 我 脱 离 奸 诈 不 义 的 人 的 心 愿。

2a　In -ūi Lí sī hō͘ góa ū khùi-la̍t ê Siōng-tè ,
　　因 为 你 是 使 我 有 气 力 的 上 帝，

2b　　　Siáⁿ-sū pàng-sak góa?
　　　　甚 事 放 拺 我？

2c　Góa siáⁿ-sū in-ūi tùi-te̍k ê ap-chè,
　　我 甚 事 因 为 对 敌 的 压 制，

2d　　　Siông-siông iu-būn lâi kiâⁿ teh tō͘-oa̍h ?
　　　　常 常 忧 闷 来 行 在 度 活？

3a　Kiû Lí hoat-chhut Lí ê kng kap Lí ê chin-si̍t ,
　　求 你 发 出 你 的 光 和 你 的 真 实，

3b　　　Hō͘ i chhōa góa ti̍t -ti̍t ,
　　　　使 它 导 我 直 直，

3c　Tòa góa kàu Lí ê sèng-soaⁿ,
　　带 我 到 你 的 圣 山，

3d　　　Kàu Lí ê hōe-bō͘ ê chè-tôaⁿ.
　　　　到 你 的 会 幕 的 祭 坛。

4a　Góa chiū beh kàu Siōng-tè ê chè-tôaⁿ-piⁿ,
　　我 就 要 到 上 帝 的 祭 坛 边，

4b　　　Kàu góa ke̍k hoaⁿ-hí ê Siōng-tè hia khiā-khí,
　　　　到 我 极 欢 喜 的 上 帝 彼 居 起，

4c　Siōng-tè ah , góa ê Siōng-tè ah ,
　　上 帝 啊， 我 的 上 帝 啊，

4d　　　Góa beh tôaⁿ khîm lâi o- ló Lí lah.
　　　　我 要 弹 琴 来 赞美 你 啦。

5a　Góa ê sim ah , lí siáⁿ-sū ut- chut kò͘-chip ?
　　我 的 心 啊，你 甚 事 郁 卒 固 执？

5b　　　Siáⁿ-sū tī góa ê lāi-bīn tio̍h-kip ?
　　　　甚 事 在 我 的 内 面 着 急？

5c　Lí tio̍h ǹg-bāng Siōng-tè ,
　　你 当 盼 望 上 帝，

5d　　　In-ūi góa iáu-kú beh o- ló Lí bô thè .
　　　　因 为 我 尚 且 要 赞 美 你 无 退。

5e　I sī góa ê bīn ê êng-kng--ê ,
　　他 是 我 的 面 的 荣 光 的，

5f　　　Ia̍h sī góa ê Siōng-tè .
　　　　亦 是 我 的 上 帝。